Oshikumungu shoCraft Bistro oshi li miikaha yompangu
Ompangu tayi ka pulakena eindilo ndyoka momasiku 27
Menindjela gwokefe yedhina Craft Bistro, Petra Illing okwa ningi eindilo lyompangu lyomeendelelo mOmpangu yoPombanda mOvenduka opo yi ye moshipala eshunitho lye koshilongo shaandjawo.
Omukwashigwana ngoka gwaNdowishi okwa ningi eindilo ndyoka oshiwike sha piti, shalandula sho a ka ningilwa omapulaapulo kaanambelewa yomatembu, omolwa okulongela moshilongo nomikanda dhaangushuluka nokukala woo ta ningi ongeshefa shaaheli paveta. Okwa li a pewa oowili 48 opo a kale a dhigapo Namibia.
Uupyakadhi mboka owe mu adha konima sho aaniilonga poCraft Bistro ya ningi ehololomadhilaadhilo omolwa kutya otaya ihumbatelwa nayi na inaya futwa oondjambi dhawo dhaNovemba gwomvula ya piti.
Illing okwa popi kutya ye omunangeshefa na okwa kala moshilongo uule woomvula 28, okuza momvula yo 1994.
Okwa kala nokuninga omaindilo gomikanda dhopakathimbo dhokulongela moNamibia, nomukanda gwe gwa hugunina ogwa ngushuluka momasiku 11 gaNovemba.
Aniwa okwa ningi eindilo lyuukwashigwana oshowo omukanda gwokulongela moNamibia gwopakathimbo ihe momasiku 9 gaJanuari okwa tseyithilwa kutya eindilo lye inali tambulwa.
Illing okwa hala ompangu yi gandje elombwelo kaanambelewa yomatembu opo ye mu pe omukanda gwopakathimbo gwokulongela moNamibia omanga eindilo lye lyuukwashigwana tali manithwa.
Aayamukuli mboka yeli aanambelewa moshikondo shomatembu oya holola kutya otaya ka pataneka eindilo lyongashiingeyi noku pula yapewe ompito ya gandje oshipotha shawo.
Oya zimine opo itaya katukile Illing oonkantu dhasha manga sigo kwa manithwa oshipotha.
Oshipotha shoka otashi ka pulakenwa mompangu momasiku 27 Januari, kOmupanguli mOmpangu yoPombanda Usiku Boas.
Pokati mpoka uuministei waaniilonga oshowo ooyene yokefe ndjoka oya tsukumwe nokushaina etsokumwe opo aaniilonga ayehe yapewe oondjambi dhawo na kape na ngoka ta kuthwa miilonga.
Uuyelele mboka owa gandjwa kuBernard Petrus guuministeli waaniilonga, ngoka a popi kutya okefe ndjoka oyi na aaniilonga ya thika po 15.
Okwa tsikile kutya Illing okwa li menindja poCraft Bistro.
“Ke na omikanda dhomondjila opo a kale mpoka. Oye eetitha uupyakadhi kongeshefa. Onda lombwele mwene gwehangano kutya inandi hala we omukiintu ngoka ta kwatele aaniilonga komeho.”
Illing aniwa kwa shunitha iifuta yolutayima yaaniilonga pevi na okwa tindi okuya futa.
Mwene gwehala ndyoka Urs Gamma okwa koleke kutya omukundu ogwa kandulwapo mekwatho lyaanambelewa yuuministeli waaniilonga.
Okwa popi kutya Illing keshi gumwe gwomooyene yongeshefa ihe omupunguli owala mongeshefa na okwa kala menindja sho ye e li pondje yoshilongo.
“Okwa kala owala pehala lyandje manga ndali nda zapo. Ngame onda valelwa moSwitzerland, na onda kala moNamibia okuza momvula yo 1992.”
Okwa popi kutya oshipotha osha patululilwa Michael Amushelelo omolwa okupiyaganeka ongeshefa ye nokuningila omatilitho aayakulwa ye.
Omunambelewa omupopiliko gwoshilando shaVenduka, Harold Akwenye okwa koleke kutya omukanda gwofitness certificate gwongeshefa ndjoka ogwa ngushuluka omvula ya piti. Ooyene oya tuminwa omatumwalaka ihe inaya ka ninga omaindilo omape. Akwenye okwa popi kutya omolwa omakonaakono ogendji ngoka gen okuningwa, aakonaakoni yoshilando inaya ka ninga naatango omakonaakono kongeshefa ndjoka ngaashi hashi ningwa.
