Ndjeke a thigipo IPC nokuwayimina ongundu yoAPP
Omudhani gwiinyandwa a tseyika nawa moshilongo na okuli gumwe gwiilyo ya totopo ongundu yoIndependent Patriots for Change (IPC) Jekonia Akuunda, a tseyika nedhina Ndjeke yaMalimba, okwa thigipo ongundu yawo nokujoina ongundu yoAll People’s Party (APP).
Akuunda okwa popi kutya iilyo yoIPC kayi na uuwanawa woshigwana komitima na iilyo ihayi vulu okupopya iikumungu mbyoka ya guma oshigwana sha po ongele sha ziminwa kelelo lyongundu.
Akuunda pamwe niilyo ikwawo itano okuza moshikandjohogololo Olukonda oya tokola okuthigapo ongundu ndjoka nokuwayimina ongundu yoAPP omwedhi gwa piti.
Sho a ningwa naye oonkundathana koNamibian Sun, Akuunda okwa popi kutya okwa kala tiipula okuza muNovemba gwomvula twa zi ngele nadhigepo oIPC.
Momasiku 31 gaMaalitsa nuumvo okwa tokola okushanga omukanda ngoka tagu holola ehulithepo lyuukwashilyo we mongundu ndjoka.
Okwa popi kutya mongundu ndjoka mboka kaye na oonkondo oyo taya pewa oompito dhopombanda opo ya vule okukala taya longo ngaashi tashi gandjwa kelelo lyopombanda. Okwa tsikile kutya konima nkene a wayimine ongundu ndjoka okwa dhidhilike kutya ongundu kayi na ko nasha nemono lyiihuna lyoshigwana.
Okwa popi kutya mongundu moka kaye na oonkondo dhokuungaunga niikumungu yoshigwana. Okwa tsikile kutya nonando otaya mono omaindilo gomayambidhidho okuza moshigwana ongundu ihayi pitika ya ungaunge nomaindilo ngoka, onkene ita vulu okukala mongundu yi na elelo li na uukwatya wu li ngaaka.
Akuunda okwa popi kutya uuthemba wokuholola omaiyuvo kawu mo mongundu ndjoka.
Ekwatathano noAR
Akuunda okwa popi kutya IPC ina kwata nawa ekwatathano lye noAffirmative Reposition (AR).
“Ngele owa tala komvula yo 2019 sho Dr Panduleni Itula a kutha ombinga methigathano lyuupresidende, okwa mono omawi ogendji omolwa iilyo yoAR mbyoka ye mu hogolola ihe konima oya ekelehi oAR, tala kwaashoka sha ningwa mOvenduka,” Akuunda a popi.
IPC a yamukula
Sho ya ningilwa omapulo, omupopiliko gwoIPC, Immanuel Nashinge okwa ekelehi ompopyo gaAkuunda, kutya iilyo yoIPC itayi vulu okuholola omaiyuvo gayo. Nashinge okwa popi kutya Akuunda ngashiingeyi niipyakidhile nongundu ye ompe.
Akuunda okwa popi kutya ngashiingeyi oyiipyakidhila nokutotapo oshitayi shoAPP mOlukonda onga oonkambadhala okukondopeka ongundu moshitopolwa.
Akuunda okwa popi kutya iilyo yoIPC kayi na uuwanawa woshigwana komitima na iilyo ihayi vulu okupopya iikumungu mbyoka ya guma oshigwana sha po ongele sha ziminwa kelelo lyongundu.
Akuunda pamwe niilyo ikwawo itano okuza moshikandjohogololo Olukonda oya tokola okuthigapo ongundu ndjoka nokuwayimina ongundu yoAPP omwedhi gwa piti.
Sho a ningwa naye oonkundathana koNamibian Sun, Akuunda okwa popi kutya okwa kala tiipula okuza muNovemba gwomvula twa zi ngele nadhigepo oIPC.
Momasiku 31 gaMaalitsa nuumvo okwa tokola okushanga omukanda ngoka tagu holola ehulithepo lyuukwashilyo we mongundu ndjoka.
Okwa popi kutya mongundu ndjoka mboka kaye na oonkondo oyo taya pewa oompito dhopombanda opo ya vule okukala taya longo ngaashi tashi gandjwa kelelo lyopombanda. Okwa tsikile kutya konima nkene a wayimine ongundu ndjoka okwa dhidhilike kutya ongundu kayi na ko nasha nemono lyiihuna lyoshigwana.
Okwa popi kutya mongundu moka kaye na oonkondo dhokuungaunga niikumungu yoshigwana. Okwa tsikile kutya nonando otaya mono omaindilo gomayambidhidho okuza moshigwana ongundu ihayi pitika ya ungaunge nomaindilo ngoka, onkene ita vulu okukala mongundu yi na elelo li na uukwatya wu li ngaaka.
Akuunda okwa popi kutya uuthemba wokuholola omaiyuvo kawu mo mongundu ndjoka.
Ekwatathano noAR
Akuunda okwa popi kutya IPC ina kwata nawa ekwatathano lye noAffirmative Reposition (AR).
“Ngele owa tala komvula yo 2019 sho Dr Panduleni Itula a kutha ombinga methigathano lyuupresidende, okwa mono omawi ogendji omolwa iilyo yoAR mbyoka ye mu hogolola ihe konima oya ekelehi oAR, tala kwaashoka sha ningwa mOvenduka,” Akuunda a popi.
IPC a yamukula
Sho ya ningilwa omapulo, omupopiliko gwoIPC, Immanuel Nashinge okwa ekelehi ompopyo gaAkuunda, kutya iilyo yoIPC itayi vulu okuholola omaiyuvo gayo. Nashinge okwa popi kutya Akuunda ngashiingeyi niipyakidhile nongundu ye ompe.
Akuunda okwa popi kutya ngashiingeyi oyiipyakidhila nokutotapo oshitayi shoAPP mOlukonda onga oonkambadhala okukondopeka ongundu moshitopolwa.
Comments
Namibian Sun
No comments have been left on this article