Namwater ta pula komeho pethimbo lyoshikukuta
Pethimbo lyoshikukuta oshidhigu noongunga dhehangano dha konda oobiliona 2 dhi li komalelo goondoolopa nomikunda, ehangano lyokwaandjaganeka omeya moNamibia (NamWater) olya tsikila nomathaneko galyo omanene noopoloyeka onene.
Shimwe shomiinyangadhalwa osho okupomba omeya mondama yaNeckartal ga tekelithe iikunino.
Omukuluntupithi gwaNamWater, Abraham Nehemia, okwa holola, “Otwi ipyakidhila moshilongo ashihe.” Okwa fatulula wo kutya uuministeli wuunamapya owa ulika omunawino a tale komutungilo gwominino dhokutekela nehala otali ka gandjwa mbala. “Otwi inekela aanakontalaka otaa ka tameka mbala niilonga,” okwa gwedha po.
Ehangano lyokwaandjaganeka omeya moshilongo otali lalakanene okulonga nominino adhihe dhomeya dhuule wookilometa 4,000. “Otatu ka kala noshinakugwanithwa shokwaandjaganeka omeya okuza monzo yomeya okuya komulongithi gwomeya,” Nehemia okwa ti.
Ominino odhindji odhi li kohi yewiliko lyUuministeli wUunamapya, Omeya nEtendululo lyEvi. NamWater okwa thaneka wo okweeta po omunino omunene gwomeya okuza komunkulofuta, tagu piti mOvenduka, sigo okoBotswana. Oshinyangadhalwa shika otashi wilikwa kokakomitiye kopaukumwe kiilongo iyali, nomukuluntuwiliki gwiipambele yomeya muunisteli Dr. Elijah Ngurare, oye omunashipundi, Nehemia a gwedha po.
Kakele, omunino nguka oshitopolwa oshititatu shopoloyeka ya tegelelwa yi tamekwe mbala yokutunga po ehala lyotango lyokukutha omeya gefuta oshimongwa komunkulofuta, ndyoka tali ka tungwa notali kala lyepangelo lyaNamibia. Ekwatho pashimaliwa okutungitha ehala tali kotha pokati koobiliona N$2.5 noobiliona N$3, NamWater ote ki imanga kumwe nomina yaHusab uranium omina yoSwakop Uranium, ndyoka yAachina.
Nehemia okwa ti NamWater naye wo ota kongo oshimaliwa she mwene shokufuta koshipambuliko she mopoloyeka ndjika yokukutha omeya gefuta oshimongwa. Okwa gwedha po kutya oonkundathana odhi li pokupwa netokolo lyahugunina lyopashimaliwa otali ka gandjwa pehulilo lyomvula ndjika.
Iilonga oya tegelelwa yi tameke omvula tayi ya notayi ka kutha pokati koomwedhi omulongo nahetatu noomvula mbali opo yi pwe thilu, okwa ti. Lwanima, omeya ga kuthwa oshimongwa otaga ka andjaganekwa nale koomina, koofaabulika noondoolopa dhopopepi nomunkulofuta manga omunino gokOvenduka inagu fulwa.
Oopoloyeka dhilwe oonene ndhoka NamWater i ipyakidhila nadho odha kwatela mo okutamununa mo ehala lyokudhinda omeya lyaShakati, ndyoka tali yambidhidhwa pashimaliwa kOmbaanga yOmapendulopo muAfrica notali tseyithululwa momatseyitho gopaipindi; nOskema II yokufula oomboola mOhangwena, hoka omunakontalaka i ipyakidhila nale niilonga.
Oopoloyeka oonkwawo odha kwatela mo okulongululula okanala komeya okuza koCalueque okuya mOshakati, hoka okatopolwa kokuza koongamba okuya kondama yaLushandja ka pwa nale niilonga oya tsikila yoku ka thika kOshakati; ehala lyokudhinda omeya mOutapi; nokunenepaleka ehala lyokudhinda omeya lyaLushaandja, okontalaka ndjoka ya shainwa oshiwike shika niilonga oya tegelelwa yi tameke oshiwike tashi ya.
Ehala lyokudhinda omeya niilonga ye yi pamba otali tungwa koRundu, noshituthi shokutula ko ondhopi yotango osha ningilwe konima yiiwike itatu. “Naandjika opoloyeka onene ndyoka tatu tula miilonga. Opoloyeka ndjika otayi lalakanene okutunga ehala tali ka andjaganeka omeya moRundu, nokufula wo ominino sigo okomweelo gwaMururani, muuzilo waMbagani, nokuya wo ombululu yaNkurenkuru,” okwa fatulula.
Komunkulofuta, oshitayimunino okuza kondama 2 otaylshi longwa nokutungwa okuza pevi nondama ompe otayi tungwa moKaribib. Oshitayimunino Kuiseb okuya koSwakopmund otashi longululwa, oomboola oompe otadhi fulwa momeya gokohi yevi gaKuiseb, omanga omunino gokwaandjaganeka omeya komina yaLanger Heinrich otagu longululwa.
Oshitayimunino Omdel noWlotzkasbaken otashi longululwa wo naNehemia okwa ti iilonga oyindji komunkulofuta oya pwa. Kolukadhi, ondungethaneko ompe onene otayi thanekwa ndjoka ya kwatela mo okutamununa mo ominino pokati kondama yaNaute nOkaiti; okulongulula oshitayimunino shAriamsvlei; okulongulula oshitayimunino shAroab; nokulonga iitayimunino yaGrunau naWarmbad.