Ohaku gandjwa egeelo lyooN$2 000, kwa gwedha iifuta yoopresenda 15, kiifuta yeindilo, kwaamboka ya ndopa okuningwa omaindilo gomikanda dhawo pethimbo.
Uupyakadhi mboka owe mu adha konima sho aaniilonga poCraft Bistro ya ningi ehololomadhilaadhilo omolwa kutya otaya ihumbatelwa nayi na inaya futwa oondjambi dhawo dhaNovemba gwomvula ya piti.
Illing okwa popi kutya ye omunangeshefa na okwa kala moshilongo uule woomvula 28, okuza momvula yo 1994.
Okwa kala nokuninga omaindilo gomikanda dhopakathimbo dhokulongela moNamibia, nomukanda gwe gwa hugunina ogwa ngushuluka momasiku 11 gaNovemba.
Aniwa okwa ningi eindilo lyuukwashigwana oshowo omukanda gwokulongela moNamibia gwopakathimbo ihe momasiku 9 gaJanuari okwa tseyithilwa kutya eindilo lye inali tambulwa.
Illing okwa hala ompangu yi gandje elombwelo kaanambelewa yomatembu opo ye mu pe omukanda gwopakathimbo gwokulongela moNamibia omanga eindilo lye lyuukwashigwana tali manithwa.
Aayamukuli mboka yeli aanambelewa moshikondo shomatembu oya holola kutya otaya ka pataneka eindilo lyongashiingeyi noku pula yapewe ompito ya gandje oshipotha shawo.
Oya zimine opo itaya katukile Illing oonkantu dhasha manga sigo kwa manithwa oshipotha.
Oshipotha shoka otashi ka pulakenwa mompangu momasiku 27 Januari, kOmupanguli mOmpangu yoPombanda Usiku Boas.
Pokati mpoka uuministei waaniilonga oshowo ooyene yokefe ndjoka oya tsukumwe nokushaina etsokumwe opo aaniilonga ayehe yapewe oondjambi dhawo na kape na ngoka ta kuthwa miilonga.
Uuyelele mboka owa gandjwa kuBernard Petrus guuministeli waaniilonga, ngoka a popi kutya okefe ndjoka oyi na aaniilonga ya thika po 15.
Okwa tsikile kutya Illing okwa li menindja poCraft Bistro.
“Ke na omikanda dhomondjila opo a kale mpoka. Oye eetitha uupyakadhi kongeshefa. Onda lombwele mwene gwehangano kutya inandi hala we omukiintu ngoka ta kwatele aaniilonga komeho.”
Illing aniwa kwa shunitha iifuta yolutayima yaaniilonga pevi na okwa tindi okuya futa.
Mwene gwehala ndyoka Urs Gamma okwa koleke kutya omukundu ogwa kandulwapo mekwatho lyaanambelewa yuuministeli waaniilonga.
Okwa popi kutya Illing keshi gumwe gwomooyene yongeshefa ihe omupunguli owala mongeshefa na okwa kala menindja sho ye e li pondje yoshilongo.
“Okwa kala owala pehala lyandje manga ndali nda zapo. Ngame onda valelwa moSwitzerland, na onda kala moNamibia okuza momvula yo 1992.”
Okwa popi kutya oshipotha osha patululilwa Michael Amushelelo omolwa okupiyaganeka ongeshefa ye nokuningila omatilitho aayakulwa ye.
Omunambelewa omupopiliko gwoshilando shaVenduka, Harold Akwenye okwa koleke kutya omukanda gwofitness certificate gwongeshefa ndjoka ogwa ngushuluka omvula ya piti. Ooyene oya tuminwa omatumwalaka ihe inaya ka ninga omaindilo omape. Akwenye okwa popi kutya omolwa omakonaakono ogendji ngoka gen okuningwa, aakonaakoni yoshilando inaya ka ninga naatango omakonaakono kongeshefa ndjoka ngaashi hashi ningwa.
Ohaku gandjwa egeelo lyooN$2 000, kwa gwedha iifuta yoopresenda 15, kiifuta yeindilo, kwaamboka ya ndopa okuningwa omaindilo gomikanda dhawo pethimbo.
Comments
Namibian Sun
No comments have been left on this article