Nored a mono mboka taya longitha olusheno lwe shaa li paveta
Opoloyeka yokulundulula uuketha wolusheno (token identifier (TID)), oye eta puuyelele kutya uuketha wolusheno 520 owa shokotolwa nowa dhanenwa nenge moopala dholusheno omwa kuthwa olusheno shaa li paveta. Ondoolopa yaRundu oyo yi li ponomola yotango momusholondondo gwoondolopa ndhoka dhi na olusheno lwa tulwa mo shaa li paveta momagumbo nomoongeshefa, Oshikango oshi li ponomola ontiyali, nOndangwa ponomola ontitatu, Nored a holola.
Omupopiliko gwoNored Simon Lukas moshiwike sha zi ko okwa ti olusheno halu tulwa mo shaa li paveta nenge uuketha wolusheno wa shokotolwa nowa dhanenwa, unenenene momalukanda nenge momikunda dhe egama oondolopa, otau indjipala noonkondo, shika hashi yi moshipala eandjanganeko dhingi lyolusheno kaalongithi yolusheno mboka ye lu tulilwa mo paushili kehangano lyoNored.
Lukas okwa gwedha po kutya iipotha mbika yoopelesenda 80% oya ndhindhilikwa momalukanda.
Konima sho Nored a pula oonakupogola kutya otaye shi ningile shike, oya nyenyeta kutya olusheno lwawo ohalu andjaganekwa talu ende kashona, unenenene momalukanda, olwo osheetithi shimwe.
“Aalongithi yolusheno mbaka oya ti, shoka ohashi ya thiminike ya tule mo omalusheno momagumbo gawo shaa li paveta nenge ya longithe omayakulo gaamboka haye ya kwatha mokuya tulila mo olusheno nduka, oshoka aantu oya hala uuyelele (olusheno). Ashike eipulo ekwawo olyo ndjoka kutya nokomahala hoka ku na omalusheno, aantu natango ohaya shokotola nokudhanena uuketha mboka wa tulwa mo kuNored oshoka inaya hala okukala taya landa olusheno,” Lukas a fatulula.
Okwa gwedha po kutya oohandimwe yamwe oyi itaala kutya olusheno olu na ondilo noonkondo, ashike molwaashoka oya hala olusheno momagumbo gawo, ohaya indile aakwanezimo nookuume kawo mboka haya longele Nored opo ye ya shokotolele uuketha wawo opo yaa kale taya landa olusheno.
Olusheno olwa nika oshiponga
Lukas okwa londodha aanamagumbo kutya omukalo nguka inagu nika owala oshiponga ihe ogwo epogolo nuumbudhi, okwa dhenge omuthindo kutya mboka taya ka kwata ye na olusheno lwa tulwa shaa li paveta otaya ke shi hokololithwa koveta.
Omalusheno ngaka ga tulwa mo paumbudhi ohaga eta oondhima inaadhi longekidhwa nohaga yono iilongitho niikwaniipangitho yomalusheno naashika ohashi tula aantu ayehe moshiponga oshinene, unene tuu uunona, mboka hau kala moshiponga shoongodhi dholusheno ndhoka dhi li kombanda nodha nika oshiponga ngele uunona tau dhana pondje.
“Olusheno lwa tulwa mo shaa li paveta ohalu vulu lwe etele oongodhi dholusheno dhaa kwatathane we nawa, shoka hashi gumu nayi oonkondo dhago nokulonga nawa kwolusheno. Olusheno olwa nika oshiponga noonkondo nalwo pumbwa aluhe okutulwa mo nawa nopaveta nokwa landulwa omilandu adhihe dhegameno opo ku keelelwe okupya nomaso ge etwa kolusheno,” Lukas a ti.
Omalongopukululo oga simana
Okwa ti ehangano lyoNored olya tamekitha oshikonga shokulonga oshigwana kombinga yomaupyakadhi haga etwa kokutulilwa mo olusheno shaa li paveta noshowo oshimaliwa shoka ehangano hali kanitha molwa onkalo ndjika.
“Aalongithi yolusheno oya pumbwa okuuva ko nkene uumbudhi mbuka hau gwedhele ondando yolusheno, nokutula moshiponga oonkalamwenyo dhoonakupogola, ohashi yono iikwaniipangitho yolusheno nokutula moshiponga aaniilonga yomoNored mboka haya tula mo omalusheno,” Lukas a thindile mo.
