Aantu ya kana mo Tsumkwe
Opolisi moshitopolwa shaOtjozondjupa oyi li momalimbililo kombinga yomwaalu tagu londo pombanda gwaantu taya kana moTsumkwe.
Okuza omvula yo 2016 aantu yane oya kana mwakwatelwa omunambelewa gwopolisi, na inaya monika sigo onena.
Omuntu ngoka a kana ngashiingeyi omunamimvo 5 Elven Bergers, ngoka a kana momasiku 24 gaDesemba omvula ya piti.
Okamati hoka okaza momukunda Oluhepo momudhingoloko gwaMangetti moshikandjohogololo
Tsumkwe na oka kana omanga kali taka likola iiyimati mokuti, opamwe naamwayinamati yoomvula 9, 10 oshowo 11.
Okamati hoka oka li oompadhi kombanda ka zala okambindja kafa elowa oshowo okambulukweya okahupi okabulawu.
Palopota yopolisi mOtjozondjupa, Omupopiliko gwopolisi ndjoka, Warrant Officer Maureen Mbeha, okwa popi kutya uumati awuhe owa li wa lopotwa wa kana, ihe utatu owa monika.
Kamwe oka monika momasiku 27 gaDesemba omanga uukwawo wa monika esiku lya landula.
Hoka okashona inaka monika nonando okwa ningwa olukongo lwa kwata miiti kopolisi yaNamibia oshowo Etanga lyEgameno mwakwatelwa woo aanambelewa yomakuti.
Mbeha okwa popi kutya opolisi oya limbilikwa komukalo ngoka aantu taya kana na itaya monika moTsumkwe, na okwa indile aakalimo nenge mboka taya talelepo omudhingoloko ngoka, yiikaleke okuya momakuti.
Momasiku ga 8 gaDesemba omvula ya piti, Johannes Kadhiya (43), omuniilonga gwo 24-hour butchery mOndangwa, okwa kanene momudhingoloko gwaRooidag Gate omanga ta londeke iimuna, oonkambadhala dhokumukonga odha hulile muunyengwi.
Momvula yo 2017, omunambelewa gwopolsii omunamimvo 55, Petrus Nghinananye Lukas, okwa kanene omumudhingoloko gwaGam na ina monika sigo onena.
Momvula yo 2016, omukiintu gumwe okwa kanene omudhingoloko gwaTsumkwe na ina monika. Kansela gwoshikandjohogololo shoka, Fransina Gauz okwa koleke kutya aantu yane oya kana moTsumkwe okuza omvula yo 2016.
Okwa popi kutya omudhingoloko ogu na omakuti omanene onkene otaga tilitha okuya na oya pumbwa okuningwa omitumba naanambelewa aakonaakoni yiipotha mbyoka opo ku uvike kutya uupyakadhi owuli peni.
ILENI NANDJATO
Okuza omvula yo 2016 aantu yane oya kana mwakwatelwa omunambelewa gwopolisi, na inaya monika sigo onena.
Omuntu ngoka a kana ngashiingeyi omunamimvo 5 Elven Bergers, ngoka a kana momasiku 24 gaDesemba omvula ya piti.
Okamati hoka okaza momukunda Oluhepo momudhingoloko gwaMangetti moshikandjohogololo
Tsumkwe na oka kana omanga kali taka likola iiyimati mokuti, opamwe naamwayinamati yoomvula 9, 10 oshowo 11.
Okamati hoka oka li oompadhi kombanda ka zala okambindja kafa elowa oshowo okambulukweya okahupi okabulawu.
Palopota yopolisi mOtjozondjupa, Omupopiliko gwopolisi ndjoka, Warrant Officer Maureen Mbeha, okwa popi kutya uumati awuhe owa li wa lopotwa wa kana, ihe utatu owa monika.
Kamwe oka monika momasiku 27 gaDesemba omanga uukwawo wa monika esiku lya landula.
Hoka okashona inaka monika nonando okwa ningwa olukongo lwa kwata miiti kopolisi yaNamibia oshowo Etanga lyEgameno mwakwatelwa woo aanambelewa yomakuti.
Mbeha okwa popi kutya opolisi oya limbilikwa komukalo ngoka aantu taya kana na itaya monika moTsumkwe, na okwa indile aakalimo nenge mboka taya talelepo omudhingoloko ngoka, yiikaleke okuya momakuti.
Momasiku ga 8 gaDesemba omvula ya piti, Johannes Kadhiya (43), omuniilonga gwo 24-hour butchery mOndangwa, okwa kanene momudhingoloko gwaRooidag Gate omanga ta londeke iimuna, oonkambadhala dhokumukonga odha hulile muunyengwi.
Momvula yo 2017, omunambelewa gwopolsii omunamimvo 55, Petrus Nghinananye Lukas, okwa kanene omumudhingoloko gwaGam na ina monika sigo onena.
Momvula yo 2016, omukiintu gumwe okwa kanene omudhingoloko gwaTsumkwe na ina monika. Kansela gwoshikandjohogololo shoka, Fransina Gauz okwa koleke kutya aantu yane oya kana moTsumkwe okuza omvula yo 2016.
Okwa popi kutya omudhingoloko ogu na omakuti omanene onkene otaga tilitha okuya na oya pumbwa okuningwa omitumba naanambelewa aakonaakoni yiipotha mbyoka opo ku uvike kutya uupyakadhi owuli peni.
ILENI NANDJATO
Comments
Namibian Sun
No comments have been left on this article