Hengari gwoPDM ta futitha opolisi oomiliona 2

Omutotimpango gwoPopular Democratic Movement (PDM) Inna Hengari ota tulile mo opolisi yaNamibia oshipotha shokufutwa oomiliona 2 sha landula okumangwa po kwe mo 21 Maalitsa 2023 konima yehololo madhiladhilo lya li lya thanekelwa esiku ndjoka. Montumwafo ya nyolelwa omukuluntu gwopolisi Inspector-General Joseph Shikongo, omutseyiveta gwe Mesekameneko Tjituri okwa holola kutya okwa haluthwa nokwe ehamekwa momake gopolisi sha landula okumangwa po kwe. “Ongo oshilanduli sheihumbato ewinayi nolyaa li paveta lyiilyo yetanga, otatu ku tseyithile ngeyika... kutya owu na ombinga moshipotha shoku futithwa komuyakulwa gwetu molwa uuwehame nemono lyiihuna, okweehamekwa nehaluko, ekanitho lyoompumbwe dhonkalamwenyo nokwaa uva nawa, nokutya otatu ka mo iihokolola yokufutithwa mOmpangu yopOmbanda yaNamibia mo 15 Maalitsa,” ontumwafo ya lesha. Hengari okwa hiya opolisi yi kundathane euvathano manga epulakeno inaali uvika mOmpangu yopOmbanda. “Otatu ku hiya wu gandje kehe ethaneko tali uvikiwa ko nokutaambwa ko nenge wu kuthe ombinga mofuto ohwepo noonkundathana tadhi kaleke iihokolola yopaveta mbyoka meni lyoshikako sha tumbulwa pombanda,” omutseyiveta gwe a nyola. Omawi ga yoolokaHengari omumvogu okwa tilitha okutulila mo opolisi oshipotha, ta ulike okumangwa po kwe kwaa li paveta nokweedhililwa onga omatompelo goshipotha. “Otandi ka longitha iilongitho ayihe yopaveta yi li po, ongomukwashigwana ngoka a popi mo nokutaalela okwaa na uuyuuki nokwa tokola okuthikama pamwe naagundjuka yaa na iilonga moshilongo shika, okumona uuyuuki molwa okumangwa po kwaa li paveta, mokati kiinima yilwe.”Okwa gwedha po: "Inatu tala nande okumangwa huka onga iipotha yi ikalekelwa, oshoka okumangwa po taku tsikile nokweedhililwa kwaanandjangu kashi li pamulandu gwomakankameno nomisindalandu dhetu dhopashigwana, ngaashi shi li mekotampango lyetu. Otandi ka palamena epangelo netanga lyopolisi mwaashika”.Hengari okwa mangwa po nokweedhililwa pOshiitasi shOpolisi shaTjomuise mesiku lyEmanguluko omumvogu, pamwe noshilyo shoNamibia Economic Freedom Fighters (NEFF) Michael Amushelelo, na Dimbulukeni Nauyoma, gumwe gwomaatotipo yehangano Affirmative Repositioning. Hengari, Nauyoma nAmushelelo oya tamanekwa nepiyageneko lyoshigwana, eyonagulo lyomaliko nokutsitsimika omapiyagano moshigwana konima yoku mangwa po pehololomadhiladhilo lya unganekwa kaagundjuka yaa na iilonga moKatutura. Ongundu yayatatu oya mangwa po kakele ko ku kaleka ehololomadhiladhilo, sha landula eindilo kompangu lya ndopa ando ya tsikile nehololomadhiladhilo ongula yo 21 Maalitsa 2023. Epangelo, kakele, konima olya ekelehi iipotha ya tulilwa mo Hengari, tali holola kutya oshipotha kashi shi sholela she mu tulilwa mo. Omutotimpango gwompilameno okwa kala mondjedhililo yopolisi omasiku gatatu manga inaa pewa obooloha yo N$5 000.

Hengari gwoPDM ta futitha opolisi oomiliona 2

Comments

Namibian Sun 2025-04-04

Please login to leave a comment

Hengari gwoPDM ta futitha opolisi oomiliona 2

Comments

Namibian Sun 2025-04-04

Please login to leave a comment

Login