Omalusheno ga tulwa mo shaa li paveta ohaga monika uuna aanambelewa ye ende momagumbo nomoongeshefa taya tala uuketha wawo, nokukonakona elongitho lyolusheno noompatolona tadhi holoka koonomola dhuuketha wolusheno, oshowo palongelokumwe nopolisi yaNamibia nomokupitila miikonga yelongopukululo lyoshigwana kombinga yolusheno, ngaashi mooradio nomiigongi naakwashigwana.
Omupopiliko gwoNored Simon Lukas moshiwike sha zi ko okwa ti olusheno halu tulwa mo shaa li paveta nenge uuketha wolusheno wa shokotolwa nowa dhanenwa, unenenene momalukanda nenge momikunda dhe egama oondolopa, otau indjipala noonkondo, shika hashi yi moshipala eandjanganeko dhingi lyolusheno kaalongithi yolusheno mboka ye lu tulilwa mo paushili kehangano lyoNored.
Lukas okwa gwedha po kutya iipotha mbika yoopelesenda 80% oya ndhindhilikwa momalukanda.
Konima sho Nored a pula oonakupogola kutya otaye shi ningile shike, oya nyenyeta kutya olusheno lwawo ohalu andjaganekwa talu ende kashona, unenenene momalukanda, olwo osheetithi shimwe.
“Aalongithi yolusheno mbaka oya ti, shoka ohashi ya thiminike ya tule mo omalusheno momagumbo gawo shaa li paveta nenge ya longithe omayakulo gaamboka haye ya kwatha mokuya tulila mo olusheno nduka, oshoka aantu oya hala uuyelele (olusheno). Ashike eipulo ekwawo olyo ndjoka kutya nokomahala hoka ku na omalusheno, aantu natango ohaya shokotola nokudhanena uuketha mboka wa tulwa mo kuNored oshoka inaya hala okukala taya landa olusheno,” Lukas a fatulula.
Okwa gwedha po kutya oohandimwe yamwe oyi itaala kutya olusheno olu na ondilo noonkondo, ashike molwaashoka oya hala olusheno momagumbo gawo, ohaya indile aakwanezimo nookuume kawo mboka haya longele Nored opo ye ya shokotolele uuketha wawo opo yaa kale taya landa olusheno.
Olusheno olwa nika oshiponga
Lukas okwa londodha aanamagumbo kutya omukalo nguka inagu nika owala oshiponga ihe ogwo epogolo nuumbudhi, okwa dhenge omuthindo kutya mboka taya ka kwata ye na olusheno lwa tulwa shaa li paveta otaya ke shi hokololithwa koveta.
Omalusheno ngaka ga tulwa mo paumbudhi ohaga eta oondhima inaadhi longekidhwa nohaga yono iilongitho niikwaniipangitho yomalusheno naashika ohashi tula aantu ayehe moshiponga oshinene, unene tuu uunona, mboka hau kala moshiponga shoongodhi dholusheno ndhoka dhi li kombanda nodha nika oshiponga ngele uunona tau dhana pondje.
“Olusheno lwa tulwa mo shaa li paveta ohalu vulu lwe etele oongodhi dholusheno dhaa kwatathane we nawa, shoka hashi gumu nayi oonkondo dhago nokulonga nawa kwolusheno. Olusheno olwa nika oshiponga noonkondo nalwo pumbwa aluhe okutulwa mo nawa nopaveta nokwa landulwa omilandu adhihe dhegameno opo ku keelelwe okupya nomaso ge etwa kolusheno,” Lukas a ti.
Omalongopukululo oga simana
Okwa ti ehangano lyoNored olya tamekitha oshikonga shokulonga oshigwana kombinga yomaupyakadhi haga etwa kokutulilwa mo olusheno shaa li paveta noshowo oshimaliwa shoka ehangano hali kanitha molwa onkalo ndjika.
“Aalongithi yolusheno oya pumbwa okuuva ko nkene uumbudhi mbuka hau gwedhele ondando yolusheno, nokutula moshiponga oonkalamwenyo dhoonakupogola, ohashi yono iikwaniipangitho yolusheno nokutula moshiponga aaniilonga yomoNored mboka haya tula mo omalusheno,” Lukas a thindile mo.
Omalusheno ga tulwa mo shaa li paveta ohaga monika uuna aanambelewa ye ende momagumbo nomoongeshefa taya tala uuketha wawo, nokukonakona elongitho lyolusheno noompatolona tadhi holoka koonomola dhuuketha wolusheno, oshowo palongelokumwe nopolisi yaNamibia nomokupitila miikonga yelongopukululo lyoshigwana kombinga yolusheno, ngaashi mooradio nomiigongi naakwashigwana.
Comments
Namibian Sun
No comments have been left on this article