Uumbashu owi indjipala noonkondo okuza mo2011
Ondjele yokwaa- na-iilonga inayi gandjwa natango
Embombolokelo mo lyaantu moshilando taya kongo uuhupilo olye eta oshitopolwa shaKhomas shi kale tango momusholondondo gwiitopolwa yi na uumbashu owundji.
Olopota yahugunina yomayalulo gopashigwana moNamibia yomo2023 oyu ulike efano li yemateka lyonkalo ya nika oshiponga yomukundu gomalukalwa moshilongo, nomiyalu otadhi holola kutya uumbashu owa indjipala noonkondo okuza mo2011.
Shi ikolela kolopota, ndjoka ya pitithwa ohela koNamibia Statistics Agency, ngashingeyi moshilongo omu na omalukalwa 756 339, mokati kago oopelesenda 28.7% (217 000) odho uumbashu. Uumbashu 87 000 otau adhika mondoolopa, nomoKhomas omo mu na aantu oyendji haya zi muumbashu – moka mwa kwatelwa uupeleki wa dhengelwa momalukanda taga kokelele.
Khomas oye tango momusholondondo
nuumbashu 68 000 (46.9%) mokati komagumbo 144 630, okwa landula Oshitopolwa shaMaheke nuumbashu 13 190 mokati komagumbo 28 188.
Oondoolopa niilando moomvula ndhika oya holola kutya uumbashu owa indjipala noonkondo okuza sho aantu oyendji ya lala omahala moshilongo ashihe okuza m2014.
Omusholondondo gwaamboka ya ninga omaindilo gomagumbo ngashingeyi ogu li po300 000.
MOmusati omo mu na uumbashu tawu yalulwa, wu li owala 5 939 mokati komagumbo 72 437.
Ondjele yokwaa-na-iilonga poopelesenda 34%
Shi na sha nomwaalu gwAanamibia, Omukuluntupithi gwoNSA Alex Shimuafeni okwa ti moomwedhi ndhika opwa kala omapulo kutya ongiini Aanamibia ya koko okuza poomiliona 2.1 okuya poomiliona ndatu muule woomvula 11 sigo omu Septemba 2023.
“Otu na uuyelele tau koleke kutya aantu oya li peni pethimbo lyomayalulo gopashigwana. Oshigwana shaNamibia osha koko noopelesenda 43% okuza mo2011,” okwa ti.
Shimuafeni okwa gwedha po kutya ondjele yokwaa- na- iilonga oya li lwopoopelesenda 34%. “Olopota ndjoka nondjele yokwaa- na-iilonga otayi ka gandjwa mu Januali 2025,” okwa ti.
“Aakalimo yomondoolopa 1 494 992, naantu aashona owala, 1 527 409 (oopelesenda 2.1% dha gwedhwa ko) ye li kiitopolwa yokuushayi,” okwa tseyitha.
MoKhomas omo mu aaantu oyendji (494 000), noyendji aakalimo yomOvenduka, nokwa landula Omusati gu na aakalimo 310 000.
Pokati mpoka, oopelesenda 70% dhAanamibia odha kala moondolopa onene 10, tadhi kwatelwa komeho koshilando shaVenduka, Ombaye noRundu. Omagumbo agehe kumwe 756 339 oga yalulwa; nopaverage egumbo kehe moshilongo ashihe omwa kala aantu 3.8 – okuyelekanitha naantu 4.4 mo2011.
MOhangwena omu na aantu oyendji pehala limwe naantu 31.5 mosquare kilometa, omanga mo//Karas omo mu na aantu aashona pehala limwe naantu 0.7 mosquare kilometa.
Aagundjuka Aanamibia
Aagundjuka kohi yoomvula 35 oyo oopelesenda 71.1% dhAanamibia. Aanona omiliona 1.1 oya kwatela mo uuhanona sigo aanona yoomvula 14. Konyala aantu omiliona oye li pokati koomvula 15 no24, omanga oopelesenda 22% dhAanamibia oye li pokati koomvula 35 no96 (aantu 605 000).
“Aakulupe owala 176 000 yomuyo haya kwata openzela. Yalwe oya fa yi ikwashilipaleka openzela paumwene, ihe osha yela kutya aakulupe yamwe ya gwana okutaamba openzela inaya ndhindhilikwa natango,” olopota ya holola.
Aanamibia ya konda poopelesenda 90% oye na omeya ga yela gokunwa, ihe oopelesenda owala 46% dhomagumbo agehe moshilongo mu na uundjugo hau pombo, olopota ya holola.
