Ehuliloshiwike lyOpaasa olyali lyuudha Iiponga
Liponga yiihauto, omatsano nombele oshowo omaikuthomwenyo oya faalele oomwenyo dhaantu ya thika pomugoyi mehuliloshiwike lyapaasa, ndyoka lya piti.
Ongulohi yEtine okanona koomvula hetatu kedhina Aneli-Rejoice Namakumbu oka hulitha konima sho ka lyatwa kohauto, sha ningilwa pomukunda Okatope mOshitopolwa shaShikoto.
Namakumbu okwa li mondjila ye okuza koskola sho a pumwa kohauto. Okwa patululwa oshipotha shedhipago lyaashi lyoshiningilawina.
Ongula onene yEtitano, omukiintu gwoomvula 20 okwa tulwa miipandeko sho a tsu ohonda ye nombele yOkapi. Etsano ndika olya etitha eso lyomunamimvo 24, Carlos Garab.
Opolisi oya hokolola kutya oshiningwanima shika osha ningwa lyopotundi onti-02:30 omanga aaholathani mbaka yaali yali molweendo lwawo okuza kondunda yomanwino.
Omufekelwa okwa tegelelwa a holoke komeho gompangu yaMangestrata gwaGrootfontein.
Moshipotha sheikuthomwenyo, olutu lyomunamimvo 35 olwa adhika lweendjelela mondunda ye yokulala momukunda Onguma-Omulonga mOshikoto ongula yOlyomakaya. Nakusa okwa dhimbululwa kutya oJosef Tomas.
Okakadhona koomvula 14 oka kwatwa onkonga komulumentu omunamimvo 29 momukunda Oshifukwa mOshitopolwa shaShikoto.
Omufekelwa okwa tegelelwa a holoke mompangulilo yaNdangwa.
Omutenya gwEtine, lyopotundi onti- 18:00, aantu yatatu oya hulita mwakwatelwa omuhingi, sho okabbaki moka yali yiidhenge omutse nomutse mumwe nokambesa koIveco. Oshiponga shika osha ningilwa pokati kOndangwa nOmuthiya.
Omuhingi gwokabbaki okwa li a yanda ongombe ndjoka ya thikama mondjila na okwa nyengwa okupangela osheenditho shoka sha etitha iidhenge mumwe nokambesa.
Okambesa okali ka humbata aantu ya thika po-20 na okali taka zi koSwakopo. Aafaakelwa ayehe mokambesa oya hupa moshiponga na oya taambelwa moshipangelo shaNandjokwe.
Oonakusila poshiponga shoka oya tumbulwa kutya omunamimvo 48 Tangeni Fillemon (omuhingi), Victoria Iishuna (45) naMagnaem Ishuna (3).
Ongula yOlyomakaya, Nel van Greunen (32), omuthaneki OmuNamibia na okuli omutotipo nOmunambelewa Omukuluntu gwoNamlish Media, okwa hulitha sho ohauto moka a li a ya gu nokugalangata popepi noGrootfontein.
Moshitopolwa shErongo opolisi otayi konaakona oshipotha shedhipago lyaashi lyoshiningilawina, oshowo okuhinga nuuhasha sha landula oshiponga shoka sha faalela omwenyo gwomuntu gumwe, mOmbaye mOlyomakaya.
Loretha Louw (41), omufaalelwa muyimwe yomoobbaki ndhoka dha ningi oshiponga okwa hulithile pehala lyoshiponga omanga aahingi yaali yiiyenditho mbyoka ya ehamekwa noonkondo.
Komufala gwopolisi merongo, Erastus Ikuyu okwa koleke oshiponga shika.
“Uuyelele mboka twa mono po owa holola kutya ohauto ontokele yoNissan yoondunda mbali yonomola (N154-660 W), yi na aafaalelwa yaali Robert Hanekom (45) nanakusa, oya li tayi ende mepandanda lyo5th sho ya pumwa kombinga hoka haku kala omufaalelwa kohauto yoToyota Hilux yoondunda wo mbali (N168-988W) ndjoka yali tayi ende mepandanda lyaNangolo Mbumba,” Komufala ta ti.
Pahapu dha Ikuyu, Liam Daniel (25) oye a li omuhingi gwohauto ndjoka na oye owala a li mo moshiyenditho shoka shiidhenge moNissan.
Onakweehamekelwa moshiponga oya taambelewa moshipangelo shaWelwitschia nOshipangelo shEpangelo mOmbaye.
Natango okwa patululwa oshipotha shokuhinga nuuhasha moUsakos konima sho ehauto lya thigi po ondjila nokugalangata mEtitano. Aakwashigwana yaali aaZimbambwe oya ehamekelwa moshiponga shoka.
“Omuhingi, Michael Richard Matafeni (26), okwa ehamekwa kashona omanga omufaalelwa Bonani Mthimkhulu (25), e ehamekwa metundji oshowo momutse. Okwa taambelewa mOshipangelo shEpangelo shaSwakopo na okuli monkalo ohwepo. Oshiyetithi shoshiponga otashi konaakonwa.”
Aaholathani yaali oya li molweendo okuza mOvenduka okuya komunkulofuta, sho ohauto yo Toyota Etios yonomola (FB 77 YZGP). moka ya li ya gu, konima sho omuhingi a nyengwa okupangela osheenditho, lwopotundi 22:40 konyala oshinano shookilometa 45 okuza muUsakos okuya moArandis.
Omutenya gwolyomakaya, aagandji yomakwatho gopaulumompumbwe oya gandja eyakulo poshiponga sha ningilwa oshinano shookilometa 40 monooli yaHenties bay, sho ohauto moka mwali aantu yane ya thigi po ondjila nokugalangata, aantu yaali oya ehamekelwa noonkondo moshiponga shoka.
