Aanaskola taya longelwa mootenda

MICHAEL KAYUNDEAanaskola moskola yaMount-View High School molukanda lwaBabylon mOvenduka, oya holola onkalo ya nayipala ya kehe esiku sho oskola ndjoka tayi longitha ootenda onga oonguluskola dhawo.Oskola ndjoka oya totwa po mo-2015 opo yi gandje ootundi dhondondo onti-8 sigo onti-10, ihe aanaskola yawo yondondo onti-8 sigo onti -9 otaya longelwa mootenda. Oskola ndjoka oyi na aanaskola ya thika po-350 oshowo aalongiskola 15.Sho a popi noNamibian Sun, omukuluntuskola gwoMount-View High School, Brian Ndabeni, okwa popi kutya oskola ndjoka kaya li yi na onguluyoskola sho ya totwa po mo-2015 ihe onkalo oya lunduluka kashona sho kwa tungwa oonguluskola ooshona omvula ya piti.Okwa popi kutya nonando epangelo olya kambadhala mokutunga po oonguludhoka, oya taalela omashongo ogendji sho taya longele mootenda molwaashoka, osha ningwa oshidhigu aalongi opo ya longithe iikwathitholongo yimwe po, molwaashoka mootenda moka kamu na olusheno. Okwa popi kutya oshidhigu okulongela mootenda ndhoka, molwaashoka pethimbo lyuutalala ohadhi talalala noonkondo omanga puupyu hadhi pupyala noonkondo.Nonando oya taalela omikundu ndhoka, Ndabeni okwa popi kutya onkalo ndjoka inayi ya moshipala elongo poskola nenge e yo kootundi lyaanaskola.Okwa tsikile kutya nonando oskola oya taalela onkalo ndjoka,inayi sitha aalongi uunye.“Otandi longitha ongulu yoompungulilo onga ombelewa yandje ihe nonando ongaaka onda nyanyukwa okulongela poskola ndjika oshowo aalongi molwaashoka otu uvite kutya ombelewa itayi tu ningi aantu aawanawa ihe ooshoka tatu longo,” Ndabeni okwa popi kutya oshikondo shopaumwene nasho osha kala nokuya yambidhidha konima nkene oskola ndjoka ya totwa po. Nuumvo oskola ndjoka oya mona omagano gookompuita 25 okuza kehangaan lyoTurkish Cooperation and Coordination Agency (Tika).

Aanaskola taya longelwa mootenda

Comments

Namibian Sun 2025-04-04

Please login to leave a comment

Aanaskola taya longelwa mootenda

Comments

Namibian Sun 2025-04-04

Please login to leave a comment

Login