Air Namibia a laleke tate Martin
Omukomeho omukondololi gwosasiyona yokapale koondhila kehangano lyoAir Namibia mOndangwa, okwa yi moshipundi shevululuko konima sho a longele ehangano ndyoka uule woomvula dha thika po-40.
Martin Andreas ngoka a hololwa kutya omuniilonga ependafule na otadhi gi po ondjokonona ye miilonga okwa longela ehangano ndyoka oomvula dha thika po-40 na otayi moshipundi shevululuko mEtitano.
Martin okwa wayimine ehangano lyoAir Namibia sho lya li hali ithanwa (Namib Air) momasiku 10 Februali 1978 onga omunwethi gwomahooli oondhila pokapale kaEros. Okwa li woo omukondololi gwomahooli goondhila.
“Onda kala omukwashilipaleki kutya omahooli inaga ya mumwe nomeya omanga inaga tulwa moondhila. Uuna omahooli geetwa moshilongo oge na manga okukala uule wethimbo lyontumba inaga longithwa opo iiyagaya ayihe mbyoka yi li mo yi ye kohi go omahooli taga kala kombanda,” Martin a yelitha.
Konima yoomvula ndatu, mo-1981, Martin okwa lundululilwa koshikondo shiilonga onga okukwatheli gwomiindjinia. Okwali e na oshinakugwanithwa shokupangela ooindjina dhoondhila nokulundulula omalola goondhila, oshowo iinakugwanithwa yimwe. Okwa longa moshikondo shoka uule woomvula mbali omanga ina shuna koshinakugwanithwa she onga omunwethi gwomahooli.
Martina okwa li woo e na oshinakugwanithwa shokudheula aaaniilonga aape aanwethi yomahooli, nkene ye na okutala ongushu yo avgas omanga inaya tameka okunwetha omahooli. Okwa longa pompito mpoka uule woomvula ne pokati ko -1983 sigo 1987.
Ompito yiilonga ndjoka a holola kutya otayi kala aluhe komutima gwe osho uulikwa muKotomba gwo-1987, nokuninga menindjela gwosasiyona koshikondo shokunwetha oondhila omahooli.
A tuminwa konooli
Euliko ndyoka otali utha kutya oku na okutuminwa mOshakati.
“Onda li nda nyanyukwa noonkondo sho nda pewa ompito ndjoka molwaashoka otayi ulike kutya onda pewa iinakugwanithwa oyindji. Osha li woo ompito ombwaanawa okushuna ishewe popepi nofamili yandje.”
MuApilili gwo-1994, Martin okwa ulikwa nokuningwa menindjela gwosasiyona pokapale kaNdangwa, sho oombelewa dhehangano dha lundululwa okuza mOshakati okuya mOndangwa.
Okwa kala noshinakugwanithwa shoka sigo osho tayi moshipundi shevululuko. Iilonga ye yesiku oya kwatelako okutala kiilonga yesiku nesiku lyokapale, okukwashilipaleka kutya oondhia odha dhiga po okapale pethimbo ndyoka lyuuthwa nokukondolola aaniilonga mboka yeli kohi yelelolye. Martina okwa hokolola kutya muule woomvula 39 ndhoka a kala ta longelele ehangano lyoAir Namibia okwa mona omalundulluko nomayambulepo ogendji ngaashi: “ Onda mona ehangano ndika sho tali koko okuza kokahangano okashona nokuninga ehangano enene muule woomvula. Sho nda tameke mo-1978, ehangano ndika olya li hali ithanwa South West Airways, na olya lukululwa nokuningwa Namib Air momvula oyo tuundjoka. Sho oshilongo sha mangulukaa mo-1990, ehangano olya lukululwa ishewe nokuninga Air Namibia. Moomvula dhopetameko olya li owala li na oondhila ooshona dhili ne, ndjoka yiipundi itano, yiipundi 8, yiipundi 22 oshowo ndjoka onene yiipundi 55. Monena Air Namibia okuna oodhila 10, tadhi tuka moshilongo oshowo pondje yoshilongo.”
‘Omuleli omwaanawa
Ngoka ta longo pehala lyomukomeho gwoAir Namibia, Mandi Samson okwa hokolola kutya Martin omuleli omwaanawa ngoka aluhe a yakula aayakulwa yehangano nombili noneitulemo.
Okwa popi kutya Martin oku li omuniilonga ngoka aluhe ha longo iilonga ye nondjungu naaluhe oha longitha ethimbo lye lyopaumwene okukwashilipaleka kutya okwa manitha iinakugwanithwa ye. Okwa popi kutya muule woomvula dhoka a longela ehangano ndyoka lyomatukondhila okwa mono uunongo owundji okupitila momadheulo ga yooloka ngoka a pewa.
Martin okwa popi kutya muule woomvula 39 ndhoka a longela ehangano ndyoka okwa pewa omadheulo ga yooloka. Sho a wayimine ehangano ndyoka sho e na owala oomvula 21 sigo osho a yi moshipundi shevululuko, Martin okwa popi kutya aluhe ota pandula Air Namibia sho a kala oshitopolwa shonkalamwenyo ye.
“Otandi ka yuulukwa ofamili yandje yoAir Namibia naaniilonga pamwe nangame mOkapale kaNdangwa oshowo ookume kandje mboka nda panga nayo uukume moomvula ndhoka. Unene otandi ka yuulukwa okutala oondhila tadhi tuka dho otadhi nambele nasho tandi yi moshipundi shevululuko, otandi halele ehangano ompolo nokwaadha omalalakano gawo agehe.”
