Omananathano pokati kaTjongarero naShiimi molwa eshuno miilonga lyomukuluntuwiliki gwoNYC
Schwartz-Gowases a galukile kiilonga
Omasiku gaali owala okutetekela okuya kwe mopenzela, Tjongarero okwa shunununa kuume ke miilonga mehangano lyoNYC ndyoka tali nyengwa kewiliko pomathimbo nga.
Minista Agnes Tjongarero ngoka tayi mopenzela masiku, okwa shunununa miilonga omukuluntuwiliki gwehangano lyoNYC Calista Schwartz-Gowases, naandika olya talika ko onga limwe lyomomatokolo ge omanene gopehulilo lyiilonga ye onga minista gwaandjuka.
Tjongarero ita kala oshilyo shoKabinete okape, hoka taka tseyithilwa oshigwana moshiwike muka, oshoka okwe shi holola nale kutya ota yuulukwa okuya moshipundi shevululuko.
Tjongarero okwa tseyithile ewilikongundu lyopakathimbo lyehangano lyoNYC opo li shune miilonga Schwartz-Gowases, ta ti okutidhwa kwe kwopakathimbo okwa ziminwa shaa li paveta nokupopilwa kominista yomahangano gopapangelo Ipumbu Shiimi.
Elombwelo ndika, lya gandjwa mEtitano lya zi ko, olyo elundalalo lyongashingeyi momaipumomumwe pokati koominista ndhika mbali tadhi kondjele ewiliko nokondolola yehangano lyoNYC. Oshikumungu shika otashi ulike wo omananathano taga ningi ogendji molwa oonkondo dhaminista noshowo omatokolo haga ningwa komahangano gepangelo.
Shiimi okwa li nale a koleka etidho miilonga pakathimbo lyaSchwartz-Gowases e shi nyolele mombilive yomuMaarsa 2024, tati okwa zimine etokolo ndjoka sha landula oonkundathana dhawo naTjongarero.
Kakele, Tjongarero, okwe ekelehi omapopyo ngaka, tati inaya adha estokumwe nokuuvathana moshikumungu shika.
Okwa nyenyeta wo kutya eidhopomo lyaShiimi metokolo ndika ka li mo miinakugwanithwa ye yopaveta.
Patumwafo a nyolele omunashipundi gwopakathimbo gwewilikongundu lyoNYC Beverly Silas-!Garas, Tjongarero okwa ti kutya etidho miilonga pakathimbo lyaSchwartz-Gowases nali ekelwehi meendelelo. Ehangano lyoNYC olya koleke kutya Schwartz-Gowases okwa galukile kiilonga pambelewa ohela.
Pokati mpoka, etokolo lyaTjongarero otali kondjithathana meukililo nombilive yaShiimi yesiku eti-28 Maarsa 2024, moka ta koleke kutya okwa koleke etidho miilonga ndika lyopakathimbo. Shiimi, mokuyamukula kwe koolopota dhiikundaneki dhongashingeyi, okwa ndjike oonyala mevi molwa etokolo lye, nokudhenga omuthindo kutya okwa wilikwa nokwa landula oveta mokushi ninga.
Iikumungu yopaveta noyewiliko
Tjongarero ota ti kutya molwashoka ehangano lyoNYC oli li mongundu yomahangano ihaga ningi ontanitho, minista yomahangano gepangelo ke na uuthemba wokwiidhopa mo mo miikungumungu yokugeela nokupukula aanambelewa yawo internal disciplinary matters. Okwa ti kutya eidhopo mo lyaShiimi inali ukila ko nokali li paveta, shoka, e wete pamaiuvo ge kutya, olya ningitha etidho miilonga ndika li kale lyaa li paveta.
"Onkatu kehe ya katukwa molwa ekoleko nezimino ndika otali talika itaali ukile ko. Onkene, opo tu kwashilipaleke kutya otatu iyutha kooveta nomilandu tadhi wilike ehangano lyoNYC, etidho miilonga ndika lyopakathimbo nali ekelwahi, nomukuluntuwiliki gwehangano oku na okwiilopota kombelewa a tsikile niilonga ye meendelelo," Tjongarero a ti.
Nonande ongawo, okwa koleke omatamaneko omanene taga popilwa Schwartz-Gowases, ngoka ga ndjandjukununwa molopota yomakonakono gomo2024. Okwa dhenge omuthindo kutya kehe onkatu yokugeela nokupukulula aanambelewa nayi landule omilandu, shoka tashi pitike Schwartz-Gowases a vule okutya ko sha manga ta longo.
"Okutala kuunene womatamaneko ngaka taga popilwa omukuluntuwiliki, ngaashi we ga holola moshikalimo shombilive yomomasiku 18 Febuluali 2025, na pewe ompito yokutya ko sha manga e li miilonga," Tjongarero a fatulula.