ONZO-NKUNDANA YOMENI
OLOPOTA YA GWEDHWAPO-NAMPA
Namakumbu okwa li mondjila ye okuza koskola sho a pumwa kohauto. Okwa patululwa oshipotha shedhipago lyaashi lyoshiningilawina.
Ongula onene yEtitano, omukiintu gwoomvula 20 okwa tulwa miipandeko sho a tsu ohonda ye nombele yOkapi. Etsano ndika olya etitha eso lyomunamimvo 24, Carlos Garab.
Opolisi oya hokolola kutya oshiningwanima shika osha ningwa lyopotundi onti-02:30 omanga aaholathani mbaka yaali yali molweendo lwawo okuza kondunda yomanwino.
Omufekelwa okwa tegelelwa a holoke komeho gompangu yaMangestrata gwaGrootfontein.
Moshipotha sheikuthomwenyo, olutu lyomunamimvo 35 olwa adhika lweendjelela mondunda ye yokulala momukunda Onguma-Omulonga mOshikoto ongula yOlyomakaya. Nakusa okwa dhimbululwa kutya oJosef Tomas.
Okakadhona koomvula 14 oka kwatwa onkonga komulumentu omunamimvo 29 momukunda Oshifukwa mOshitopolwa shaShikoto.
Omufekelwa okwa tegelelwa a holoke mompangulilo yaNdangwa.
Omutenya gwEtine, lyopotundi onti- 18:00, aantu yatatu oya hulita mwakwatelwa omuhingi, sho okabbaki moka yali yiidhenge omutse nomutse mumwe nokambesa koIveco. Oshiponga shika osha ningilwa pokati kOndangwa nOmuthiya.
Omuhingi gwokabbaki okwa li a yanda ongombe ndjoka ya thikama mondjila na okwa nyengwa okupangela osheenditho shoka sha etitha iidhenge mumwe nokambesa.
Okambesa okali ka humbata aantu ya thika po-20 na okali taka zi koSwakopo. Aafaakelwa ayehe mokambesa oya hupa moshiponga na oya taambelwa moshipangelo shaNandjokwe.
Oonakusila poshiponga shoka oya tumbulwa kutya omunamimvo 48 Tangeni Fillemon (omuhingi), Victoria Iishuna (45) naMagnaem Ishuna (3).
Ongula yOlyomakaya, Nel van Greunen (32), omuthaneki OmuNamibia na okuli omutotipo nOmunambelewa Omukuluntu gwoNamlish Media, okwa hulitha sho ohauto moka a li a ya gu nokugalangata popepi noGrootfontein.
Moshitopolwa shErongo opolisi otayi konaakona oshipotha shedhipago lyaashi lyoshiningilawina, oshowo okuhinga nuuhasha sha landula oshiponga shoka sha faalela omwenyo gwomuntu gumwe, mOmbaye mOlyomakaya.
Loretha Louw (41), omufaalelwa muyimwe yomoobbaki ndhoka dha ningi oshiponga okwa hulithile pehala lyoshiponga omanga aahingi yaali yiiyenditho mbyoka ya ehamekwa noonkondo.
Komufala gwopolisi merongo, Erastus Ikuyu okwa koleke oshiponga shika.
“Uuyelele mboka twa mono po owa holola kutya ohauto ontokele yoNissan yoondunda mbali yonomola (N154-660 W), yi na aafaalelwa yaali Robert Hanekom (45) nanakusa, oya li tayi ende mepandanda lyo5th sho ya pumwa kombinga hoka haku kala omufaalelwa kohauto yoToyota Hilux yoondunda wo mbali (N168-988W) ndjoka yali tayi ende mepandanda lyaNangolo Mbumba,” Komufala ta ti.
Pahapu dha Ikuyu, Liam Daniel (25) oye a li omuhingi gwohauto ndjoka na oye owala a li mo moshiyenditho shoka shiidhenge moNissan.
Onakweehamekelwa moshiponga oya taambelewa moshipangelo shaWelwitschia nOshipangelo shEpangelo mOmbaye.
Natango okwa patululwa oshipotha shokuhinga nuuhasha moUsakos konima sho ehauto lya thigi po ondjila nokugalangata mEtitano. Aakwashigwana yaali aaZimbambwe oya ehamekelwa moshiponga shoka.
“Omuhingi, Michael Richard Matafeni (26), okwa ehamekwa kashona omanga omufaalelwa Bonani Mthimkhulu (25), e ehamekwa metundji oshowo momutse. Okwa taambelewa mOshipangelo shEpangelo shaSwakopo na okuli monkalo ohwepo. Oshiyetithi shoshiponga otashi konaakonwa.”
Aaholathani yaali oya li molweendo okuza mOvenduka okuya komunkulofuta, sho ohauto yo Toyota Etios yonomola (FB 77 YZGP). moka ya li ya gu, konima sho omuhingi a nyengwa okupangela osheenditho, lwopotundi 22:40 konyala oshinano shookilometa 45 okuza muUsakos okuya moArandis.
Omutenya gwolyomakaya, aagandji yomakwatho gopaulumompumbwe oya gandja eyakulo poshiponga sha ningilwa oshinano shookilometa 40 monooli yaHenties bay, sho ohauto moka mwali aantu yane ya thigi po ondjila nokugalangata, aantu yaali oya ehamekelwa noonkondo moshiponga shoka.
ONZO-NKUNDANA YOMENI
OLOPOTA YA GWEDHWAPO-NAMPA
Comments
Namibian Sun
No comments have been left on this article