Uutoni iithana elelo lyaGrootfontein komutumba
Ominista yoondoolopa neyambulepo lyokomikunda, Erastus Uutoni okwa ithana elelo lyaGrootfontein komutumba gwomeendelelo kOvenduka omolwa ekutho miilonga lyOmunambelewa Omukuluntu gwelelo ndyoka, Kisco Sinvula.
Shoka osha hololwa momukanda gwa shangwa momasiku gahamano gaApilili, gwa shangelwa mayola, Talitha Garises.
Omutumba okwa tegelelwa gu ningwe mEtitatu.
“Otandi hiya mpaka omusimanekwa mayola oshowo elelo alihe komutumba gwomeendelelo, okukundathana iikumungu yi na sha nelelo lyaGrootfontein unene tuu kekutho miilonga lyaChief Executive Officer (CEO),” Uutoni a shanga.
Garises mehuliloshiwike okwa kolele ya yakula omukanda ngoka niilyo yelelo oya tseyithilwa woo kombinga yehiyo ndyoka.
Ehiyo lyaUutoni olya ningwa konyala iwike iyali sho a shangele elelo ndyoka omukanda ta lombwele Garises kutya etokolo lyelelo okukutha miilonga Sinvula kali li paveta.
Nonando Uutoni okwa li e na omukumo kutya elelo otali ka talulula etokolo ndyoka, Garises okwa yamukula kutya elelo kali na ompangela okulandula shoka a pula.
Momukanda moka Garises a yamukula Uutoni okwa popi kutya minista ota idhopomo owala ngashiingeyi omanga uuministeli wa li wa ningwa nawo omakwatathano nale ihe inawu yamukula.
Pahapu dhelelo, Sinvula okwa kuthwa miilonga sha landula iinima oyindji ngaashi euliko lyoohahende dhedhina Kangueehi and Kavendjii Incorporated opo dhi kalelepo elelo miikumungu yelelo.
Gumwe gwomooyene yehangano ndyoka omuunganeki gwoSwapo moshitopolwa shaTjozondjupa, Clive Kavendji.
Namibian Sun okwa mono woo ondokumende ndjoka ya ulike elelo lyaGrootfontein lya futu oshimaliwa sha thika poN$800 000 kehangano ndyoka.
Sinvula okwa tsu omuthindo kutya euliko lyoohahende dhoka olya ningwa paveta.
Nonando ongaaka euliko ndyoka olya talika kutya olyuukomrade woSwapo, sho Sivula e li oshilyo shoSwapo Party think tank.
Otaku popiwa woo a li a longitha oohahende dhoka kuyele nuumvo miikumungu ye yopaumwene.
Sinvula okwa ka konga ekwatho kompangu yaaniilonga ta pataneke ekutho lye miilonga.
Etopoko lyaSwapo
Uutoni natango okwa tegelelwa a ka hanganithe ookmrade pamwe naye moSwapo melelo lyaGrootfontein, sha landula shoVictor Shandjuka, Lovisa Iyambo naAlfeus Nghikevali ya shangele Uutoni omukanda kutya inaya nyanyukilwa ekutho miilonga lyaSivula.
Otaya popi kutya Garises ota longitha pambambo oonkondo dhe.
Shoka osha hololwa momukanda gwa shangwa momasiku gahamano gaApilili, gwa shangelwa mayola, Talitha Garises.
Omutumba okwa tegelelwa gu ningwe mEtitatu.
“Otandi hiya mpaka omusimanekwa mayola oshowo elelo alihe komutumba gwomeendelelo, okukundathana iikumungu yi na sha nelelo lyaGrootfontein unene tuu kekutho miilonga lyaChief Executive Officer (CEO),” Uutoni a shanga.
Garises mehuliloshiwike okwa kolele ya yakula omukanda ngoka niilyo yelelo oya tseyithilwa woo kombinga yehiyo ndyoka.
Ehiyo lyaUutoni olya ningwa konyala iwike iyali sho a shangele elelo ndyoka omukanda ta lombwele Garises kutya etokolo lyelelo okukutha miilonga Sinvula kali li paveta.
Nonando Uutoni okwa li e na omukumo kutya elelo otali ka talulula etokolo ndyoka, Garises okwa yamukula kutya elelo kali na ompangela okulandula shoka a pula.
Momukanda moka Garises a yamukula Uutoni okwa popi kutya minista ota idhopomo owala ngashiingeyi omanga uuministeli wa li wa ningwa nawo omakwatathano nale ihe inawu yamukula.
Pahapu dhelelo, Sinvula okwa kuthwa miilonga sha landula iinima oyindji ngaashi euliko lyoohahende dhedhina Kangueehi and Kavendjii Incorporated opo dhi kalelepo elelo miikumungu yelelo.
Gumwe gwomooyene yehangano ndyoka omuunganeki gwoSwapo moshitopolwa shaTjozondjupa, Clive Kavendji.
Namibian Sun okwa mono woo ondokumende ndjoka ya ulike elelo lyaGrootfontein lya futu oshimaliwa sha thika poN$800 000 kehangano ndyoka.
Sinvula okwa tsu omuthindo kutya euliko lyoohahende dhoka olya ningwa paveta.
Nonando ongaaka euliko ndyoka olya talika kutya olyuukomrade woSwapo, sho Sivula e li oshilyo shoSwapo Party think tank.
Otaku popiwa woo a li a longitha oohahende dhoka kuyele nuumvo miikumungu ye yopaumwene.
Sinvula okwa ka konga ekwatho kompangu yaaniilonga ta pataneke ekutho lye miilonga.
Etopoko lyaSwapo
Uutoni natango okwa tegelelwa a ka hanganithe ookmrade pamwe naye moSwapo melelo lyaGrootfontein, sha landula shoVictor Shandjuka, Lovisa Iyambo naAlfeus Nghikevali ya shangele Uutoni omukanda kutya inaya nyanyukilwa ekutho miilonga lyaSivula.
Otaya popi kutya Garises ota longitha pambambo oonkondo dhe.
Comments
Namibian Sun
No comments have been left on this article