Okwa thaneke wo kutya omayele naga kongwe kaanaveta opo ku talike ngele Schwartz-Gowases ota tulilwa mo oshipotha. Ngele uumbangi otau tu tompele kutya ope na onkatu dhi na okukatukwa natango, okwa ti, onkatu yokugeela nokupukulula yolela nayi iyuthwe kuyo shili pamilandu tadhi wilike ehangano lyoNYC.
"Uuministeli waagundjuka wi itula mo mokusimaneka omauthompango gewiliko ewanawa, okulonga noshili, nokwiiyutha komilandu dha tulwa po. Okuya komeho, etokolo kehe nali ningwe paiyutho komilandu dhekotampango lyoNYC, komalandulathano taga opalele, nokooveta tadhi wilike ehangano," okwa gwedha po.
Shiimi i ipopile
Mokuyamukula kwaashoka sha holoka po ngashingeyi, Shiimi okwa kolekulula ohela kutya etokolo lye olya nwethwa mo kiizemo yolopota yomakonakono mewiliko lyehangano lyoNYC. Okwa ti kutya sho ewilikongundu lyoNYC lya pula ekoleko lye okukutha miilonga pakathimbo Schwartz-Gowases, okwa konakona uumbangi welongitho nayi lyoshimaliwa manga ine ya pa etokolo lye.
Kakele, sho u ulikilwa olopota yopaveta yAhende ndjai, ndjoka tayi ti omukalo gulwe ando ogwa longithwa manga inaku ningwa etokolo lyokukutha miilonga pakathimbo Schwartz-Gowases, Shiimi okwiikaleke kokule nokundopa huka mokulandula omilandu dha tulwa po. Okwa nyenyeta kutya ombedhi nayi pewe ewilikongundu lyoNYC, ndjoka li na oshinakugwanithwa shokukonakona nawa iinima tango, manga inaali ya kuye.
Olopota yomakonakono yesiku 8 Maarsa 2024, oya holola okundopa okunene mewiliko noshowo iikumungu yokwaalonga nawa mehangano lyoNYC. Oya ndhindhilike nkene iimaliwa ya zi moshiketha shepangelo noya kala nokupewa ehangano lyoNYC mokukomoko gwoomvula ihe omishangwahokololo dhiiniwe dholela inadhi kala po oshowo omishangwahokololo dhiimaliwa ndhoka dha talululwa tadhi ulike kutya iimaliwa oya longithwa mushike nashike.
Limwe lyomomathaneko ga simana olya li okukutha miilonga pakathimbo Schwartz-Gowases noshowo omunashipundi pitithi pethimbo ndiyaka Sharonice Busch, molwa omatompelo gewiliko enkundi. - [email protected]
Tjongarero ita kala oshilyo shoKabinete okape, hoka taka tseyithilwa oshigwana moshiwike muka, oshoka okwe shi holola nale kutya ota yuulukwa okuya moshipundi shevululuko.
Tjongarero okwa tseyithile ewilikongundu lyopakathimbo lyehangano lyoNYC opo li shune miilonga Schwartz-Gowases, ta ti okutidhwa kwe kwopakathimbo okwa ziminwa shaa li paveta nokupopilwa kominista yomahangano gopapangelo Ipumbu Shiimi.
Elombwelo ndika, lya gandjwa mEtitano lya zi ko, olyo elundalalo lyongashingeyi momaipumomumwe pokati koominista ndhika mbali tadhi kondjele ewiliko nokondolola yehangano lyoNYC. Oshikumungu shika otashi ulike wo omananathano taga ningi ogendji molwa oonkondo dhaminista noshowo omatokolo haga ningwa komahangano gepangelo.
Shiimi okwa li nale a koleka etidho miilonga pakathimbo lyaSchwartz-Gowases e shi nyolele mombilive yomuMaarsa 2024, tati okwa zimine etokolo ndjoka sha landula oonkundathana dhawo naTjongarero.
Kakele, Tjongarero, okwe ekelehi omapopyo ngaka, tati inaya adha estokumwe nokuuvathana moshikumungu shika.
Okwa nyenyeta wo kutya eidhopomo lyaShiimi metokolo ndika ka li mo miinakugwanithwa ye yopaveta.
Patumwafo a nyolele omunashipundi gwopakathimbo gwewilikongundu lyoNYC Beverly Silas-!Garas, Tjongarero okwa ti kutya etidho miilonga pakathimbo lyaSchwartz-Gowases nali ekelwehi meendelelo. Ehangano lyoNYC olya koleke kutya Schwartz-Gowases okwa galukile kiilonga pambelewa ohela.
