Aanegumbo ya hupu moshiponga shopaala yolusheno ya gwila maandjawo
Aanegumbo omugoyi yomomukunda Oshaakondwa moshitopolwa shaShikoto oya haluka noonkondo sho opala yolusheno ya gwile maandjawo konima yomvula onene yi li mumwe nombepo ondhigu.
Oshiningwanima shika osha ningwa mOsoondaha lwopotundi 15:00, konima owala sho aanegumbo ya li omwiha.
Gwene gwegumbo ndika oSoini Nelago, nokwa kala mo megumbo naamwayinakadhona yatatu nuunona wawo.
Shi ikolela kuNelago, omvula oya li tayi loko ya dhiginina yi li mumwe nombepo ondhigu sho yu uvu oshinima shi ihata po.
“Mbalambala otwa zi mo moondunda dhetu notwa mono opaala yolusheno ya lala maandjetu. Oya ndonyona okapaleki niipeleki yongandjo yegumbo,” Nelago a hokolola.
“Nziya nziya onda lombwele kehe gumwe megumbo a landule ndje tu ye kaandjamushiinda hoka twa ka holama nolwanima otwa tseyithile Nored kombinga yoshiningwanima,
“Otwa lombwelwa twaa hedhe popepi negumbo, oshoka olusheno olwa nika oshiponga noonkondo,
“Otandi pandula Kalunga oshoka kelugo kakwa li omuntu noshowo sho egumbo inali pya po,”
Egumbo oli li pooha nopaala yolusheno (oometa 6).
Sho ya pulwa kutya omolwashike ya tungile egumbo lyawo pooha nopaala yolusheno shoka kaa shi holike, Nelago okwa ti oya fekele kutya oshinano shoometa hamano oshi li nawa ihe okwa zimine kutya okwaatala nawa owala kombinga yawo.
“Ngashingeyi otu shi shi kutya osha nika oshiponga notatu ka dhilula egumbo lyetu opo tu ye pehala lya gamenwa,”
Nelago okwi indile Aasamaria aanamutimahenda ye ya kwathe niitungitho, opo ya vule okulanda iipeleki iipe ya pingene po mbyoka ya ndonyoka.
“Otatu ka dhiluka. Otatu indile mboka taya vulu oku tu kwatha ye tu kwathe, oshoka omatungo ihaga inyenge otatu ga thigi po nenge tu ga mbonyone po.”
Sho a kwatakaniwa naye opo a tye ko sha, omupopiliko gwaNored, Simon Lukas okwa ti kashi li paveta okutunga kohi yopaala yolusheno, onkene oshihwepo okukwatathana naambelewa yoNored tango, opo ye ku pe uuyelele womondjila.
Lukas okwa ti oshinano shoometa 9 osho oshiwanawa noshihwepo.
“Okutunga pooha nenge kohi yopaala yolusheno kashi li paveta nosho etaaguluko lyoveta yegameno. Aluhe ohatu tsu omukumo aantu mboka ye na ehalo okutunga pooha noopaala dhetu dholusheno opo aluhe ya kwatathane natse opo tu ya pe uuyelele woshinano shu uthwa noshoometa 9 nenge 10 kokule nopaala yolusheno,” Lukas a ti.
[email protected]
Oshiningwanima shika osha ningwa mOsoondaha lwopotundi 15:00, konima owala sho aanegumbo ya li omwiha.
Gwene gwegumbo ndika oSoini Nelago, nokwa kala mo megumbo naamwayinakadhona yatatu nuunona wawo.
Shi ikolela kuNelago, omvula oya li tayi loko ya dhiginina yi li mumwe nombepo ondhigu sho yu uvu oshinima shi ihata po.
“Mbalambala otwa zi mo moondunda dhetu notwa mono opaala yolusheno ya lala maandjetu. Oya ndonyona okapaleki niipeleki yongandjo yegumbo,” Nelago a hokolola.
“Nziya nziya onda lombwele kehe gumwe megumbo a landule ndje tu ye kaandjamushiinda hoka twa ka holama nolwanima otwa tseyithile Nored kombinga yoshiningwanima,
“Otwa lombwelwa twaa hedhe popepi negumbo, oshoka olusheno olwa nika oshiponga noonkondo,
“Otandi pandula Kalunga oshoka kelugo kakwa li omuntu noshowo sho egumbo inali pya po,”
Egumbo oli li pooha nopaala yolusheno (oometa 6).
Sho ya pulwa kutya omolwashike ya tungile egumbo lyawo pooha nopaala yolusheno shoka kaa shi holike, Nelago okwa ti oya fekele kutya oshinano shoometa hamano oshi li nawa ihe okwa zimine kutya okwaatala nawa owala kombinga yawo.
“Ngashingeyi otu shi shi kutya osha nika oshiponga notatu ka dhilula egumbo lyetu opo tu ye pehala lya gamenwa,”
Nelago okwi indile Aasamaria aanamutimahenda ye ya kwathe niitungitho, opo ya vule okulanda iipeleki iipe ya pingene po mbyoka ya ndonyoka.
“Otatu ka dhiluka. Otatu indile mboka taya vulu oku tu kwatha ye tu kwathe, oshoka omatungo ihaga inyenge otatu ga thigi po nenge tu ga mbonyone po.”
Sho a kwatakaniwa naye opo a tye ko sha, omupopiliko gwaNored, Simon Lukas okwa ti kashi li paveta okutunga kohi yopaala yolusheno, onkene oshihwepo okukwatathana naambelewa yoNored tango, opo ye ku pe uuyelele womondjila.
Lukas okwa ti oshinano shoometa 9 osho oshiwanawa noshihwepo.
“Okutunga pooha nenge kohi yopaala yolusheno kashi li paveta nosho etaaguluko lyoveta yegameno. Aluhe ohatu tsu omukumo aantu mboka ye na ehalo okutunga pooha noopaala dhetu dholusheno opo aluhe ya kwatathane natse opo tu ya pe uuyelele woshinano shu uthwa noshoometa 9 nenge 10 kokule nopaala yolusheno,” Lukas a ti.
[email protected]
Comments
Namibian Sun
No comments have been left on this article