Okontalaka yehangano lyoRedforce nondoolopa yaShakati ya hulu
Ehangano lyoRedforce Debt Management ngashingeyi otali ilongekidhile okuhulitha po iilonga yalyo mondoolopa yaShakati konima sho okontalaka ya hulu muJuni.
Oshikako shika shokumanitha iilonga osha tengenekwa shi kale shoomwedhi hamano, shoka tashi ti mboka inaya futa ooakaunta dhawo dhamuni gwaShakati naya tsikile okugwanitha po shoka yu uvathana naRedforce.
Aakalimo yOmoshakati ngashingeyi oye na oongunga dhelelo dhoomiliona N$60.
Oongunga dhaakalimo odha li N$80 224 301 mesiku 30 Juni 2023. Nomo30 Juni nuumvo, oshimaliwa oshe ya po N$60 897 122.
Shi ikolela komushangwa gwa pitithwa oshiwike sha zi ko, elelo lyondoolopa olya ti kutya ka shi shi oshili kutya ehangano lyoRedforce otali thiminike (tilitha) aangunga ashike aakalimo oya tseyithilwa ya landithe po omaliko gawo opo ya fute oongunga dhawo.
Omahokololo ngaka oga nyolwa kepandja lyokomalungula lyongundu yoNamibia Economic Freedom Fighters’ (NEFF) nokepandja lyaMichael Amushelelo.
“Elelo lyOndoolopa yaShakati olya gandja omadhina gaanangunga kehangano lyoRedforce. Redforce okwa [gwedha ko] iimaliwa oyindji koondjo ndhoka ngashingeyi ye na kelelo. Redforce ota dhengele aantu nokuya tilitha kutya naya fute nenge ya landithe po omagumbo gawo opo ya fute oondjo ye na ko,” etumwalaka tali ti.
“Aantu yamwe mbaka aaselekadhi naakulupe, kaye na iiyemo ya sha nota ya si oluhepo momagumbo gawo. Elelo lyondoolopa olya teta ko omeya gawo nale. Ipula owala kutya omagumbo ogendji molukanda nduka kage na omeya. Hakutya ando aantu inaya hala okufuta, oya hala elelo lyondoolopa li kuthe ko ooakaunta dhawo kehangano lyoRedforce.”
Futa oondjo dhoye
Pakuyelitha oshikumungu shika, elelo lyondoolopa yaShakati olya ti omahokololo kage na uushili, nolya gwedha po kutya: “Omahokololo ngaka otaga popi eyono niilonga yaa li pauyuuki mokugongela nokuungaunga noondjo melelo lyondoolopa yaShakati".
“Osha simana okutumbula kutya oondjo dhaayakulwa yetu ngashingeyi odha adha oomiliona N$60, shoka tashi imbi elelo lyondoolopa li gandje omayakulo ga pumbiwa. Ehangano lyoRedforce olya ulikwa pamilandu dhi li nawa opo li kwathe mokugongela oondjo dhaayakulwa mboka inaya futa ooakaunta dhawo methimbo lyoomwedhi ndatu nenge dhi vule po. Elongelokumwe pokati kelelo lyondoolopa yaShakati nehangano lyoRedforce olye eta oshizemo oshiwanawa kiiniwe yelelo," omushangwa tagu ti.
Elelo lyondoolopa olya gwedha po kutya okuza mu lyotango lya Juli, kape na nando oakaunta ya gandjwa kehangano lyokugongela oondjo.
“Ehangano lyoRedforce olya tsikila nokupula oondjo kaanangunga mboka inaya futa sigo eti-30 Juni. Omayalulilo gongashingeyi ge li koRedforce oge li ngaashi ge li niihohela ya gwedhwa po okuza muJuni itaya kwatele mo iifuta yokugongela,” omushangwa tagu lesha.
“Elelo lyondoolopa otali ka kala noshinakugwanithwa shokuteta ko omayakulo kaanangunga," omushangwa tagu leshwa, nokugwedha po kutya aayakulwa mboka inaya futa oongunga dhawo sigo eti-30 Juni naya tale (naya popye) nkene taya futu oondjo dhawo koRedforce. "Shampa ya futu oongunga, omapeko gawo otaga ka galukila kelelo.”
