Omakonakono: Eiseb okwa dhipagwa ku Endjala?

Omakonakono moshipotha shomunyekwa kwa homatiwa mOlyomakaya koombelewa dhehangano lyoNamdia, ehangano lyepangelo hali landitha okawe, ngashingeyi otaga konakono woo ngele Max Endjala, ngoka anuwa i iyaha nondjembo poshiningwanima nelalakano opo kaa mangwe po, ngele oye a dhipaga omunambelewa omukuluntu gwegameno mehangano lyoNamdia, Francis Eiseb.Opolisi oya lopotele kutya Eiseb okwa adhika a hulitha mokandunda kokupungula, a yahwa momutse nokwa mangwa komaako nokomagulu noshipala she sha mangwa nonayilona.Anuwa Endjala okwi iyaha nondjembo sho aapolisi ye mu kondeke opamwe naafekelwa ooyakwawo momunyeka nguka. Kakele, ehangano lyoTrustco Group Holdings, hoka haku longele Endjala, olya holola moshigongi shawo niikundaneki kutya Endjala “okwa dhipagwa” momunyekwa kwa homatiwa.Omupopepi naakonakoni ohela okwa ti: “Aapolisi ngashingeyi otaya konakona ngele Eiseb okwa dhipagwa nondjembo ndjoka Endjala i iyahitha. Osho oshinima oshipu okumona okupitila momakonakono gopaunongononi.”Omakonakono momunyekwa kwa homatiwa otaga kwatelwa komeho koshikondo shiimbuluma ya kindja mopolisi yaNamibia palongelokumwe noshikondo shoonzo dha gamenwa mopolisi yaNamibia. Iikondo mbika otayi kwathelwa koshikondo shomakonakono giimbuluma nokoshikondo shopolisi shomakonakono gomonanguwi.Sigo ohela, aakonakoni inaya tala uufano woCCTV woshiningwanima shi nyanyalitha shomOlyomakaya, oshoka oya tegelela omukandapitikilo opo ehangano lyomakwatathano lyoMTC li gandje uuyelele womakwatathano pokati kaafekelwa naakwathi yawo.Omufekelwa hi itsu omukumo yemweneOmumwayinagona gwEndjala, Joel Angula, omunambelewa gwegameno moNamdia ngoka a li ta longo pethimbo lyomunyeka, okwa mangwa po mOsoondaha konima yethimbo ele lyokupulwapulwa. Angula okwa li nale oshilyo shetanga lyopolisi. Okwa li kwa tegelelwa a holoke mompangu ohela, opamwe naSam Shololo – gumwe gwomaafekelwa yane momunyeka gwOlyomakaya.Maafekelwa yane, Shololo oye awike a mangwa po, oshoka aafekelwa ooyakwawo yaali oya fadhuka po, omanga Endjala okwi iyaha nondjembo. Shololo okwa li omukwiita ngoka hi iyithana ye mwene kepandja lye lyoLinkedIn ongo “omudheuli a pyokoka e na ondjokonona yokulonga moshikondo shegameno noshokuninga omakonakono”.Ohi itumbula mwene kepandja lyopankalathano lyoongeshefa nolyiilonga kutya oye “omuntu omuwanawa nokwiithikamena po nohi itsu omukumo mwene, noha vulu okwiilonga oowino oompe mbalambala nonedheuko”.Shololo okwa ehamekwa mokumangwa po kwe nongashingeyi ota mono epango moshipangelo shEpangelo sha Katutura, e li metonatelo lyaapolisi.PoshiningwanimaONamibian Sun ohela oya kundanekele kutya aafekelwa oya li ya hala okuyaka uuwe owundji, anuwa wongushu yoomiliona N$700, mboka Namdia a li ta ka landitha kookastoma dhe mOmaandaha. Aafekelwa yaali mboka ya fadhuka po oya fadhuka po nuuwe woomwaalu inaagu tseyika, Namdia e shi koleke momukanda a pititha.Shi ikolela komukanda gwa zi koNamdia, aafekelwa yaali oya fadhuka po nomwaalu guuwe inagu tseyika.Shi ikolela komupopepi naakonakoni, omunyeka ogwa longekidhwa nuukeka, aafekelwa ye na owino yuuwe wongushu tawu ya moNamdia. "Ehangano lyoNamdia olya li meilongekidho lyiipindi mOmaandaha [Nena]. Aaniilonga oyendji oya li taya longo mOlyomokaya kwa toka onelalakano lyokumanitha omalongekidho giipindi yomOmaandaha,” omupopepi a ti.Iipindi mbika oya kalekwa. Omunambelewa okwa ti ohela: “Uuwe wa thigala po otau ka longithwa onguumbangi momakonakono gomunyeka, onkene itau vulu okulandithwa po manga mbala. Ano, ombelewa ayihe yaNamdia otayi talika ko ongehala lyoshiningwanima nelalakano lyokuninga omakonakono.”Opolisi oshowo Namdia otaya ka ninga oshigongi niikundaneki muukumwe mesiku nopehala tali ka tseyithwa komeho, opolisi ya ti ohela.

Omakonakono: Eiseb okwa dhipagwa ku Endjala?

Comments

Namibian Sun 2025-04-02

Please login to leave a comment

Omakonakono: Eiseb okwa dhipagwa ku Endjala?

Comments

Namibian Sun 2025-04-02

Please login to leave a comment

Login