Pokati mpoka, etokolo lyaTjongarero otali kondjithathana meukililo nombilive yaShiimi yesiku eti-28 Maarsa 2024, moka ta koleke kutya okwa koleke etidho miilonga ndika lyopakathimbo. Shiimi, mokuyamukula kwe koolopota dhiikundaneki dhongashingeyi, okwa ndjike oonyala mevi molwa etokolo lye, nokudhenga omuthindo kutya okwa wilikwa nokwa landula oveta mokushi ninga.
Iikumungu yopaveta noyewiliko
Tjongarero ota ti kutya molwashoka ehangano lyoNYC oli li mongundu yomahangano ihaga ningi ontanitho, minista yomahangano gepangelo ke na uuthemba wokwiidhopa mo mo miikungumungu yokugeela nokupukula aanambelewa yawo internal disciplinary matters. Okwa ti kutya eidhopo mo lyaShiimi inali ukila ko nokali li paveta, shoka, e wete pamaiuvo ge kutya, olya ningitha etidho miilonga ndika li kale lyaa li paveta.
"Onkatu kehe ya katukwa molwa ekoleko nezimino ndika otali talika itaali ukile ko. Onkene, opo tu kwashilipaleke kutya otatu iyutha kooveta nomilandu tadhi wilike ehangano lyoNYC, etidho miilonga ndika lyopakathimbo nali ekelwahi, nomukuluntuwiliki gwehangano oku na okwiilopota kombelewa a tsikile niilonga ye meendelelo," Tjongarero a ti.
Nonande ongawo, okwa koleke omatamaneko omanene taga popilwa Schwartz-Gowases, ngoka ga ndjandjukununwa molopota yomakonakono gomo2024. Okwa dhenge omuthindo kutya kehe onkatu yokugeela nokupukulula aanambelewa nayi landule omilandu, shoka tashi pitike Schwartz-Gowases a vule okutya ko sha manga ta longo.
"Okutala kuunene womatamaneko ngaka taga popilwa omukuluntuwiliki, ngaashi we ga holola moshikalimo shombilive yomomasiku 18 Febuluali 2025, na pewe ompito yokutya ko sha manga e li miilonga," Tjongarero a fatulula.
Okwa thaneke wo kutya omayele naga kongwe kaanaveta opo ku talike ngele Schwartz-Gowases ota tulilwa mo oshipotha. Ngele uumbangi otau tu tompele kutya ope na onkatu dhi na okukatukwa natango, okwa ti, onkatu yokugeela nokupukulula yolela nayi iyuthwe kuyo shili pamilandu tadhi wilike ehangano lyoNYC.
"Uuministeli waagundjuka wi itula mo mokusimaneka omauthompango gewiliko ewanawa, okulonga noshili, nokwiiyutha komilandu dha tulwa po. Okuya komeho, etokolo kehe nali ningwe paiyutho komilandu dhekotampango lyoNYC, komalandulathano taga opalele, nokooveta tadhi wilike ehangano," okwa gwedha po.
Shiimi i ipopile
Mokuyamukula kwaashoka sha holoka po ngashingeyi, Shiimi okwa kolekulula ohela kutya etokolo lye olya nwethwa mo kiizemo yolopota yomakonakono mewiliko lyehangano lyoNYC. Okwa ti kutya sho ewilikongundu lyoNYC lya pula ekoleko lye okukutha miilonga pakathimbo Schwartz-Gowases, okwa konakona uumbangi welongitho nayi lyoshimaliwa manga ine ya pa etokolo lye.
Kakele, sho u ulikilwa olopota yopaveta yAhende ndjai, ndjoka tayi ti omukalo gulwe ando ogwa longithwa manga inaku ningwa etokolo lyokukutha miilonga pakathimbo Schwartz-Gowases, Shiimi okwiikaleke kokule nokundopa huka mokulandula omilandu dha tulwa po. Okwa nyenyeta kutya ombedhi nayi pewe ewilikongundu lyoNYC, ndjoka li na oshinakugwanithwa shokukonakona nawa iinima tango, manga inaali ya kuye.
Olopota yomakonakono yesiku 8 Maarsa 2024, oya holola okundopa okunene mewiliko noshowo iikumungu yokwaalonga nawa mehangano lyoNYC. Oya ndhindhilike nkene iimaliwa ya zi moshiketha shepangelo noya kala nokupewa ehangano lyoNYC mokukomoko gwoomvula ihe omishangwahokololo dhiiniwe dholela inadhi kala po oshowo omishangwahokololo dhiimaliwa ndhoka dha talululwa tadhi ulike kutya iimaliwa oya longithwa mushike nashike.
Limwe lyomomathaneko ga simana olya li okukutha miilonga pakathimbo Schwartz-Gowases noshowo omunashipundi pitithi pethimbo ndiyaka Sharonice Busch, molwa omatompelo gewiliko enkundi. - [email protected]
Comments
Namibian Sun
No comments have been left on this article