[email protected]
Oshikako shika shokumanitha iilonga osha tengenekwa shi kale shoomwedhi hamano, shoka tashi ti mboka inaya futa ooakaunta dhawo dhamuni gwaShakati naya tsikile okugwanitha po shoka yu uvathana naRedforce.
Aakalimo yOmoshakati ngashingeyi oye na oongunga dhelelo dhoomiliona N$60.
Oongunga dhaakalimo odha li N$80 224 301 mesiku 30 Juni 2023. Nomo30 Juni nuumvo, oshimaliwa oshe ya po N$60 897 122.
Shi ikolela komushangwa gwa pitithwa oshiwike sha zi ko, elelo lyondoolopa olya ti kutya ka shi shi oshili kutya ehangano lyoRedforce otali thiminike (tilitha) aangunga ashike aakalimo oya tseyithilwa ya landithe po omaliko gawo opo ya fute oongunga dhawo.
Omahokololo ngaka oga nyolwa kepandja lyokomalungula lyongundu yoNamibia Economic Freedom Fighters’ (NEFF) nokepandja lyaMichael Amushelelo.
“Elelo lyOndoolopa yaShakati olya gandja omadhina gaanangunga kehangano lyoRedforce. Redforce okwa [gwedha ko] iimaliwa oyindji koondjo ndhoka ngashingeyi ye na kelelo. Redforce ota dhengele aantu nokuya tilitha kutya naya fute nenge ya landithe po omagumbo gawo opo ya fute oondjo ye na ko,” etumwalaka tali ti.
“Aantu yamwe mbaka aaselekadhi naakulupe, kaye na iiyemo ya sha nota ya si oluhepo momagumbo gawo. Elelo lyondoolopa olya teta ko omeya gawo nale. Ipula owala kutya omagumbo ogendji molukanda nduka kage na omeya. Hakutya ando aantu inaya hala okufuta, oya hala elelo lyondoolopa li kuthe ko ooakaunta dhawo kehangano lyoRedforce.”
Futa oondjo dhoye
Pakuyelitha oshikumungu shika, elelo lyondoolopa yaShakati olya ti omahokololo kage na uushili, nolya gwedha po kutya: “Omahokololo ngaka otaga popi eyono niilonga yaa li pauyuuki mokugongela nokuungaunga noondjo melelo lyondoolopa yaShakati".
“Osha simana okutumbula kutya oondjo dhaayakulwa yetu ngashingeyi odha adha oomiliona N$60, shoka tashi imbi elelo lyondoolopa li gandje omayakulo ga pumbiwa. Ehangano lyoRedforce olya ulikwa pamilandu dhi li nawa opo li kwathe mokugongela oondjo dhaayakulwa mboka inaya futa ooakaunta dhawo methimbo lyoomwedhi ndatu nenge dhi vule po. Elongelokumwe pokati kelelo lyondoolopa yaShakati nehangano lyoRedforce olye eta oshizemo oshiwanawa kiiniwe yelelo," omushangwa tagu ti.
Elelo lyondoolopa olya gwedha po kutya okuza mu lyotango lya Juli, kape na nando oakaunta ya gandjwa kehangano lyokugongela oondjo.
“Ehangano lyoRedforce olya tsikila nokupula oondjo kaanangunga mboka inaya futa sigo eti-30 Juni. Omayalulilo gongashingeyi ge li koRedforce oge li ngaashi ge li niihohela ya gwedhwa po okuza muJuni itaya kwatele mo iifuta yokugongela,” omushangwa tagu lesha.
“Elelo lyondoolopa otali ka kala noshinakugwanithwa shokuteta ko omayakulo kaanangunga," omushangwa tagu leshwa, nokugwedha po kutya aayakulwa mboka inaya futa oongunga dhawo sigo eti-30 Juni naya tale (naya popye) nkene taya futu oondjo dhawo koRedforce. "Shampa ya futu oongunga, omapeko gawo otaga ka galukila kelelo.”
[email protected]
Comments
Namibian Sun
No comments have been left on this article