Kavango Uuninginino ta koko nokukokelela - Ausiku
Ngoloneya gwoshitopolwa shaKavango Uuninginino Sirkka Ausiku okwa ti kakele komashongo ogendji, oshitopolwa osha eta po omapendulepo gi iwetikile, ta dhenge omuthindo keitulemo lyelelo kokutunga nokukothitha oshitopolwa.
Ausiku okwa popi ndhika mEtitano lya zi ko pethimbo lyoshipopiwa she shonkalo yoshitopolwa moNkurenkuru.
Shi ikolela ku ngoloneya, mElelo lyOshitopolwa shaKavango Uuninginino omu na aaniilonga 115. Noopoosa 105 odha mona ooyene noonkwawo oompe dha totwa po.
“Elelo olya kondja mokutunga omatungo omape, oombelewa ne dhookamusela odha pwa noshowo okutungwa kwoombelewa dhelelo lyoshitopolwa oku li metifa, hoka ta ku pula oshimaliwa shoomiliona N$30 nokwa tegelelwa ku pwe mo2025,” okwa ti.
“Oshikwawo, Endiki lyomapendulopo gokomikunda lyaRupara otali tungwa koshimaliwa shomiliona N$13, opamwe neopaleko lyomukunda gwaKatwitwi koshimaliwa shomiliona yimwe. Elelo lyoshitopolwa olya tula miilonga oopolohalama dhomapendulopo gokomikunda, moka aakalimo 80 taa mono omauwanawa, mwa kwatelwa aagundjuka , okupitila muunafaalama wiikombo, omanga oohandimwe 23 oya mona omauwanama mopoloyeka yokutekula iikwamawawa ndjoka tayi lalakanene okweeta po oompito dhiilonga,” okwa ti.
Eyokomeho
Ausiku okwa gwedha po kutya okupitila mopolohalama yokukwata nawa omudhingoloko nokukandula po oluhepo nokweeta po iilonga okupitila mopoloyeka Nkulivere moshikandjohogololo shaMpungu, oondungu/ omithima mbali odha hupwa momukunda Nepara naNgandu , opamwe noshigongiilonga shaahongi yiiti.
“Eyokomeho otali monika metungo lyomagumbo, nehangano lyokutunga omagumbo lyoShack Dwellers Federation lya tungu omagumbo 22 ga gwedhwa po momukunda Rupara, shoka she eta omwaalu gwomagumbo po97. Moshikandjohogololo Mankumpi, omagumbo 20 otaga ka tungwa momumvo nguka gwoshimaliwa koKatjinakatji.
Ausiku okwi indile wo ookamusela ye ete po oopolohalama dhokutunga omagumbo dhombiliha komahala omape, ta ningi ethindilemo lyeitulemo lyelelo komapendulopo taga kalelele moshitopolwa.
[email protected]
Ausiku okwa popi ndhika mEtitano lya zi ko pethimbo lyoshipopiwa she shonkalo yoshitopolwa moNkurenkuru.
Shi ikolela ku ngoloneya, mElelo lyOshitopolwa shaKavango Uuninginino omu na aaniilonga 115. Noopoosa 105 odha mona ooyene noonkwawo oompe dha totwa po.
“Elelo olya kondja mokutunga omatungo omape, oombelewa ne dhookamusela odha pwa noshowo okutungwa kwoombelewa dhelelo lyoshitopolwa oku li metifa, hoka ta ku pula oshimaliwa shoomiliona N$30 nokwa tegelelwa ku pwe mo2025,” okwa ti.
“Oshikwawo, Endiki lyomapendulopo gokomikunda lyaRupara otali tungwa koshimaliwa shomiliona N$13, opamwe neopaleko lyomukunda gwaKatwitwi koshimaliwa shomiliona yimwe. Elelo lyoshitopolwa olya tula miilonga oopolohalama dhomapendulopo gokomikunda, moka aakalimo 80 taa mono omauwanawa, mwa kwatelwa aagundjuka , okupitila muunafaalama wiikombo, omanga oohandimwe 23 oya mona omauwanama mopoloyeka yokutekula iikwamawawa ndjoka tayi lalakanene okweeta po oompito dhiilonga,” okwa ti.
Eyokomeho
Ausiku okwa gwedha po kutya okupitila mopolohalama yokukwata nawa omudhingoloko nokukandula po oluhepo nokweeta po iilonga okupitila mopoloyeka Nkulivere moshikandjohogololo shaMpungu, oondungu/ omithima mbali odha hupwa momukunda Nepara naNgandu , opamwe noshigongiilonga shaahongi yiiti.
“Eyokomeho otali monika metungo lyomagumbo, nehangano lyokutunga omagumbo lyoShack Dwellers Federation lya tungu omagumbo 22 ga gwedhwa po momukunda Rupara, shoka she eta omwaalu gwomagumbo po97. Moshikandjohogololo Mankumpi, omagumbo 20 otaga ka tungwa momumvo nguka gwoshimaliwa koKatjinakatji.
Ausiku okwi indile wo ookamusela ye ete po oopolohalama dhokutunga omagumbo dhombiliha komahala omape, ta ningi ethindilemo lyeitulemo lyelelo komapendulopo taga kalelele moshitopolwa.
[email protected]
Comments
Namibian Sun
No comments have been left on this article