Die dame in die venster
Sedert Maart vanjaar kon motoriste en voetgangers nie die model in die vertoonvenster van Value Vision Optometrist in Onafhanklikheidsrylaan miskyk nie.
Met haar groot bruin oë en klassieke gesig staar die skoonheid al vir ses maande na verbygangers en nooi hulle binne om die winkel agter die venster te verken.
Voorheen was die bekende Amerikaanse model Hailey Baldwin in die vertoonvenster te sien, maar nou het die plaaslike model Zoë Karsten haar plek ingeneem.
“Ek is 15 jaar oud en is in Windhoek gebore. Ek is ’n leerling by Windhoek Afrikaanse Privaatskool (WAP) en geniet skool ongelooflik baie. Ek geniet dit om nuwe dinge te leer en tyd saam met vriende deur te bring. Al het die coronavirus ons skoolgaan ietwat omver gegooi, probeer ek steeds die meeste maak van die e-onderrig ervaring,” het Karsten gesê.
Karsten sê sy het twee jaar gelede met modelwerk begin en geniet veral fotografiese modelwerk. “Ek het Juné Geyser, ‘n fotograaf by Urban Lens Photography tydens ‘n leefstyl- en mode-ekspo ontmoet, en die res, soos hulle sê, is nou geskiedenis.”
Karsten sê verder deur modelwerk en spesifiek fotografiese modelwerk het sy nuwe mense ontmoet, plekke verken en ervaring opgedoen wat sy nooit gedink het moontlik sou wees nie. “Ek het al fotosessies met die huidige Mej. Namibië, Nadja Breytenbach, en Mej. Namibië 2016, Lizelle Esterhuizen, gedoen. Ek het ook kommersiële fotosessies met bekende handelsmerke gedoen en ook deelgeneem aan wonderlike gemeenskapsprojekte.”
Karsten is ook as die handelsmerk ambassadeur vir Andeline Wieland, Mej. Kontinente 2017, se Snow White-projek gekies. “Dit was ‘n ongelooflike manier om mense in nood te help.”
‘Soos toneelspel’
Karsten sê modelwerk is amper soos toneelspel. “Deur die verskillende uitrustings aan te trek, kan jy enigiemand wees wat jy wil wees.”
Karsten sê Nikita Rix van Collective Boutique Namibia het haar die geleentheid gegee om modelwerk te doen vir Judith Atelier, Sew Couture SA, Just Cruizin en verskeie ander modehandelsmerke. “Dit het my gehelp om te groei en ‘n beter weergawe van myself te word.”
“Toe Karen Greeff, die eienaar van Value Vision Optometrists my gekontak en gevra het of ek sou belangstel om die nuwe gesig van die venster te wees, het ek dadelik die geleentheid aangegryp. Ek het Juné Geyser gevra of sy die foto’s sal neem en toe het die pret begin.”
Greeff is ‘n groot voorstander van die ‘Local is lekker’-beweging en het om dié rede besluit om Karsten as die nuwe gesig van die venster te kies.
“Dit is vir my belangrik om Namibiërs te ondersteun, want hulle is ook my kliënte en ek het weer hulle ondersteuning nodig. As ek net ‘n klein rol kan speel in die erkenning en blootstelling van plaaslike modelle, wou ek seker maak ek doen my deel. Ek ken vir Karsten al ‘n paar jaar en het die volste vertroue in haar vermoë,” het Greeff gesê.
Greeff nooi mense wat bril dra of ‘n nuwe bril moet aanskaf om die winkel te besoek waar hulle die nuutste tegnologie gebruik en ‘n groot verskeidenheid stylvolle brilrame het om van te kies.
Voorheen was die bekende Amerikaanse model Hailey Baldwin in die vertoonvenster te sien, maar nou het die plaaslike model Zoë Karsten haar plek ingeneem.
“Ek is 15 jaar oud en is in Windhoek gebore. Ek is ’n leerling by Windhoek Afrikaanse Privaatskool (WAP) en geniet skool ongelooflik baie. Ek geniet dit om nuwe dinge te leer en tyd saam met vriende deur te bring. Al het die coronavirus ons skoolgaan ietwat omver gegooi, probeer ek steeds die meeste maak van die e-onderrig ervaring,” het Karsten gesê.
Karsten sê sy het twee jaar gelede met modelwerk begin en geniet veral fotografiese modelwerk. “Ek het Juné Geyser, ‘n fotograaf by Urban Lens Photography tydens ‘n leefstyl- en mode-ekspo ontmoet, en die res, soos hulle sê, is nou geskiedenis.”
Karsten sê verder deur modelwerk en spesifiek fotografiese modelwerk het sy nuwe mense ontmoet, plekke verken en ervaring opgedoen wat sy nooit gedink het moontlik sou wees nie. “Ek het al fotosessies met die huidige Mej. Namibië, Nadja Breytenbach, en Mej. Namibië 2016, Lizelle Esterhuizen, gedoen. Ek het ook kommersiële fotosessies met bekende handelsmerke gedoen en ook deelgeneem aan wonderlike gemeenskapsprojekte.”
Karsten is ook as die handelsmerk ambassadeur vir Andeline Wieland, Mej. Kontinente 2017, se Snow White-projek gekies. “Dit was ‘n ongelooflike manier om mense in nood te help.”
‘Soos toneelspel’
Karsten sê modelwerk is amper soos toneelspel. “Deur die verskillende uitrustings aan te trek, kan jy enigiemand wees wat jy wil wees.”
Karsten sê Nikita Rix van Collective Boutique Namibia het haar die geleentheid gegee om modelwerk te doen vir Judith Atelier, Sew Couture SA, Just Cruizin en verskeie ander modehandelsmerke. “Dit het my gehelp om te groei en ‘n beter weergawe van myself te word.”
“Toe Karen Greeff, die eienaar van Value Vision Optometrists my gekontak en gevra het of ek sou belangstel om die nuwe gesig van die venster te wees, het ek dadelik die geleentheid aangegryp. Ek het Juné Geyser gevra of sy die foto’s sal neem en toe het die pret begin.”
Greeff is ‘n groot voorstander van die ‘Local is lekker’-beweging en het om dié rede besluit om Karsten as die nuwe gesig van die venster te kies.
“Dit is vir my belangrik om Namibiërs te ondersteun, want hulle is ook my kliënte en ek het weer hulle ondersteuning nodig. As ek net ‘n klein rol kan speel in die erkenning en blootstelling van plaaslike modelle, wou ek seker maak ek doen my deel. Ek ken vir Karsten al ‘n paar jaar en het die volste vertroue in haar vermoë,” het Greeff gesê.
Greeff nooi mense wat bril dra of ‘n nuwe bril moet aanskaf om die winkel te besoek waar hulle die nuutste tegnologie gebruik en ‘n groot verskeidenheid stylvolle brilrame het om van te kies.
Comments
Namibian Sun
No comments have been left on this article