Omawendo gomOvenduka taga hala okupwa ko
Omawendo gatatu gomOvenduka oga pwa ko.
Shika osha tseyithwa kelelo lyOshilando shaVenduka pethimbo lyoonkundathana naakuthimbinga mEtine, moka ya li taa talulula ondungethaneko yongashingeyi noshowo olopota yiilonga yokomumvo.
Olopota oya ulike kutya kamu na we ehala momawendo ngaka. Ope na omahala goombila 43 momawendo gaOld Location, gaheyali momawendo gaKatutura no190 momawendo gaKhomasdal , ashike kakele komahala ngoka, lwanima momawendo muka itamu fumvikwa we oonakusa.
Mokuyamukula komukundu gomawendo taga hala okupwa ko, Oshilando osha dhiladhila okufikwa po koonakusa ongomukalo omukwawo omuhwepo. Momumvo gwoshimaliwa 2022-23, oonakusa 522 oya fikwa po.
Omukuluntupithi gwOshilando shaVenduka Moses Matyayi okwi indile aakalimo ya tale kokufika po oonakusa yawo molwa omangambeko ge li po.
"Omawendo getu ogu udha notwa pumbwa okulongitha omikalo dha yooloka ‘dhokufumvika’ aasi yetu omanga tatu toto po omawendo omape," okwa ti.
Okwa tseyitha wo omathaneko gokutota po omawendo omape moRocky Crest ku ungaungiwe nomukundu nguka.
Omawendo galwe
Olopota oya ulike onkalo yomawendo galwe gamuni. Omawendo gaGammams, gaGroot Aub nOponganda ogu udha noopelesenda dha konda 50, noombila 1 250, 533 no1 200 otadhi monika natango. Moombila ndhika, oombila 1 046 moGammams, hetatu kOponganda no53 koGroot Aub odhi na ooyene nale. Ekoko lyomwaalu gwaantu moshilando shaVenduka otali endelele noonkondo, netembukilemo lyaantu 12 000 mboka ya ninga yomoshilando omumvo kehe. Shika osha ningitha omwaalu gwaakalimo gu kale gwa konda po 486 000, notagu holola ompumbwe yomeendelelo yokulongitha omikalo dhilwe.
Ondungethaneko yOshilando yo2022 sigo 2027 otayi lalakanene okukutha po omukundu nguka gwomahala okupitila mokutota po omawendo omape nokulonga aantu kombinga yokufikwa po koonakusa. Matyayi okwa dhenge omuthindo kesimano lyomifango omiwanawa tadhi kwashilipaleke Oshilando otashi vulu okufumvika oonakusa. "Okuninga omathaneko gonakuyiwa osha simana. Otwi itula mo mokugandja esimaneko lyahugunina lyefumviko lyoonakusa yetu, ashike otu na okwiiyutha komangambeko ge li po nokuninga omathaneko gu ukila ko.”
Shika osha tseyithwa kelelo lyOshilando shaVenduka pethimbo lyoonkundathana naakuthimbinga mEtine, moka ya li taa talulula ondungethaneko yongashingeyi noshowo olopota yiilonga yokomumvo.
Olopota oya ulike kutya kamu na we ehala momawendo ngaka. Ope na omahala goombila 43 momawendo gaOld Location, gaheyali momawendo gaKatutura no190 momawendo gaKhomasdal , ashike kakele komahala ngoka, lwanima momawendo muka itamu fumvikwa we oonakusa.
Mokuyamukula komukundu gomawendo taga hala okupwa ko, Oshilando osha dhiladhila okufikwa po koonakusa ongomukalo omukwawo omuhwepo. Momumvo gwoshimaliwa 2022-23, oonakusa 522 oya fikwa po.
Omukuluntupithi gwOshilando shaVenduka Moses Matyayi okwi indile aakalimo ya tale kokufika po oonakusa yawo molwa omangambeko ge li po.
"Omawendo getu ogu udha notwa pumbwa okulongitha omikalo dha yooloka ‘dhokufumvika’ aasi yetu omanga tatu toto po omawendo omape," okwa ti.
Okwa tseyitha wo omathaneko gokutota po omawendo omape moRocky Crest ku ungaungiwe nomukundu nguka.
Omawendo galwe
Olopota oya ulike onkalo yomawendo galwe gamuni. Omawendo gaGammams, gaGroot Aub nOponganda ogu udha noopelesenda dha konda 50, noombila 1 250, 533 no1 200 otadhi monika natango. Moombila ndhika, oombila 1 046 moGammams, hetatu kOponganda no53 koGroot Aub odhi na ooyene nale. Ekoko lyomwaalu gwaantu moshilando shaVenduka otali endelele noonkondo, netembukilemo lyaantu 12 000 mboka ya ninga yomoshilando omumvo kehe. Shika osha ningitha omwaalu gwaakalimo gu kale gwa konda po 486 000, notagu holola ompumbwe yomeendelelo yokulongitha omikalo dhilwe.
Ondungethaneko yOshilando yo2022 sigo 2027 otayi lalakanene okukutha po omukundu nguka gwomahala okupitila mokutota po omawendo omape nokulonga aantu kombinga yokufikwa po koonakusa. Matyayi okwa dhenge omuthindo kesimano lyomifango omiwanawa tadhi kwashilipaleke Oshilando otashi vulu okufumvika oonakusa. "Okuninga omathaneko gonakuyiwa osha simana. Otwi itula mo mokugandja esimaneko lyahugunina lyefumviko lyoonakusa yetu, ashike otu na okwiiyutha komangambeko ge li po nokuninga omathaneko gu ukila ko.”
Comments
Namibian Sun
No comments have been left on this article