Okongo tayi ka ninga oshituthi shOmaludi
Elelo lyomukunda Okongo moshitopolwa shaHangwena otali ka ninga oshituthi shotango tashi ithanwa Omaludi Festival momasiku 28 Mei sigo 2 Juni, moka aanafaalama yomonooli ya tegelelwa ya ka ulike nokulanditha iimuna yawo.
Omaludi ethigathano lyopamuthigululwakalo ndyoka hali longithwa kAawambo mokutumbaleka iimuna yawo nokutala mbyoka ya lya nawa, kwiikwatelelwa kongushu yiimuna.
Pahapu dhomunambelewa omukuluntu gwomukunda ngoka, Wodibo Haulofu, okwa popi kutya oshituthi shoka otashi ka kala sha fa omauliko giipundi, na otaku ka kala woo ethigathano lyiimuna dhingi.
Momasiku 28 gaApilili, elelo lyomukunda ngoka olya ningi uulalelo wowina mboka wwe shi pondola okugongela oshimaliwa shooN$370 000.
“Enenedhilaadhilo lyetu oku kambadhala okutota poompito yaanafaalama opo ya vule okuya mongeshefa nokuulika iimuna yawo niilikolomwa yawo yilwe. Ndjika otayi ka kala woo ompito ombwaanawa opo aaadhaninkandangala moshikondo shuunamapya ya ulike iipindi yawo kaalongithi yiilandithomwa yawo.”
Okwa popi kutya elelo lyomukunda ngoka olyo otali ka kala omupokati momauliko ngoka ihe aadhaninkandangala otaya ka kala aagandji yomayakulo muunamapya, na otaya ka pewa ompito opo ya ye moonkundathana naayakulwa yawo.
Okwa popi kutya omahangano ngaashi Agra, Meatco, Agricultural Business Development Agency (Agribusdev), Agribank oshowo uuministeli wuunamapya okwa tegelelwa ya kakuthe ombinga momauliko ngoka.
“Kakele kokuulika iimuna yawo, aanafaalama okwa tegelelwa wo ya etelele iilongomwa yawo yomomapya, naashoka osho sha etitha opo tu ninge omauliko ngoka pethimbo ndika, sho aanafaalama opo taya teya iikunwa yawo.”
Haulofu owa popi kutya ethigathano lyiimuna otali ka kala ko momasiku 30 gaMei.
Aanafaalama ya thika pomulongo oyiishangitha nale oo ya ka kuthe ombinga methigathano lyomauliko ngoka ihe naamboka ye na ohokwe natango oya tegelelwa opo yiishangithe.
Omunambelewa ngoka okwa popi kutya: “Shoka oshituthi shopamuthigululwakalo na ope na aantu mboka ye na ontseyo ombwaanawa na otatu ka longitha aantu mboka onga aatokoli methigano ndyok. Otaya ka konaakono onkalo nongushu yiimuna mboka nokutokola kutya olye aasidani kwiikwatelelwa kongushu yiimuna yawo.”
Omauliko ngoka oga pewa eyambidhidho kuNikodemus Architectural Design, Agribank oshowo Mangetti Farmers Association. Oopatrona yomauliko ngoka, omupeha prima Netumbo Nandi-Ndaitwah oshowo aanangeshefa Leake Hangala naSven Thieme.
“Otatu hiya Aanamibia ayene okuza koombinga noombinga opo ye ye ya kale oombangi moshituthi shika shOmaludi shotangotango mondjokonona yetu. Otatu hiya woo aapunguli opo ya thike mOkongo nokuya ya tale oompito dhomapungulo ndhoka tadhi adhika mOkongo, ngeleowa pungula mOkongo oyo pungula monakuyiwa,” Haulofu a popi.
ILENI NANDJATO
Omaludi ethigathano lyopamuthigululwakalo ndyoka hali longithwa kAawambo mokutumbaleka iimuna yawo nokutala mbyoka ya lya nawa, kwiikwatelelwa kongushu yiimuna.
Pahapu dhomunambelewa omukuluntu gwomukunda ngoka, Wodibo Haulofu, okwa popi kutya oshituthi shoka otashi ka kala sha fa omauliko giipundi, na otaku ka kala woo ethigathano lyiimuna dhingi.
Momasiku 28 gaApilili, elelo lyomukunda ngoka olya ningi uulalelo wowina mboka wwe shi pondola okugongela oshimaliwa shooN$370 000.
“Enenedhilaadhilo lyetu oku kambadhala okutota poompito yaanafaalama opo ya vule okuya mongeshefa nokuulika iimuna yawo niilikolomwa yawo yilwe. Ndjika otayi ka kala woo ompito ombwaanawa opo aaadhaninkandangala moshikondo shuunamapya ya ulike iipindi yawo kaalongithi yiilandithomwa yawo.”
Okwa popi kutya elelo lyomukunda ngoka olyo otali ka kala omupokati momauliko ngoka ihe aadhaninkandangala otaya ka kala aagandji yomayakulo muunamapya, na otaya ka pewa ompito opo ya ye moonkundathana naayakulwa yawo.
Okwa popi kutya omahangano ngaashi Agra, Meatco, Agricultural Business Development Agency (Agribusdev), Agribank oshowo uuministeli wuunamapya okwa tegelelwa ya kakuthe ombinga momauliko ngoka.
“Kakele kokuulika iimuna yawo, aanafaalama okwa tegelelwa wo ya etelele iilongomwa yawo yomomapya, naashoka osho sha etitha opo tu ninge omauliko ngoka pethimbo ndika, sho aanafaalama opo taya teya iikunwa yawo.”
Haulofu owa popi kutya ethigathano lyiimuna otali ka kala ko momasiku 30 gaMei.
Aanafaalama ya thika pomulongo oyiishangitha nale oo ya ka kuthe ombinga methigathano lyomauliko ngoka ihe naamboka ye na ohokwe natango oya tegelelwa opo yiishangithe.
Omunambelewa ngoka okwa popi kutya: “Shoka oshituthi shopamuthigululwakalo na ope na aantu mboka ye na ontseyo ombwaanawa na otatu ka longitha aantu mboka onga aatokoli methigano ndyok. Otaya ka konaakono onkalo nongushu yiimuna mboka nokutokola kutya olye aasidani kwiikwatelelwa kongushu yiimuna yawo.”
Omauliko ngoka oga pewa eyambidhidho kuNikodemus Architectural Design, Agribank oshowo Mangetti Farmers Association. Oopatrona yomauliko ngoka, omupeha prima Netumbo Nandi-Ndaitwah oshowo aanangeshefa Leake Hangala naSven Thieme.
“Otatu hiya Aanamibia ayene okuza koombinga noombinga opo ye ye ya kale oombangi moshituthi shika shOmaludi shotangotango mondjokonona yetu. Otatu hiya woo aapunguli opo ya thike mOkongo nokuya ya tale oompito dhomapungulo ndhoka tadhi adhika mOkongo, ngeleowa pungula mOkongo oyo pungula monakuyiwa,” Haulofu a popi.
ILENI NANDJATO
Comments
Namibian Sun
No comments have been left on this article