OMUTOOLINKUNDANA GWOMENI
Martin okwa wayimine ehangano lyoAir Namibia sho lya li hali ithanwa (Namib Air) momasiku 10 Februali 1978 onga omunwethi gwomahooli oondhila pokapale kaEros. Okwa li woo omukondololi gwomahooli goondhila.
“Onda kala omukwashilipaleki kutya omahooli inaga ya mumwe nomeya omanga inaga tulwa moondhila. Uuna omahooli geetwa moshilongo oge na manga okukala uule wethimbo lyontumba inaga longithwa opo iiyagaya ayihe mbyoka yi li mo yi ye kohi go omahooli taga kala kombanda,” Martin a yelitha.
Konima yoomvula ndatu, mo-1981, Martin okwa lundululilwa koshikondo shiilonga onga okukwatheli gwomiindjinia. Okwali e na oshinakugwanithwa shokupangela ooindjina dhoondhila nokulundulula omalola goondhila, oshowo iinakugwanithwa yimwe. Okwa longa moshikondo shoka uule woomvula mbali omanga ina shuna koshinakugwanithwa she onga omunwethi gwomahooli.
Martina okwa li woo e na oshinakugwanithwa shokudheula aaaniilonga aape aanwethi yomahooli, nkene ye na okutala ongushu yo avgas omanga inaya tameka okunwetha omahooli. Okwa longa pompito mpoka uule woomvula ne pokati ko -1983 sigo 1987.
Ompito yiilonga ndjoka a holola kutya otayi kala aluhe komutima gwe osho uulikwa muKotomba gwo-1987, nokuninga menindjela gwosasiyona koshikondo shokunwetha oondhila omahooli.
A tuminwa konooli
Euliko ndyoka otali utha kutya oku na okutuminwa mOshakati.
“Onda li nda nyanyukwa noonkondo sho nda pewa ompito ndjoka molwaashoka otayi ulike kutya onda pewa iinakugwanithwa oyindji. Osha li woo ompito ombwaanawa okushuna ishewe popepi nofamili yandje.”
MuApilili gwo-1994, Martin okwa ulikwa nokuningwa menindjela gwosasiyona pokapale kaNdangwa, sho oombelewa dhehangano dha lundululwa okuza mOshakati okuya mOndangwa.
Okwa kala noshinakugwanithwa shoka sigo osho tayi moshipundi shevululuko. Iilonga ye yesiku oya kwatelako okutala kiilonga yesiku nesiku lyokapale, okukwashilipaleka kutya oondhia odha dhiga po okapale pethimbo ndyoka lyuuthwa nokukondolola aaniilonga mboka yeli kohi yelelolye. Martina okwa hokolola kutya muule woomvula 39 ndhoka a kala ta longelele ehangano lyoAir Namibia okwa mona omalundulluko nomayambulepo ogendji ngaashi: “ Onda mona ehangano ndika sho tali koko okuza kokahangano okashona nokuninga ehangano enene muule woomvula. Sho nda tameke mo-1978, ehangano ndika olya li hali ithanwa South West Airways, na olya lukululwa nokuningwa Namib Air momvula oyo tuundjoka. Sho oshilongo sha mangulukaa mo-1990, ehangano olya lukululwa ishewe nokuninga Air Namibia. Moomvula dhopetameko olya li owala li na oondhila ooshona dhili ne, ndjoka yiipundi itano, yiipundi 8, yiipundi 22 oshowo ndjoka onene yiipundi 55. Monena Air Namibia okuna oodhila 10, tadhi tuka moshilongo oshowo pondje yoshilongo.”
‘Omuleli omwaanawa
Ngoka ta longo pehala lyomukomeho gwoAir Namibia, Mandi Samson okwa hokolola kutya Martin omuleli omwaanawa ngoka aluhe a yakula aayakulwa yehangano nombili noneitulemo.
Okwa popi kutya Martin oku li omuniilonga ngoka aluhe ha longo iilonga ye nondjungu naaluhe oha longitha ethimbo lye lyopaumwene okukwashilipaleka kutya okwa manitha iinakugwanithwa ye. Okwa popi kutya muule woomvula dhoka a longela ehangano ndyoka lyomatukondhila okwa mono uunongo owundji okupitila momadheulo ga yooloka ngoka a pewa.
Martin okwa popi kutya muule woomvula 39 ndhoka a longela ehangano ndyoka okwa pewa omadheulo ga yooloka. Sho a wayimine ehangano ndyoka sho e na owala oomvula 21 sigo osho a yi moshipundi shevululuko, Martin okwa popi kutya aluhe ota pandula Air Namibia sho a kala oshitopolwa shonkalamwenyo ye.
“Otandi ka yuulukwa ofamili yandje yoAir Namibia naaniilonga pamwe nangame mOkapale kaNdangwa oshowo ookume kandje mboka nda panga nayo uukume moomvula ndhoka. Unene otandi ka yuulukwa okutala oondhila tadhi tuka dho otadhi nambele nasho tandi yi moshipundi shevululuko, otandi halele ehangano ompolo nokwaadha omalalakano gawo agehe.”
OMUTOOLINKUNDANA GWOMENI
Comments
Namibian Sun
No comments have been left on this article