Omagumbo omape goNHE ga pewa ooyene mOndangwa
Aanamagumbo 64 oya pewa iipatululo yomagumbo gawo kehangano lyoNHE mOndangwa ohela noya holola enyanyu nolupandu lwawo, noya holola kutya opoloyeka ndjika oye ya galulile uuntu wawo.
Inspekta Lucia Heita ha longele poRuben Danger Ashipala Police College, ngoka a popilike ayehe mboka ya pewa omagumbo gawo. Okwa gandja olupandu lwawo kehangano lyoNHE noshowo kepangelo lyaNamibia molwa oonkambadhala dhalyo dhokuhwepopaleka omahupilo gAanamibia. Heita, ngoka a ningile eindilo lyokupewa egumbo muKotoba mumvogu, okwa pandula kokulonga nawa nonoshili kwehangano lyoNHE.
“Opoloyeka ndjika inayi tala owala kombinga yomalukalwa, oyi li kombinga yetegameno, yuuntu womuntu nonakuyiwa ya thola. Natu tsikile nokulongela kumwe opo tu tunge Namibia ndjoka kehe omukwashigwana ta kala e na olukalwa lwe mwene,” Heita a ti.
Moshipopiwa she shoka e shi leshelwa komunambelewa omukuluntu muuministeli womapendulopo giilando nomikunda Nghidinua Daniel, minista Erastus Uutoni okwa dhenge omuthindo kesimano lyomalukalwa oshoka ogo oshiyenditho hashi kandula po oluhepo, okwaathikepamwe, nokukwashilipaleka ombili nengungumano.
Toska Sem, omunashipundi gwewilikongundu lyoNHE, okwa ti kutya opoloyeka oya manithwa pethimbo ondoolopa nomikunda dha tegelelwa dhi gandje omayakulo koshigwana oshoka aantu otaya tembuka unene okuza komikunda yu uka kiilando. Omayalulo gwopashigwana gomo2023 oga holola kutya aakalimo yomOndangwa oyi indjipala okuza paantu 22,000 mo2011 okuya paantu ya konda po31, 000 mo2023, okwa dhenge omuthindo kesimano lyokutunga omagumbo taga vulika kwaayehe.
Omagumbo 64, ngoka ga tungwa kehangano lyoKambwa Construction koomiliona N$20, nopoloyeka ndjika oya gandja iilonga kaatungi 204, noyendji yomuyo aakalimo yomoShana.
“Ehangano lyoNHE otali longitha omukalo gwokweendeleleka okutunga omagumbo ogendji moondolopa opo ku kwashilipalekwe kutya omusholondondo gwaantu mboka ya hala omalukalwa otagu shuna pevi,” Sem a ti.
Inspekta Lucia Heita ha longele poRuben Danger Ashipala Police College, ngoka a popilike ayehe mboka ya pewa omagumbo gawo. Okwa gandja olupandu lwawo kehangano lyoNHE noshowo kepangelo lyaNamibia molwa oonkambadhala dhalyo dhokuhwepopaleka omahupilo gAanamibia. Heita, ngoka a ningile eindilo lyokupewa egumbo muKotoba mumvogu, okwa pandula kokulonga nawa nonoshili kwehangano lyoNHE.
“Opoloyeka ndjika inayi tala owala kombinga yomalukalwa, oyi li kombinga yetegameno, yuuntu womuntu nonakuyiwa ya thola. Natu tsikile nokulongela kumwe opo tu tunge Namibia ndjoka kehe omukwashigwana ta kala e na olukalwa lwe mwene,” Heita a ti.
Moshipopiwa she shoka e shi leshelwa komunambelewa omukuluntu muuministeli womapendulopo giilando nomikunda Nghidinua Daniel, minista Erastus Uutoni okwa dhenge omuthindo kesimano lyomalukalwa oshoka ogo oshiyenditho hashi kandula po oluhepo, okwaathikepamwe, nokukwashilipaleka ombili nengungumano.
Toska Sem, omunashipundi gwewilikongundu lyoNHE, okwa ti kutya opoloyeka oya manithwa pethimbo ondoolopa nomikunda dha tegelelwa dhi gandje omayakulo koshigwana oshoka aantu otaya tembuka unene okuza komikunda yu uka kiilando. Omayalulo gwopashigwana gomo2023 oga holola kutya aakalimo yomOndangwa oyi indjipala okuza paantu 22,000 mo2011 okuya paantu ya konda po31, 000 mo2023, okwa dhenge omuthindo kesimano lyokutunga omagumbo taga vulika kwaayehe.
Omagumbo 64, ngoka ga tungwa kehangano lyoKambwa Construction koomiliona N$20, nopoloyeka ndjika oya gandja iilonga kaatungi 204, noyendji yomuyo aakalimo yomoShana.
“Ehangano lyoNHE otali longitha omukalo gwokweendeleleka okutunga omagumbo ogendji moondolopa opo ku kwashilipalekwe kutya omusholondondo gwaantu mboka ya hala omalukalwa otagu shuna pevi,” Sem a ti.
Comments
Namibian Sun
No comments have been left on this article