“Otwi ipyakidhila moshilongo ashihe. Otatu fululula mo ominino adhihe ndhika omikulu nokutula mo omipe,” okwa ti.
Shimwe shomiinyangadhalwa osho okupomba omeya mondama yaNeckartal ga tekelithe iikunino.
Omukuluntupithi gwaNamWater, Abraham Nehemia, okwa holola, “Otwi ipyakidhila moshilongo ashihe.” Okwa fatulula wo kutya uuministeli wuunamapya owa ulika omunawino a tale komutungilo gwominino dhokutekela nehala otali ka gandjwa mbala. “Otwi inekela aanakontalaka otaa ka tameka mbala niilonga,” okwa gwedha po.
Ehangano lyokwaandjaganeka omeya moshilongo otali lalakanene okulonga nominino adhihe dhomeya dhuule wookilometa 4,000. “Otatu ka kala noshinakugwanithwa shokwaandjaganeka omeya okuza monzo yomeya okuya komulongithi gwomeya,” Nehemia okwa ti.
Ominino odhindji odhi li kohi yewiliko lyUuministeli wUunamapya, Omeya nEtendululo lyEvi. NamWater okwa thaneka wo okweeta po omunino omunene gwomeya okuza komunkulofuta, tagu piti mOvenduka, sigo okoBotswana. Oshinyangadhalwa shika otashi wilikwa kokakomitiye kopaukumwe kiilongo iyali, nomukuluntuwiliki gwiipambele yomeya muunisteli Dr. Elijah Ngurare, oye omunashipundi, Nehemia a gwedha po.
Kakele, omunino nguka oshitopolwa oshititatu shopoloyeka ya tegelelwa yi tamekwe mbala yokutunga po ehala lyotango lyokukutha omeya gefuta oshimongwa komunkulofuta, ndyoka tali ka tungwa notali kala lyepangelo lyaNamibia. Ekwatho pashimaliwa okutungitha ehala tali kotha pokati koobiliona N$2.5 noobiliona N$3, NamWater ote ki imanga kumwe nomina yaHusab uranium omina yoSwakop Uranium, ndyoka yAachina.
Nehemia okwa ti NamWater naye wo ota kongo oshimaliwa she mwene shokufuta koshipambuliko she mopoloyeka ndjika yokukutha omeya gefuta oshimongwa. Okwa gwedha po kutya oonkundathana odhi li pokupwa netokolo lyahugunina lyopashimaliwa otali ka gandjwa pehulilo lyomvula ndjika.
Iilonga oya tegelelwa yi tameke omvula tayi ya notayi ka kutha pokati koomwedhi omulongo nahetatu noomvula mbali opo yi pwe thilu, okwa ti. Lwanima, omeya ga kuthwa oshimongwa otaga ka andjaganekwa nale koomina, koofaabulika noondoolopa dhopopepi nomunkulofuta manga omunino gokOvenduka inagu fulwa.
Oopoloyeka dhilwe oonene ndhoka NamWater i ipyakidhila nadho odha kwatela mo okutamununa mo ehala lyokudhinda omeya lyaShakati, ndyoka tali yambidhidhwa pashimaliwa kOmbaanga yOmapendulopo muAfrica notali tseyithululwa momatseyitho gopaipindi; nOskema II yokufula oomboola mOhangwena, hoka omunakontalaka i ipyakidhila nale niilonga.
Oopoloyeka oonkwawo odha kwatela mo okulongululula okanala komeya okuza koCalueque okuya mOshakati, hoka okatopolwa kokuza koongamba okuya kondama yaLushandja ka pwa nale niilonga oya tsikila yoku ka thika kOshakati; ehala lyokudhinda omeya mOutapi; nokunenepaleka ehala lyokudhinda omeya lyaLushaandja, okontalaka ndjoka ya shainwa oshiwike shika niilonga oya tegelelwa yi tameke oshiwike tashi ya.
Ehala lyokudhinda omeya niilonga ye yi pamba otali tungwa koRundu, noshituthi shokutula ko ondhopi yotango osha ningilwe konima yiiwike itatu. “Naandjika opoloyeka onene ndyoka tatu tula miilonga. Opoloyeka ndjika otayi lalakanene okutunga ehala tali ka andjaganeka omeya moRundu, nokufula wo ominino sigo okomweelo gwaMururani, muuzilo waMbagani, nokuya wo ombululu yaNkurenkuru,” okwa fatulula.
Komunkulofuta, oshitayimunino okuza kondama 2 otaylshi longwa nokutungwa okuza pevi nondama ompe otayi tungwa moKaribib. Oshitayimunino Kuiseb okuya koSwakopmund otashi longululwa, oomboola oompe otadhi fulwa momeya gokohi yevi gaKuiseb, omanga omunino gokwaandjaganeka omeya komina yaLanger Heinrich otagu longululwa.
Oshitayimunino Omdel noWlotzkasbaken otashi longululwa wo naNehemia okwa ti iilonga oyindji komunkulofuta oya pwa. Kolukadhi, ondungethaneko ompe onene otayi thanekwa ndjoka ya kwatela mo okutamununa mo ominino pokati kondama yaNaute nOkaiti; okulongulula oshitayimunino shAriamsvlei; okulongulula oshitayimunino shAroab; nokulonga iitayimunino yaGrunau naWarmbad.
“Otwi ipyakidhila moshilongo ashihe. Otatu fululula mo ominino adhihe ndhika omikulu nokutula mo omipe,” okwa ti.
Comments
Namibian Sun
No comments have been left on this article