Omalelo gopamuthigululwakalo oge li po omolwa Nujoma - Tate Omukwaniilwa gwaNdonga
Aandonga ya dhengwa pevi keso lyaNujoma
Nangolo okwa pandula omukokoli presidente molwa ekondjo lye edhigu nomayambo ge ngoka a ningi opo aantu ye ya kale moshilongo sha manguluka.
Tate Omukwaniilwa gwaNdonga Fillemon Shuumbwa Nangolo okwa ti sho Omalelo gOpamuthigululwakalo ge li po sigo onena noga taambiwa ko kepangelo omolwa omukokoli presidente Sam Nujoma.
Moonkundathana dhe noshifo shoNamibian Sun mombala ye mOnambango mOmaandaha, Nangolo okwa ti Nujoma okwa ulika “ohole ye yaa na ongamba kAanamibia nokAayafrika ayehe koonono.”
Nangolo okwa gwedha po kutya Nujoma okwa kwashilipaleke wo kutya aakwaniilwa nomalenga otaya futwa ondjambi yokomwedhi, noya yiwa nayo moonkundathana pethimbo Ongongahangano yOmalelo gOpamuthigululwakalo tayi totwa.
“Pethimbo lyelelo lyaNujoma, opwa li okakomitiye hoka ka longo neitulemo okukwashilipaleka kutya omalelo agehe gopamuthigululwakalo omo ge li momukandanyanyangidho gwepangelo oshikwawo oonkambadhala odha ningwa opo ku kwashilipalekwe (aakwaniilwa nomalenga oyu uvite ko nawa] ooveta nomalandulathano ge li po,” Nangolo a fatulula.
Okwa ti kutya konima sho oshilongo sha manguluka, oyendji inaya simaneka onkandangala hayi dhanwa komalelo gopamuthigululwakalo noya li ya pula ga teke po, oya nyenyeta kutya ogo ondhimbulutho yethimbo lyuukoloni.
“Otandi dhimbulukwa nawa sho omukokoli presidente a ningile oshigongi pombelewa yoshilongo shaNdonga. Okwa ti kutya mboka taya ti omalelo gopamuthigululwakalo naga se po oya fa omuntu te ende kee he shi mpoka u uka,” Nangolo a ti.
Nonande ongawo, Nujoma okwa ti kutya omalelo gopamuthigululwakalo naga kale po, Nangolo a hokolola.
Oluhodhi olululu
Nangolo okwa ti Aandonga oya dhengwa pevi keso lyaNujoma. Okwa hokolola Nujoma ongakuume kashili kAandonga, nota ti okwa thigulula po uukuume mboka Nujoma a li a panga nanakusa Omukwaniilwa Immanuel Kauluma Elifas.
“Ngaashi hatu imbi, tuu na tuu emonathano; Nujoma ngiika oya kuutumba nOmukwanilwa Elifas taa hokolelathana omahokololo gokombanda yevi,” okwa ti.
Inaaku talwa kuukokele waNujoma, onkundana yeso lye oya halutha oshigwana ashihe noshigwana osha yematekwa nokululumikwa kekanitho ndika.
Okwa gwedha po kutya oya li yi igilila Nujoma opo e li e ya kwathe mokukandula po omaudhigu gawo nokugandja omayele mpoka tashi pumbiwa, oshoka omuntu owa kala wa manguluka aluhe okuthika puye nuudhigu woye.
“Kasha li oshipu okukomanda omatanga. Otashi vulika ando a sile miita, noka kwa li e na nkene kaa tume aakwiita ye molugodhi nonande e shi shi nawa kutya yamwe otashi vulika ya kanithile mo oomwenyo dhawo momaumbathano, yamwe taya yahwa nokulemanena mo, ashike osha li shi na okuningwa," Nangolo osho a hokolola ngaaka kombinga yeitulomo lyaNujoma mokukondjela emanguluko lyoshilongo shetu Namibia.
"Ashike okwa li e na omukumo neidhidhimiko kutya oshilongo otashi manguluka,” Nangolo a ti.
- [email protected]
Moonkundathana dhe noshifo shoNamibian Sun mombala ye mOnambango mOmaandaha, Nangolo okwa ti Nujoma okwa ulika “ohole ye yaa na ongamba kAanamibia nokAayafrika ayehe koonono.”
Nangolo okwa gwedha po kutya Nujoma okwa kwashilipaleke wo kutya aakwaniilwa nomalenga otaya futwa ondjambi yokomwedhi, noya yiwa nayo moonkundathana pethimbo Ongongahangano yOmalelo gOpamuthigululwakalo tayi totwa.
“Pethimbo lyelelo lyaNujoma, opwa li okakomitiye hoka ka longo neitulemo okukwashilipaleka kutya omalelo agehe gopamuthigululwakalo omo ge li momukandanyanyangidho gwepangelo oshikwawo oonkambadhala odha ningwa opo ku kwashilipalekwe (aakwaniilwa nomalenga oyu uvite ko nawa] ooveta nomalandulathano ge li po,” Nangolo a fatulula.
Okwa ti kutya konima sho oshilongo sha manguluka, oyendji inaya simaneka onkandangala hayi dhanwa komalelo gopamuthigululwakalo noya li ya pula ga teke po, oya nyenyeta kutya ogo ondhimbulutho yethimbo lyuukoloni.
“Otandi dhimbulukwa nawa sho omukokoli presidente a ningile oshigongi pombelewa yoshilongo shaNdonga. Okwa ti kutya mboka taya ti omalelo gopamuthigululwakalo naga se po oya fa omuntu te ende kee he shi mpoka u uka,” Nangolo a ti.
Nonande ongawo, Nujoma okwa ti kutya omalelo gopamuthigululwakalo naga kale po, Nangolo a hokolola.
Oluhodhi olululu
Nangolo okwa ti Aandonga oya dhengwa pevi keso lyaNujoma. Okwa hokolola Nujoma ongakuume kashili kAandonga, nota ti okwa thigulula po uukuume mboka Nujoma a li a panga nanakusa Omukwaniilwa Immanuel Kauluma Elifas.
“Ngaashi hatu imbi, tuu na tuu emonathano; Nujoma ngiika oya kuutumba nOmukwanilwa Elifas taa hokolelathana omahokololo gokombanda yevi,” okwa ti.
Inaaku talwa kuukokele waNujoma, onkundana yeso lye oya halutha oshigwana ashihe noshigwana osha yematekwa nokululumikwa kekanitho ndika.
Okwa gwedha po kutya oya li yi igilila Nujoma opo e li e ya kwathe mokukandula po omaudhigu gawo nokugandja omayele mpoka tashi pumbiwa, oshoka omuntu owa kala wa manguluka aluhe okuthika puye nuudhigu woye.
“Kasha li oshipu okukomanda omatanga. Otashi vulika ando a sile miita, noka kwa li e na nkene kaa tume aakwiita ye molugodhi nonande e shi shi nawa kutya yamwe otashi vulika ya kanithile mo oomwenyo dhawo momaumbathano, yamwe taya yahwa nokulemanena mo, ashike osha li shi na okuningwa," Nangolo osho a hokolola ngaaka kombinga yeitulomo lyaNujoma mokukondjela emanguluko lyoshilongo shetu Namibia.
"Ashike okwa li e na omukumo neidhidhimiko kutya oshilongo otashi manguluka,” Nangolo a ti.
- [email protected]
Comments
Namibian Sun
No comments have been left on this article