Ewalanda lyomOutapi itali longo

Ewalanda lyopashinanena mOutapi ndyoka lya tungwa muule woomvula 11 nokweegululwa pambelewa koominista ndatu oomvula mbali dha piti, itali longithwa sigo opo mpaka.Ewalanda lyoomeme ye li momategelelo lyedhina Tukwathela, lya nuninwa okukutha po omukundu gwoomeme ye li momategelelo haya lala muutenda kohi yomiti oomvula dha yi nelalakano okukala popepi nomandiki guundjolowele, olya egululwa pambelewa kominista yuundjolowele Dr Kalumbi Shangula, ominista yiilonga Utoni Nujoma nominista yomapendulepo giilando nomikunda Erastus Uutoni mesiku eti -22 Auguste 2022.Itali longo sigo opo mpaka, iihwa nomwiidhi mohatsa otayi kokelele. Omunyekadhi gwoshilongo omukulu Penehupifo Pohamba oye patrona gwewalanda.Ngashingeyi, oomeme ye li momategelelo mOutapi oye li muupeleki wa dhengelwa payambidhidho lyOmbaanga yOmapendulopo moNamibia (DBN).Oomvula noomvula, onkalo yoomeme ye li momategelelo taya lala muutenda kOutapi oya holoka miikundaneki, shoka she eta opo aakuthimbinga ya gandje oshimaliwa sha konda poomiliona ntano okuza 2013 opo ku tungwe ewalanda.Aasamaria aanamutimahenda oyo elelo lyopamuthigululwakalo lyaMbalantu, elelo lyoshitopolwa shaMusati, elelo lyondoolopa yOutapi, Standard Bank, Ehangano lyUundjolowele mUuyuni, NamPort, nayalwe.Kakele, opoloyeka- nonande ya pwa noya egululwa pambelewa– itayi longo sha. Namibian Sun okwa dhimbulula kutya shika oshe etwa kewiliko enkundi.Uumwene wehalaSho a dhengelwa a tye ko sha, omukuluntuwiliki gwuundjolowele mOmusati Alfons Amoomo ota ti ewalanda ka li li momake guuministeli wuundjolowele nokwa ti omapulo naga ukithwe kuNgoloneya gwaMusati Erginus Endjala.Endjala okwa ti uupyakadhi wa kundukidha okwaa longa kwewalanda lyoomeme ye li momategelelo lyedhina Tukwathela omolwa ewiliko enkundi, ta ti shaashi uuministeli itau vulu okufuta omuniilonga ta tonatela ewalanda, opwa kala okwaatsa kumwe kombinga yaa ngoka ta futu omuniilonga.“Uupyakadhi wosenda ewiliko nopo ihe uumwene wehala – olye ta ka tonatela ehala ndika? Oshoka minista gwuundjolowele ota ti aawe, hayo aatonateli yalyo.Nelelo lyondoolopa otali ti wo aawe, yo oya gandja owala ehala.“Olya pumbwa mwene gwalyo. Oshizemo, okwa tokolwa kutya uuministeli womapendulopo giilando nomikunda- okupitila melelo lyopashitopolwa- nali kale omutonateli,” okwa ti.“Ope na iikumungu yopambelewa ya kwatela mo, ngaashi ngoka ta ka tonatela,ota ka futwa ngiini? Oshoka pehulilo lyesiku, ita futwa kelelo noshowo ita futwakuuministeli wuundjolowele.”OthinaEndjala okwa ti omanga uumwene wehala niikumungu yewiliko otayi kundathanwa, ehangano Unesco olya gandja oshimaliwa kelelo, shoka sha longithwa mokulanda omatalashe mewalanda.Ngashingeyi, oomeme ye li momategelelo oye li muupeleke, naamboka ye li momavalelwapeni oya tegelelwa ya fute N$20 lumwe.Molwa othina, oomeme to ihumbata– unene mboka ya za moAngola nokomahala gokokule- otaa lala muutenda pongalangala popepi noshipangelo.- kenya@namibiansun.com

Ewalanda lyomOutapi itali longo

Comments

Namibian Sun 2025-04-04

Please login to leave a comment

Ewalanda lyomOutapi itali longo

Comments

Namibian Sun 2025-04-04

Please login to leave a comment

Login