Aanyasha yomOmaalala ya gandja ekwatho kokinda yomomudhingoloko gwawo
Aanyasha yopomudhingoloko Omaalala oya gongala pamwe pethimbo lyiituthi yomatango omanene nokugongela oshimaliwa shooN$30 000 shoka sha nuninwa oskola yoshikunino yomomudhingoloko ngoka yOmaalala Sunshine Kindergarten.
Pahapu dhomuunganeki Joseph Munyongi, iimaliwa mbyoka otayi ka pewa okinda ndjoka tayi ka tokola yoyene kutya otayi ka longitha shike iimaliwa mbyoka.
Munyongi ngoka a za mOmaalala ihe oha kala mOvenduka, okwa popi kutya okwa gumwa noonkondo kolopota ndjoka ya pitithwa koshifokundnaeki shoNamibian Sun omvula ya piti, kutya Omaalala Sunshine kindergarten popepi noAdolfi mOmaalala otayi kongo ekwatho moshigwana opo ehala lyokinda ndjoka li vule okukala tali gandjwa enongelo kaanona ya thika po 45 mboka haya hiti enongelo pokinda ndjoka.
Munyongi okwa popi kutya oya putukile monkalo ya faathana naanona mboka, ihe okwa nyanyukwa sho aanyasha yopomudhingoloko ngoka ya tokola okugandja omakwatho kokinda ndjoka. Omunyasha ngoka okwa popi kutya ngashiingeyi oshi li omukalondjiigilile okutameka omvula yo 2013, sho ya tokola okukala haya gongala pamwe pehulilo lyomumvo, nokutopolelathana omahokololo goonkalamwenyo dhawo.
Okwa tsikile kutya omvula ya piti, oya tokola okuyambidhidha okinda ndjoka, na oku na etegelelo enene kutya natango numvo otaya ka ninga sha shomupondo.
Omvula ya piti, omutotipo gwokinda ndjoka, omunamimvo 25, Emilia Victory, okwa lombwele oNamibian Sun kutya oya pumbwa iitaafula, iidhanitho yuunona oshowo iinima yimwe tayi pumbiwa meyambulepo lyekoko lyaanona aashona.
Okwa li a popi kutya omolwa ompumbwe, aavali oya tameke okufala koskola iidhanitho ya longwa koonyala opo aanona ya vule okukala ya nyanyukwa pethimbo ye li woo koskola.
ILENI NANDJATO
Pahapu dhomuunganeki Joseph Munyongi, iimaliwa mbyoka otayi ka pewa okinda ndjoka tayi ka tokola yoyene kutya otayi ka longitha shike iimaliwa mbyoka.
Munyongi ngoka a za mOmaalala ihe oha kala mOvenduka, okwa popi kutya okwa gumwa noonkondo kolopota ndjoka ya pitithwa koshifokundnaeki shoNamibian Sun omvula ya piti, kutya Omaalala Sunshine kindergarten popepi noAdolfi mOmaalala otayi kongo ekwatho moshigwana opo ehala lyokinda ndjoka li vule okukala tali gandjwa enongelo kaanona ya thika po 45 mboka haya hiti enongelo pokinda ndjoka.
Munyongi okwa popi kutya oya putukile monkalo ya faathana naanona mboka, ihe okwa nyanyukwa sho aanyasha yopomudhingoloko ngoka ya tokola okugandja omakwatho kokinda ndjoka. Omunyasha ngoka okwa popi kutya ngashiingeyi oshi li omukalondjiigilile okutameka omvula yo 2013, sho ya tokola okukala haya gongala pamwe pehulilo lyomumvo, nokutopolelathana omahokololo goonkalamwenyo dhawo.
Okwa tsikile kutya omvula ya piti, oya tokola okuyambidhidha okinda ndjoka, na oku na etegelelo enene kutya natango numvo otaya ka ninga sha shomupondo.
Omvula ya piti, omutotipo gwokinda ndjoka, omunamimvo 25, Emilia Victory, okwa lombwele oNamibian Sun kutya oya pumbwa iitaafula, iidhanitho yuunona oshowo iinima yimwe tayi pumbiwa meyambulepo lyekoko lyaanona aashona.
Okwa li a popi kutya omolwa ompumbwe, aavali oya tameke okufala koskola iidhanitho ya longwa koonyala opo aanona ya vule okukala ya nyanyukwa pethimbo ye li woo koskola.
ILENI NANDJATO
Comments
Namibian Sun
No comments have been left on this article