Shi ikolela kolopota, konyala oopelesenda 52.4% dhomagumbo agehe moshilongo omu na ongodhi yoshinanena noopelesenda 47.2% dhomagumbo omu na oradio. Okwa ndhindhilikwa wo kutya oopelesenda 41% dhomagumbo omu na oaiskasa (okila yokutalalaleka), omanga oopelesenda 46% dhomagumbo omu na esiga lyokolusheno.
Shi ikolela kolopota, ndjoka ya pitithwa ohela koNamibia Statistics Agency, ngashingeyi moshilongo omu na omalukalwa 756 339, mokati kago oopelesenda 28.7% (217 000) odho uumbashu. Uumbashu 87 000 otau adhika mondoolopa, nomoKhomas omo mu na aantu oyendji haya zi muumbashu – moka mwa kwatelwa uupeleki wa dhengelwa momalukanda taga kokelele.
Khomas oye tango momusholondondo
nuumbashu 68 000 (46.9%) mokati komagumbo 144 630, okwa landula Oshitopolwa shaMaheke nuumbashu 13 190 mokati komagumbo 28 188.
Oondoolopa niilando moomvula ndhika oya holola kutya uumbashu owa indjipala noonkondo okuza sho aantu oyendji ya lala omahala moshilongo ashihe okuza m2014.
Omusholondondo gwaamboka ya ninga omaindilo gomagumbo ngashingeyi ogu li po300 000.
MOmusati omo mu na uumbashu tawu yalulwa, wu li owala 5 939 mokati komagumbo 72 437.
Ondjele yokwaa-na-iilonga poopelesenda 34%
Shi na sha nomwaalu gwAanamibia, Omukuluntupithi gwoNSA Alex Shimuafeni okwa ti moomwedhi ndhika opwa kala omapulo kutya ongiini Aanamibia ya koko okuza poomiliona 2.1 okuya poomiliona ndatu muule woomvula 11 sigo omu Septemba 2023.
“Otu na uuyelele tau koleke kutya aantu oya li peni pethimbo lyomayalulo gopashigwana. Oshigwana shaNamibia osha koko noopelesenda 43% okuza mo2011,” okwa ti.
Shimuafeni okwa gwedha po kutya ondjele yokwaa- na- iilonga oya li lwopoopelesenda 34%. “Olopota ndjoka nondjele yokwaa- na-iilonga otayi ka gandjwa mu Januali 2025,” okwa ti.
“Aakalimo yomondoolopa 1 494 992, naantu aashona owala, 1 527 409 (oopelesenda 2.1% dha gwedhwa ko) ye li kiitopolwa yokuushayi,” okwa tseyitha.
MoKhomas omo mu aaantu oyendji (494 000), noyendji aakalimo yomOvenduka, nokwa landula Omusati gu na aakalimo 310 000.
Pokati mpoka, oopelesenda 70% dhAanamibia odha kala moondolopa onene 10, tadhi kwatelwa komeho koshilando shaVenduka, Ombaye noRundu. Omagumbo agehe kumwe 756 339 oga yalulwa; nopaverage egumbo kehe moshilongo ashihe omwa kala aantu 3.8 – okuyelekanitha naantu 4.4 mo2011.
MOhangwena omu na aantu oyendji pehala limwe naantu 31.5 mosquare kilometa, omanga mo//Karas omo mu na aantu aashona pehala limwe naantu 0.7 mosquare kilometa.
Aagundjuka Aanamibia
Aagundjuka kohi yoomvula 35 oyo oopelesenda 71.1% dhAanamibia. Aanona omiliona 1.1 oya kwatela mo uuhanona sigo aanona yoomvula 14. Konyala aantu omiliona oye li pokati koomvula 15 no24, omanga oopelesenda 22% dhAanamibia oye li pokati koomvula 35 no96 (aantu 605 000).
“Aakulupe owala 176 000 yomuyo haya kwata openzela. Yalwe oya fa yi ikwashilipaleka openzela paumwene, ihe osha yela kutya aakulupe yamwe ya gwana okutaamba openzela inaya ndhindhilikwa natango,” olopota ya holola.
Aanamibia ya konda poopelesenda 90% oye na omeya ga yela gokunwa, ihe oopelesenda owala 46% dhomagumbo agehe moshilongo mu na uundjugo hau pombo, olopota ya holola.
Shi ikolela kolopota, konyala oopelesenda 52.4% dhomagumbo agehe moshilongo omu na ongodhi yoshinanena noopelesenda 47.2% dhomagumbo omu na oradio. Okwa ndhindhilikwa wo kutya oopelesenda 41% dhomagumbo omu na oaiskasa (okila yokutalalaleka), omanga oopelesenda 46% dhomagumbo omu na esiga lyokolusheno.
Comments
Namibian Sun
No comments have been left on this article