Ondjodhi yetu oya li limwe – Dumeni
Elongelokumwe momukokomoko gwethimbo ele
Moonkundathana dhetu mOmaandaha nOmumbiishofi gwa ELCIN moshipundi shevululuko Kleopas Dumeni, omumbisofi okwa hokolola nkene ya mwenya pamwe nomukokoli presidente Sam Nujoma pethimbo lyiita yekondjelomanguluko.
Omumbishofi moshipundi shevululuko Kleopas Dumeni okwa yolo mo sho a dhimbulukwa yimwe "yomiineya" a li a longitha opo a kwathe nakusa omukokoli presidente Sam Nujoma, opo a ye pomahala gi ikalekelwa, e na Ombiimbeli – opo Nujoma a vule okuuvitha evaangeli lyoSwapo.
Dumeni okwa ti yo naNujoma oya li ye na ondjodhi yimwe: okukondjitha epangelo lyokatongotongo. Nonande Dumeni a li ta lalakanene okupopya newi etalala, kombinga onkwawo Nujoma, omathimbo gamwe kali e na nkene a ninga shaa shi okulongitha omikalo tadhi etitha “etiko lyombinzi'.
Nujoma okwa mana oondjenda dhe mOvenduka mOlyomakaya yomasiku, 8 Febuluali. Okwa li omunamimvo 95.
Moonkundathana noshifo shoNamibia Sun mOmaandaha pegumbo lye mOngwediva, Dumeni okwa hokolola nawa gamwe gomomahokololo kombinga yaNujoma.
Okwa kutha Ombiimbeli ye yoshipeko oshindjimbi (oshibleina) nokwa tumbula nenyanyu moshipala she: “Okwa li ha humbata ombiimbeli ndjika opo a ye momahala gi ikalekelwa, unenene pethimbo a li kOmbaye. Mboka ya li taya kondolola omainyengo gaantu otaya dhiladhila kutya, 'Nguka omuuvithi gwowala ta ka uvitha Ohapu yaKalunga'. Ashike oshili oondjika kutya Nujoma okwa li taka uvitha evaangeli lyoSwapo”.
Dumeni okwa ti mbyoka yimwe “yomiifundja ” a li e na okupopya opo a kwathe Nujoma mekondjelomanguluko lyaNamibia.
“Otwa li tatu lalakanene oshinima shimwe. Atuhe yaali otwa li aanandjungu miilonga yetu. Kombinga yandje onda li tandi kwatele komeho ongeleka, omanga Nuyoma okwa li ta wilike Swapo. Otwa li hatu longele kumwe nawa, omathimbo gamwe pokati kaantu, nopoompito dhimwe opokati ketu atuke yaali monanguwi,” okwa ti.
Dumeni okwa ti yo naNujoma oya kala nokutsakanena oshipala noshipala opo ya tule po oondungethaneko dhawo, nolundji Dumeni oye a kala nokuya momalweendo pethimbo a za po niinyangadhalwa yongeleka, oshoka Nujoma kali ta vulu okugalukila moshilongo.
Esindano
Okwa ti okulongela kwe kumwe naNujoma okwa ningi oshinyangadhalwa shesiku kehe okuza 1959 sigo1974, unenene sho a ningi omuyakuli gwomulongi gwe, Omumbishofi Leonard Auala mo1973. Auala okwa li omumbishofi gwotango omuuludhe gwongeleka yoEvangelical Lutheran Church of Owambo-Kavango (ELOK), ndjoka lwanima ya ka ninga ELCIN.
“Oshikando shimwe otwa tsakanene moSwitzerland, moka nda li omuwiliki gwOngongahangano yAakwaluteri mUuyuni. Oshikando oshitiyali otwa tsakanene moshiithanene moEuropa hoka nda li nda hiwa. Onda li handi yi kumeme gwaNujoma ndi mu tseyithile kombinga yolweendo lwandje nokutya otashi vulika tu monathane nomwanamati.
"Meme gwe oha lombwele ndje ndi mu kundile po, nokwa li ha ti, 'Okukondja waa na Kalunga ito sindana'. Okwa li he mu nyolele omishangwa dhimwe dhOmombiimbeli opo ndi dhi mu faalele,” okwa hokolola.
Pehulilo lyoshikako she oshitiyali ongomumbishofi ta kwathele mo1978, Dumeni okwa hogololwa a ninge Omumbishofi omutiyali gwaELOK. Okwa yi koshipundi pethimbo lyiita yekondjelomanguluko lyaNamibia ya li metifa.
Dumeni okwa ti kali li i itaala kutya ombili nengungumano otayi ya po okupitila komulungu gwondjembo ashike okwa li e na eitaalo kutya Namibia ona ka manguluka – nomolwetempelo ndyoka okwa kala nokuyambidhidha Nujoma.
