Aaniilonga yaSpur ya pulwa yatuntilwe nenge kaya longe

ELLANIE SMITOVENDUKAMoonkambadhala okukalekapo ongeshefa ye, mwene gwokefe yiikulya moshilandopangelo okwa gandja elombwelo kaaniilonga ye ya thika po 300 opo ya tuntilwe omolwa oCovid-19 nenge ya hulithepo iilonga yawo.Nello Kadet, mwene gwokefe yoondya yedhina Santa Fe Spur moGrove Mall of Namibia, okwa popi kutya ina kondjitha aaniilonga ya tuntilwe ta gwedhapo kutya oye na ehogololo okutuntilwa nenge okuhulithapo iilonga.“Otandi longo nookastoma na itandi vulu oku ya moshiponga,” Kadet a popi, ta gwedhapo kutya yamwe yomaaniilonga ye itaya gwanithapo omalombwelo ngaashi okuzala omamaska.“Itaya igamene yoyene,”.Kadet okwa popi kutya oopresenda 99 dhaaniiloga ye odha tuntilwa nale.“Oomboka owala taya yamutha nenge ye na uupyakadhi wopaunamiti oyo inaya ya.”Papahu dhe sho tango a pula aaniilonga ye opo ya tuntilwe oya nyenyeta kehangano lyaaniilonga lyoNamibia Food and Allied Workers Union (Nafau) kutya oteya kondjitha.Okwa popi kutya oya ningi omutumba nehangano lyaaniilonga.“Itandi kondjitha omuntu ihe okefe oyandje mwene na ngele inaya tuntilwa nena itaya longo nakape na ondjambi.”Okwa popi kutya ita tidha miilonga aaniilonga ihe itaya longo sigo ya tuntilwa.“Itandi vulu okukala naantu inaya tuntilwa taya longo nookastoma. Kashi na egameno na otashi tula moshiponga ongeshefa yandje. Ondi na okugamena kehe gumwe. Ngele ehala olya yi moshiponga nokupata otandi ka futa ngiini oondjambi. Shika otashi ningilwa uuwanawa negameno lyaantu,” Kadet a popi.Omupeha amushanga gwoNafau, Absalom Willem okwa koleke kutya okwa ningwa omutumba pokati kehangano namwene gwehala oshowo aaniilonga, na okwa adhika etsokumwe opo aaniilonga ya tuntilwa sha landula omatompelo ga gandjwa kumwene gwokefe ndjoka yiikulya.

Aaniilonga yaSpur ya pulwa yatuntilwe nenge kaya longe

Comments

Namibian Sun 2025-04-04

Please login to leave a comment

Aaniilonga yaSpur ya pulwa yatuntilwe nenge kaya longe

Comments

Namibian Sun 2025-04-04

Please login to leave a comment

Login