Amupanda: Okukondjitha omusinda omutiligane omolwa uuntu womuntu hanyama owala

Ekondjitho lyOmusinda Omutiligane moNamibia oli li metifa mOmpangu yopOmbanda mOvenduka, nomunandjungu Job Amupanda ota ti ekondjo ndika otali kondjele uuyuuki nesimaneko lyuuntu womuntu, haunafaalama niipindi ashike.MEtiyali, Amupanda okwa li mokakololo kokupopila koshipala shOmupanguli Shafimana Ueitele, ta hokolola nkene uudhigu we nomusinda omutiligane ngoka "gwaa li pankotampango" wa tamekele mu Mei 2021, sho onyama ye ndjoka a li ta faalele kOvenduka e yi kuthwa. Amupanda okwa ti omusinda omutiligane ogwo " einda lyopapolitika" lya menena omidhi methindilo kongudhi lyopethimbo lyuukoloni, nogwa guma nayi konyala oopelesenda 60% dhAanamibia.OmaipumomumweIihokolola oya tameke ya kindja, nomaipumomumwe pokati komupanguli Ueitele naakalelipo yopaveta yAmupanda, mewiliko lyomutseyiveta Mbushandje Ntinda ta kwathelwa ku Kadhila Amoomo. Ntinda okwa ti oohahende taya popile omusinda omutiligane oye ya ula ayehe nAmupanda kutya "oopaapeta naalongithwa" pethimbo iihokolola ya li ya fudha po manga. Shika oshe eta opo aakalelipo yopaveta yAmupanda ya ninge eindilo pakana opo Ueitele kaa pangule moshipotha shika, oshoka otashi vulika ta ka gama ombinga. Kakele, eindilo ndika inali yiwa we komeho nalyo, naNtinda okwa gandja omatompelo gawo.Omutseyiveta Raymond Heathcote, a kalela po paveta ehangano lyonyama moNamibia lyoMeat Board of Namibia, ina nyanyukilwa omukalo gwaNtinda, nokwe gu ti "itagu ulike epyokoko nogwa nika uunona." Omupanguli Ueitele, nelulilo, okwa ti eihumbato lyaNtinda otashi vulika lya pumbwa okutumwa okolutu lwopombanda nenge kolutu halu ganda nokupukulula.Omilandu dhonale nalePethimbo lyomapulapulo, Amupanda okwa dhenge omuthindo kutya oshipotha shika inashi guma owala iikwaliko, ta ti: "Oshinenenima shoshipotha shika osho esimaneko lyuuntu womuntu nelongitho natango lyooveta dhopethimbo lyuukoloni, ndhoka dha kalekwa po kepangelo nodha thindila kongudhi Aanamibia ye li poopelesenda 60%."Okwe ekelehi omapopyo kutya omusinda omutiligane ogu lile po owala okukondolola onyama neinyengo lyiimuna, Amupanda ta ti epangelo nomahangano otaga longitha omilandu dhonkulu yonale ndhoka tadhi thindile kongudhi oshigwana shokonooli.Amupanda okwa gandja oshiholelwa sholopota ndjoka tayi ti ezepo lyomusinda omusinda omutiligane otali kwatha lela oshikondo shuunamapya nuuniimuna moNamibia. Olopota otayi ti eliko lyoshilongo otali ka koka okupitila muunamapya nuuniimuna okuza poopelesenda 6% monena okuya poopelesenda 20% ngele aanaafaalama yokonooli taya pindike momalandithilo omanene.OmananathanoIihokolola yomEtiyali nayo oya li nomananathano molwa okwaalandula omalandulathano. Ntinda okwa kambadhala a gandje uumbangi uupe, ashike Heathcote ine shi pitika, nokwa nyenyeta kutya inau gandjwa nale petameko. Omupanguli okwa koleke dhaHeathcote, nokwa tokola kutya okugandja uumbangi pethimbo ndyoka ka ku li pauyuuki notaku thindile kongudhi yamwe.Iihokolola sho ya tsikile ohela, okwaa uva ombili okwa lundu, nolundji Ueitele naakalelipo yopaveta yAmupanda oya yi mumwe.

Amupanda: Okukondjitha omusinda omutiligane omolwa uuntu womuntu hanyama owala

Comments

Namibian Sun 2025-04-03

Please login to leave a comment

Amupanda: Okukondjitha omusinda omutiligane omolwa uuntu womuntu hanyama owala

Comments

Namibian Sun 2025-04-03

Please login to leave a comment

Login