Ehangano lyoonakulwa aakulu inali nyanyukilwa Aakwaswapo yamwe

Ehangano lyoonakulwa aakulu lyoThe Former Refugees Repatriation Association of Namibia (FRRAN) olya ti Aakwaswapo yamwe otayi ipe oshimaliwa oshindji shoonakulwa aakulu nokupaathana oofaalama, omanga mboka ya li kondjembo kaaye na oofaalama konima yoomvula omilongo ndatu nantano dhokumanguluka.Ehangano lyoFRRAN olya pula wo kutya omolwashike Aakwaswapo yamwe haya mono oshimaliwa oshindji shuunakulwa uukulu unene mboka ya wayimine ekondjelomanguluko mo1959 sigo 1973, ashike Swapo ina adhika a totwa mo1959.Ehangano olya li lya thaneka okugandja omukandakemo gwawo kOmupresidente Nangolo Mbumba kEgumbo lyEpangelo mEtitatu ashike oya tseyithilwa kutya Omupresidente iha taamba omikandakemo. Ashike oya tseyithilwa kutya minista mombelewa yomupresitende Christine //Hoebes naminista gwiipambele yoonakulwa aakulu Frans Kapofi ota ye ya ningile oshigongi, opo ya uve omaudhigu gawo.Omayamukulo taga pulwa Ehangano olya pula omupresidente a fatulule kutya omolwashike Aakondjelimanguluko yokoTanganyika haya mono oshimaliwa shuunakulwa uukulu okuza sho ya wayimine ekondjelomanguluko mo1959 sigo 1973, ihe Swapo okwa totwa mo 19 Apilili 1960. “Mo1959, Swapo ina totwa natango. Naye tu fatululile kutya otaya futilwa shike oshimaliwa shoka. Omolwashike oshimaliwa shoonakulwa aakulu kaa shi thike pamwe? Yamwe yomuyo, ngaashi Netumbo [Nandi-Ndaitwah] nomupresidente, kaya li kondjembo; oya li owala moohotela nomoombelewa," ehangano lya ti moshiwike shika. “Inaa lwa; inaa mona iihuna. Inaa mona ‘oombulu.’ Otaya topola oshimaliwa ngiini ngawo? Omuntu ota vulu ngiini okuhupa moN$750 omanga yamwe haya mono N$80 000?” Matheus Nangolo, omutotiqpo gwehangano, ta pula. Ehangano olya hala mendeelelo opo Kapofi, omupeha gwe Hilma Nicanor, amushanga omukuluntu Wilhelmine Shivute nomupeha kuluntuwiliki Thadeus Elago, opo ya ze miilonga. “Aantu oya nika uulingilingi nayi; natu ya tidhe nokutula po yalwe. NaKapofi ina lwa ngaashi twa lwa,” iilyo yehangano ya ti.Ekondjelomanguluko Ehangano olya pula wo kutya omolwashike epangelo lya etha po opolohalama yokutululula oonakulwa aakulu, ehangano ota li ti nayo oya hala oofaalama ngele aakwanepangelo anuwa oya pelwe oofaalama dha landwa kepangelo. “NaKapofi oku na ofaalama, ashike ngaashingeyi ihaya gandja we oofaalama. Ngiika otwa thigala po tu li owala omayovi gatatu nomofaalama yimwe otatu vulu okutulululwa tu li omulongo nayatano ando. Ndjoka olyo etompelo twa li tatu kondjele evi lyetu.”Nangolo okwa gwedha po: “Ngele sho twa li tatu kondjele emanguluko omolwevi, ongiini natango tse yamwe twaa na evi monena? Kapofi okwe tu lombwele ita vulu okuninga po sha – natu shune ko ku presidente."Omathaneko taga landulwa Kapofi okwa yamukula ko ta ti, oonakulwa aakulu naya pandule koshimaliwa haya mono nokwa ti okwa kondjitha opo ya mone oshimaliwa koomuma peha lyomakwatho galwe gopauntu.“Oonakulwa aakulu omayovi nomayovi; yangapi yomutse tatu ka tulululwa? Natango otaya vulu okuninga omaindilo, nuuministeli wuunamapya nuuniimuna otau ka tala komaindilo ngoka nokuya yamukula. Itatu landa we oofaalama tu ya tulule. Owu shi kutya opwa li oshigongiilonga shevi nongashingeyi otatu landula omathaneko gasho,” okwa ti.Kakele, okwa zimina kutya oshimaliwa shoonakulwa aakulu shokomwedhi itashi gwanene oompumbwe dhawo ashike okwa ti kutya okugwedhelwa kwoshiikwiila shika ohaku ningwa kepangelo okupitila mOmutumba gwoPashigwana.“ Iilonga yandje [ongaminista] otayi thiki pehulilo masiku, ashike nonando ando oya tidhe ndje, natango epangelo limwe alike, oonzo dhimwe nompango wo. Nangame onda vulwa wo okulundilwa,” okwa ti. - jemima@nmh-hub.com.na

Ehangano lyoonakulwa aakulu inali nyanyukilwa Aakwaswapo yamwe

Comments

Namibian Sun 2025-04-16

Please login to leave a comment

Ehangano lyoonakulwa aakulu inali nyanyukilwa Aakwaswapo yamwe

Comments

Namibian Sun 2025-04-16

Please login to leave a comment

Login