“Onda tula po omakwatathano noongeleka oonkwaluteri moNamibia nopondje yoshilongo opo dhi kwathe Nujoma monkambadhala ye yokutula miilonga Okatokolitho 435 kIigwanahangano, hoka ka pala ondjila Namibia opo a manguluke,” okwa fatulula.
Emanguluko
Hugunina, ethimbo olya thikana opo Nujoma a galukile kegumbo. Sho ondhila ya nambele mOkapale koondhila kaNdangwa konima yoomvula noomvula Nujoma a kale pondje yoshilongo, Dumeni opo a li pokapale esiku ndjoka e mu hambelele sho e ya moshilongo.
“Okwa kutha evi opo a nike ezimba lyevi lyaandjawo nokwe li tula mokana ke. Kehe gumwe a li po okwe mu hambelele nenyanyu – endhindhiliko lyelelo lye ehokithi olye etele enyanyu, ashike otwa li tu na oshinakugwanitha oshinene komapepe getu,” okwa ti.
Dumeni okwa hokolola kutya okuza mpoka oya yi mela lyondjila ya ye komukunda Etunda gu li popepi nOkahao mOshitopolwa shaMusati nelalakano oku ka talela po yina yaNujoma, Helvi Kondombolo, ngoka a adhika pwa piti ethimbo nuule inaa monathana nomwanamati.
Konima sho Nujoma ya popithathana nayina okwa yi ishewe komusita gweegongalo Okahao nokuza mpoka okwa tsikile noshinakugwanitha she oshinene shokwiilongekidhila emanguluko lyaNamibia.
Uumwayinathana
Moonkundathana nOmumbishofi moshipundi shevuuluko Josephat Shanghala, Shanghala okwa ti yo naNujoma oya li ya fa aamwayinathana nolundji oya ningathana omashendjo kombinga yokuputuka kwawo pamwe, oshoka ooyina oya li ookuume.
Shanghala okwa ti Nujoma okwa li wo e mu pula opo a ninge omukwanepangelo, ashike okwa tindi, oshoka okwa li a hala okukala ta uvitha evaangeli lyaKalunga, ndjoka a ti nalyo wo olya simana mu Namibia opo a manguluka.
Okwa ti mo2007, sho a hokanununa, Nujoma okwa li e na okukala oshinkumbi she, ashike omolwa iimpwiyu yilwe, ina vula okuholoka esiku lyohango.
Shanghala okwa ti Nujoma okwe eta ehumokomeho kOnooli, ngaashi ondjila yeshina lyokolutenda. Okwa gwedha po kutya oshilongo otashi kala aluhe nongunga kuye molwa eiyambo lye opamwe “nolyoohailwa mboka ombinzi yawo ya tikila mekondjo”.
- [email protected]
Dumeni okwa ti yo naNujoma oya li ye na ondjodhi yimwe: okukondjitha epangelo lyokatongotongo. Nonande Dumeni a li ta lalakanene okupopya newi etalala, kombinga onkwawo Nujoma, omathimbo gamwe kali e na nkene a ninga shaa shi okulongitha omikalo tadhi etitha “etiko lyombinzi'.
Nujoma okwa mana oondjenda dhe mOvenduka mOlyomakaya yomasiku, 8 Febuluali. Okwa li omunamimvo 95.
Moonkundathana noshifo shoNamibia Sun mOmaandaha pegumbo lye mOngwediva, Dumeni okwa hokolola nawa gamwe gomomahokololo kombinga yaNujoma.
Okwa kutha Ombiimbeli ye yoshipeko oshindjimbi (oshibleina) nokwa tumbula nenyanyu moshipala she: “Okwa li ha humbata ombiimbeli ndjika opo a ye momahala gi ikalekelwa, unenene pethimbo a li kOmbaye. Mboka ya li taya kondolola omainyengo gaantu otaya dhiladhila kutya, 'Nguka omuuvithi gwowala ta ka uvitha Ohapu yaKalunga'. Ashike oshili oondjika kutya Nujoma okwa li taka uvitha evaangeli lyoSwapo”.
Dumeni okwa ti mbyoka yimwe “yomiifundja ” a li e na okupopya opo a kwathe Nujoma mekondjelomanguluko lyaNamibia.
“Otwa li tatu lalakanene oshinima shimwe. Atuhe yaali otwa li aanandjungu miilonga yetu. Kombinga yandje onda li tandi kwatele komeho ongeleka, omanga Nuyoma okwa li ta wilike Swapo. Otwa li hatu longele kumwe nawa, omathimbo gamwe pokati kaantu, nopoompito dhimwe opokati ketu atuke yaali monanguwi,” okwa ti.
