Oskola yi li pokukuthwa ombapila ya taalele kompangu

Uuministeli welongo otau ningi omatilitho gokukutha oskola yopaumwene yomOshikango ombapila shi ikolela komapopyo guulingilingili pethimbo lyomakonakono gondondo 11.Savo Nuts Private School ngashingeyi oya indikwa okwiishangitha aalongwa yondondo 11 no12 noshowo ekonakono lyondondo 11 no12 nuuministeli momumvo gwelongo tagu ya. Shi ikolela kuuyelele wa monika oshiwike sha zi ko komukuluntuwiliki gwoSavo Nuts, Shingirai Mbuzi, omupehakuluntuwiliki gwelongo mOshitopolwa Ohangwena, Ngulu Palisha, otaku hokololwa ta kambadhala okunyolitha aalongwa 19 yomiipundi kooskola dhilwe omolwa elalakano lyuuministeli okukutha oskola ombapila. Moku yamukula, oskola naMbuzi oya tula mo eindilo lyomeendelelo mOmpangu yopOmbanda yaVenduka oshiwike sha zi ko noya holoka komeho gOmupanguli Kobus Miller mEtitano. Olugodhi lwopaveta Oskola otayi kongo eindiko lyopakathimbo tali indike uuministeli newilikongundu lyomakonako gopashigwana, egandjo lyiitsa noonzapo okutula kehe omulongwa gwawo gondondo 11 no12 mooskola dhilwe manga enanathano ndika tali kuthwa po lya pamba oskola tashi vulika yi kuthwe ombapila.Otaya kongo wo elombwelo okuza kompangu tali thiminike uuministeli wu ya pitike ya nyolithe aalongwa manga oshizemo shekonakono tashi zi mo nosho wo iizemo ayihe yaalongwa yawo ya nyolele ekonakono lyaKotomba naNovemba 2023 yi gandjwe.Oskola otayi pula wo ompangu yi thiminike uuministeli wu ya pe omikanda adhihe nuuyelele ya longitha momakonakono gawo muulungingili tau popiwa.Iizemo ya kalekwa Savo Nuts Private School oya nyolitha aalongwa 46 yopaumwene noyomiipundi mboka ya nyola omakonakono gondondo 11 gaKotomba–Novemba 2023.Iizemo oya pitithwa mo12 Januali, ihe yimwe yomiilongwa yontumba (accounting, uunamapya nuuniimuna, biology, elongo lyuunangeshefa chemistry, economics, geography, omwaalu nuudhindoli) otaku hokololwa ya nukwa po. Oshikondo shelongo mOhangwena osha tseyithile oskola kombinga yomakonakono nuulingilingi tau popiwa mekonakono lyondondo 11 lyomo2023.Mo17 Januali, oskola otaku hokololwa ya tseyithilwa kutya otayi ka tseyithilwa kombinga yoshizemo shekonakono manga 17 Januali inaga thika nenge mesiku lyolyene, ihe shi ikolela ku Mbuzi, inaa mona eyamukulo esiku ndjoka. Okwa lombwele aakalelipo ye yopaveta ya nyolele uuministeli a pewe omayamukulo.Uulingilingi tau fekelwaUuministeli owa tseyithile oskola mo 25 Januali elalakano lyawo okukutha oskola ndjoka ombapila yokulonga aalongwa yoondondo 11 no 12), tashi yi miilonga 1 Maalitsa."Etompelo lya gandjwa uulingilingi anuwa wa monika moombapila dhaalongwa yamwe yomoskola miilongwa yontumba. Shi ikolela kwaashoka, ewilikongundu lyomakonakono, egandjo lyiitsa noonzapo olya gandja ethaneko kutya oskola nayi kuthwe ombapila," eindilo lyaMbuzi kompangu mo 14 Febuluali lya lesha. Epulakeno li li pauyuuki lya pulwa Mepulakeno lyawo kompangu, oskola oya nyenyeta kutya uuministeli inau popya nande oshipotha shontumba kondandalunde nenge iikumungu yuulingilingi wa longwa koskola, shoka sha ninga itaashi vulika kuyo ya ulike kehe enyenyeto ketokolo tali uvikiwa ko. "Oketompelo ndika kutya omuningi gweindilo [oskola] ya indile omushangwa gwi ihwa po golopota yekonakono opo ku monike nkene taa ka tsikila," omikanda dhompangu dha holola. Mbuzi ota ti omaindilo ge, pamwe naangoka gaakalelipo ye yopaveta, gomushangwa gwi ihwa po oga tsakanekwa komikalo dhekateko. Oku ulike kutya oskola natango oyi na uuthemba wokutalululitha nokutalulula etokolo; kakele, tango oya hala okukonakona nawa omapopyo. Oskola oya tsikile nokunyenyeta kutya yo inaa pewa ompito yokukalelwa po manga etokolo lyokukutha ombapila inaali ningwa no inaa mona epulakeno li li pauyuuki. Aakuthimbinga oya tegelelwa ya holoke mOmpangu yopOmbanda nena mepulakeno lyeindilo lyomeendelelo komeho gOmupanguli Kobus Miller. -kristien@republikein.com.na

Oskola yi li pokukuthwa ombapila ya taalele kompangu

Comments

Namibian Sun 2024-11-22

Please login to leave a comment

Oskola yi li pokukuthwa ombapila ya taalele kompangu

Comments

Namibian Sun 2024-11-22

Please login to leave a comment

Login