Rehoboth yagwedhele iifuta noopresenda 400

Kansela nale, Lenny Pienaar, okwa popi kutya oya shangela elelo lyondoolopa omukanda taya pula omayamukulo sho elelo ndyoka lya ndopa woo okuninga tango ekwatathano naakalimo kombinga yiishoshela mbyoka iipe.Pethimbo lyoshigongi shaakwashigwana sha ningwa moondoolopa ndjoka mOsoondaha, Pienaar okwa popi kutya aaniilonga yelelo ndyoka kaye na esimaneko na otaya ihumbatele nayi oshigwana unene aakokele mboka taya pula omayamukulo.Okwa tsikile kutya ope na nale omusholondondo gwiishoshela ngoka gwa pitikwa papangelo nomalunduluko ngoka inaga ziminwa molwaashoka oga li geli momake gompangu. Okwa popi kutya ngele andola ompangu oya zimina omalunduluko ngoka nena ohaga shainwa nelelo ohali pewa okopi ihe elelo lyondoolopa inali hala okugandja uumbangi mboka.Pienaar okwa tsikile kutya ope na iinima oyindji mbyoka ya pula miishoshela mbyoka mwa kwatelwa aashiinda yaali mboka ye na ooplota dhi dhike pamwe muunene ihe ohaya futu iishoshela ya yooloka.“Kape na uukwashili melelo lyaRehoboth. Onda popya naantu yoyene ihe ope na iinima oyindji itayi tsu kumwe. Aantu yamwe otaya futu ooN$200, omushiinda she ota futu N$900 omanga mukwawo ota futu N$800. Elandulathano oli li peni?Okwa tsikile okwa pula ondjila yomayalulo ndjoka ya longithwa ihe ina pewa omayamukulo. Aakwashigwana mboka otaya pangele okuninga iigongi opo ya vule okukonga iimaliwa yokufuta hahende ngoka te ya kalelepo moshinima shoka.Oya yelitha kutya omukundu ngoka itagu ka ningwapo oshinima shopapolotika ihe otashi ka ungaungiwa nago onga omukundu gwoshigwana.Konima sho aakwashigwana ya longitha omapandja gomakwatathano gopamalungula okunyenyeta konima sho ya yakula oombaapila dhawo dhomafutilo, mayola omupe gwondoolopa ndjoka Amanda Groenewaldt mehuliloshiwike okwa tseyitha eningo lyomuntumba gwomeendelelo nonando elelo ndyoka olya li lya yi mokafudho manga.Omutumba ngoka gwa ningwa kuGroenewaldt, omunashipundi gwokomitiye yelelo, Justin Coetzee, Omunambelewa Omukuuntuwiliki gwondoolopa ndjoka, Simeon Kanime oshowo elelo lyiilonga yesiku mondoolopa moka ogwa holola kutya iishoshela mbyoka oya ziminwa kompangu ihe inayi tulwa owala miilonga mbala.“Otwa longo noprograma ndjoka okuza momvula yo 2007 moka ooyene yomagumbo yamwe ya kala taya futu oshimaliwa shooN$20 komwedhi miishoshela yomagumbo. Ngame mwene otandi zimine mpaka onga mwene gwegumbo kutya iishoshela mbyoka hayi futwa oyili pevi onkene inaku vula okweeta omayambulepo gasha mondoolopa,” Groenewaldt a popi.“Otatu zimine woo kutya iishoshela mbyoka oyi li ngashiingeyi pombanda unene onkene otwa ningi omutumba, naakokele otaya kala niishoshela yili pevi oshowo aakwashigwana yalwe kakele kaanangeshefa.”Mayola okwa popi kutya otaya kongo ekandulepo lyomukundu ihe sho ngashiingey yeli mefudho itaya vulu okuninga omatokolo gasha, naakwashigwana otaya ka tegelela sigo omasiku ga 4 gaJanuari momvula twa taalela, moka elelo tali tameke iilonga ishewe.

Rehoboth yagwedhele iifuta noopresenda 400

Comments

Namibian Sun 2025-04-21

Please login to leave a comment

Rehoboth yagwedhele iifuta noopresenda 400

Comments

Namibian Sun 2025-04-21

Please login to leave a comment

Login