Aanaskola pOshamukweni taya lala koombete dhiiti
Oskola yedhina Oshamukweni Combined School tayi adhika moshikandjolongo shaKongo, moshitopolwa shaHangwena ndjoka ya kalapo uule woomvula dha thika po 40 kayi na omuhandjo gwoskola naanaskola oshowo aalongi ohaya lala moondunda dhiipeleki koombete dha ningwa miiti.
TUYEIMO HAIDULA
OSHAKATI
Oskola ndjoka oya totwapo momvula 1979 momukunda Oshamukweni ihe omolwa iita oya lundululilwa momukunda Oshalumbu momvula yo 1982 moka tayi adhika ngashiingeyi. Oyi na aanaskola ya thika po 300 na oyina oondondo okuza pondondo yotango sigo ondondo ontimugoyi.
Aanaskola ohaya longelwa moongulu dhiipeleki mbyoka ya gandjwa omagano kaavali omolwa ompumbwe yoongulu dhoskola. Oongulu dhimwe odhina iipundi yateka niitaafula.
Oskola ndjoka kayi na omeya moombashu moka hamu zi aanaskola nenge oonkalo yontumba yuuyogoki.
Omukuluntuskola Werner Nangolo ngoka a ningi omukuluntuskola omvula ya piti, okwa lombwele oNamibian Sun kutya oskola yi na aanaskola 172 mboka haya ende oshinano shookilometa dha thika po 12 koskola nokuza koskola, sha etitha aavali ya tokole opo aanona mboka ya kale taya zi pomuhandjo poskola.
Nangolo okwa popi kutya ye na aanaskola yondondo ontimugoyi ya thika pethele limwe mboka haya zi poskola omolwa ompumbwe yomahala momuhandjo gwoskola.
Okwa popi kutya shoka osha ningwa opo kuyandwe okweenda iinano iile okuya nokuza koskola, molwaashoka aanona otaya hiti ootundi ya lata omolwa iinano.
Nangolo okwa tsikile kutya aanaskola mboka ya thiki tango poskola mOmaandaha oya ningi elago sho ya mono omatalashe ga longa nale ngoka ga pewa oskola okuza kosekundoskola yedhina Oshela.
“Oombete dhawo odha ningwa miiti nokombanda taya tulako omatalashe. Onda shanga oombaapila dha thika po 20 no 30 okuya komahangano noohandimwe opo tu pewe omakwatho. Ngele ope na ngoka ta vulu okutupa ekwatho opo tu tungile aanaskola omatungo golela.”
Ompumbwe yiiyemo okuza kepangelo
Nangolo okwa popi kutya ngoloneya nale gwoshitopolwa shaHangwena, Usko Nghaamwa, ngoka e li omuleli e na ohokwe okuyambulapo aakwashigwana moshitopolwa she, okwa li a pyakudhukwa oku ya kwathela omvula ya piti, ihe omolwa onkalo yocorona osha shunitha pevi omatsakaneno gawo nokuya moonkundathana.
Okwa popi kutya oshitopolwa kashi na ompangela okutungila oskola ndjoka omuhandjo.
Nonando oskola ndjoka oya taalela omukundu ngoka, Nangolo okwa popi kutya oskola oya li piti noopresenda 79 omvula ya piti omanga oskola ya piti noopresenda 100 ondondo ontimulongo pokati komvula yo 2014 no 2018.
[email protected]
OSHAKATI
Oskola ndjoka oya totwapo momvula 1979 momukunda Oshamukweni ihe omolwa iita oya lundululilwa momukunda Oshalumbu momvula yo 1982 moka tayi adhika ngashiingeyi. Oyi na aanaskola ya thika po 300 na oyina oondondo okuza pondondo yotango sigo ondondo ontimugoyi.
Aanaskola ohaya longelwa moongulu dhiipeleki mbyoka ya gandjwa omagano kaavali omolwa ompumbwe yoongulu dhoskola. Oongulu dhimwe odhina iipundi yateka niitaafula.
Oskola ndjoka kayi na omeya moombashu moka hamu zi aanaskola nenge oonkalo yontumba yuuyogoki.
Omukuluntuskola Werner Nangolo ngoka a ningi omukuluntuskola omvula ya piti, okwa lombwele oNamibian Sun kutya oskola yi na aanaskola 172 mboka haya ende oshinano shookilometa dha thika po 12 koskola nokuza koskola, sha etitha aavali ya tokole opo aanona mboka ya kale taya zi pomuhandjo poskola.
Nangolo okwa popi kutya ye na aanaskola yondondo ontimugoyi ya thika pethele limwe mboka haya zi poskola omolwa ompumbwe yomahala momuhandjo gwoskola.
Okwa popi kutya shoka osha ningwa opo kuyandwe okweenda iinano iile okuya nokuza koskola, molwaashoka aanona otaya hiti ootundi ya lata omolwa iinano.
Nangolo okwa tsikile kutya aanaskola mboka ya thiki tango poskola mOmaandaha oya ningi elago sho ya mono omatalashe ga longa nale ngoka ga pewa oskola okuza kosekundoskola yedhina Oshela.
“Oombete dhawo odha ningwa miiti nokombanda taya tulako omatalashe. Onda shanga oombaapila dha thika po 20 no 30 okuya komahangano noohandimwe opo tu pewe omakwatho. Ngele ope na ngoka ta vulu okutupa ekwatho opo tu tungile aanaskola omatungo golela.”
Ompumbwe yiiyemo okuza kepangelo
Nangolo okwa popi kutya ngoloneya nale gwoshitopolwa shaHangwena, Usko Nghaamwa, ngoka e li omuleli e na ohokwe okuyambulapo aakwashigwana moshitopolwa she, okwa li a pyakudhukwa oku ya kwathela omvula ya piti, ihe omolwa onkalo yocorona osha shunitha pevi omatsakaneno gawo nokuya moonkundathana.
Okwa popi kutya oshitopolwa kashi na ompangela okutungila oskola ndjoka omuhandjo.
Nonando oskola ndjoka oya taalela omukundu ngoka, Nangolo okwa popi kutya oskola oya li piti noopresenda 79 omvula ya piti omanga oskola ya piti noopresenda 100 ondondo ontimulongo pokati komvula yo 2014 no 2018.
[email protected]
Comments
Namibian Sun
No comments have been left on this article