Dumeni okwa ti yo naNujoma oya kala nokutsakanena oshipala noshipala opo ya tule po oondungethaneko dhawo, nolundji Dumeni oye a kala nokuya momalweendo pethimbo a za po niinyangadhalwa yongeleka, oshoka Nujoma kali ta vulu okugalukila moshilongo.
Esindano
Okwa ti okulongela kwe kumwe naNujoma okwa ningi oshinyangadhalwa shesiku kehe okuza 1959 sigo1974, unenene sho a ningi omuyakuli gwomulongi gwe, Omumbishofi Leonard Auala mo1973. Auala okwa li omumbishofi gwotango omuuludhe gwongeleka yoEvangelical Lutheran Church of Owambo-Kavango (ELOK), ndjoka lwanima ya ka ninga ELCIN.
“Oshikando shimwe otwa tsakanene moSwitzerland, moka nda li omuwiliki gwOngongahangano yAakwaluteri mUuyuni. Oshikando oshitiyali otwa tsakanene moshiithanene moEuropa hoka nda li nda hiwa. Onda li handi yi kumeme gwaNujoma ndi mu tseyithile kombinga yolweendo lwandje nokutya otashi vulika tu monathane nomwanamati.
"Meme gwe oha lombwele ndje ndi mu kundile po, nokwa li ha ti, 'Okukondja waa na Kalunga ito sindana'. Okwa li he mu nyolele omishangwa dhimwe dhOmombiimbeli opo ndi dhi mu faalele,” okwa hokolola.
Pehulilo lyoshikako she oshitiyali ongomumbishofi ta kwathele mo1978, Dumeni okwa hogololwa a ninge Omumbishofi omutiyali gwaELOK. Okwa yi koshipundi pethimbo lyiita yekondjelomanguluko lyaNamibia ya li metifa.
Dumeni okwa ti kali li i itaala kutya ombili nengungumano otayi ya po okupitila komulungu gwondjembo ashike okwa li e na eitaalo kutya Namibia ona ka manguluka – nomolwetempelo ndyoka okwa kala nokuyambidhidha Nujoma.
“Onda tula po omakwatathano noongeleka oonkwaluteri moNamibia nopondje yoshilongo opo dhi kwathe Nujoma monkambadhala ye yokutula miilonga Okatokolitho 435 kIigwanahangano, hoka ka pala ondjila Namibia opo a manguluke,” okwa fatulula.
Emanguluko
Hugunina, ethimbo olya thikana opo Nujoma a galukile kegumbo. Sho ondhila ya nambele mOkapale koondhila kaNdangwa konima yoomvula noomvula Nujoma a kale pondje yoshilongo, Dumeni opo a li pokapale esiku ndjoka e mu hambelele sho e ya moshilongo.
“Okwa kutha evi opo a nike ezimba lyevi lyaandjawo nokwe li tula mokana ke. Kehe gumwe a li po okwe mu hambelele nenyanyu – endhindhiliko lyelelo lye ehokithi olye etele enyanyu, ashike otwa li tu na oshinakugwanitha oshinene komapepe getu,” okwa ti.
Dumeni okwa hokolola kutya okuza mpoka oya yi mela lyondjila ya ye komukunda Etunda gu li popepi nOkahao mOshitopolwa shaMusati nelalakano oku ka talela po yina yaNujoma, Helvi Kondombolo, ngoka a adhika pwa piti ethimbo nuule inaa monathana nomwanamati.
Konima sho Nujoma ya popithathana nayina okwa yi ishewe komusita gweegongalo Okahao nokuza mpoka okwa tsikile noshinakugwanitha she oshinene shokwiilongekidhila emanguluko lyaNamibia.
Uumwayinathana
Moonkundathana nOmumbishofi moshipundi shevuuluko Josephat Shanghala, Shanghala okwa ti yo naNujoma oya li ya fa aamwayinathana nolundji oya ningathana omashendjo kombinga yokuputuka kwawo pamwe, oshoka ooyina oya li ookuume.
Shanghala okwa ti Nujoma okwa li wo e mu pula opo a ninge omukwanepangelo, ashike okwa tindi, oshoka okwa li a hala okukala ta uvitha evaangeli lyaKalunga, ndjoka a ti nalyo wo olya simana mu Namibia opo a manguluka.
Okwa ti mo2007, sho a hokanununa, Nujoma okwa li e na okukala oshinkumbi she, ashike omolwa iimpwiyu yilwe, ina vula okuholoka esiku lyohango.
Shanghala okwa ti Nujoma okwe eta ehumokomeho kOnooli, ngaashi ondjila yeshina lyokolutenda. Okwa gwedha po kutya oshilongo otashi kala aluhe nongunga kuye molwa eiyambo lye opamwe “nolyoohailwa mboka ombinzi yawo ya tikila mekondjo”.
- [email protected]
Comments
Namibian Sun
No comments have been left on this article