Ombedhi oyaNEFF mwene – ECN
Olugodhi olululu pokati kongundu yopapolitika yoNamibia Economic Freedom Fighters (NEFF) nOkakomisi kOmahogololo moNamibia olwa tameke ohela mOmpangu yopOmbanda yaVenduka.
Pethimbo lyepulakeno lyoshipotha shomeendelelo - sho NEFF ta kondjitha etokolo lyokakomisi NEFF kaa kale we ongundu yopapolitika- Okakomisi kOmahogololo oka ti ongundu nayi iyulike omunwe yoyene molwa okwaa kala we ongundu yopapolitika oshoka inayi landula omilandu "dha yela notadhi dhengele" dhoveta yomahogololo.
Nonande NEFF okwi itaala kutya eindilo lye endelela oli iwetikile omolwa omahogololo twa taalela, Okakomisi otaka ti endelelo ndika olye etwa kongundu yoyene.
“Omutulimo gweindilo [NEFF] ita vulu okwiidhimbika oveta, okulonga e li ompinge nayo, nokutaamba omayambidhidho gopashimaliwa okuza kepangelo nokwiidhimbika oveta, nokudhimbulukithwa olundji a landule oveta ashike okwa ndopa natango, a hiwa a tume aakalelipo nenge a pulakenwe nokwiidhimbike natango, ashike sho onkatu ya katukwa, okwa tondokela kompangu nokutya eindilo olyomeendelelo. Eendelelo olye etithwa komuntu [kongundu], Okakomisi kOmahogololi ka ti, kutya netompelo ndyoka, oshipotha nashi ekelwehi kompangu.
Oshipotha osho shotango sholudhi ndoka
Ohela, NEFF okwa ti komeho gOmupanguli Thomas Masuku kutya Okakomisi oka endelele mokuninga etokolo noina ka dhiladhila nawa noshe eta ka taaguluke oveta, noshowo okatendo 17 nokati18 kEkotampango lyaNamibia.
“Shika oshipotha shomeendelelo shesimano enene pakotampango oshoka osha guma etulo miilonga lyetokolo lye endelela notashi vulika ewinayi lyokwaa kala we ongundu kwongundu yopapolitika yi na aayambidhidhi niilyo mOmutumba gwoPashigwana,” NEFF okwa ti, nokundjandjukununa kutya yo ongundu yopapolitika onshona yiilyo naayambidhidhi ye li lwopomayovi ethele.
Omukalelipo gwopaveta gwongundu Kadhila Amoomo okwa holola wo ohela kutya oonkundathana dhohela odho dhotango dha tya ngaaka mondjokonona yoompangu moNamibia onkene kape na oodokumende dhopaveta dhe yi pamba.
NEFF okwa ti wo pandjokonona oongundu dhopapolitika odhindji ohadhi ndopa okulandula omilandu ndhoka dhe eta yaa kale we ongundu yopapolitika. “ Onkene itashi tsu kumwe, osha samapala nethindilo kongudhi okutotha mo[NEFF] i iyuthe lelalela komalombwelo," ongundu ya holola moodokumende dhawo mompangu.
‘Ohaluka’
Okwaauvathana okwa landula shoNEFF a ndopa oshiwike sha zi ko meindilo lye kOmpangu yOmahogololo shi na sha nokwaa kala we kwe ongundu yopapolitika. Ongundu oya tseyithilwa etokolo lyokakomisi muJuni nuumvo.
Okakomisi oka ti oka lombwele oongundu dhopapolitika muJuni 2023 kutya nadhi tume omishangwahokololo dhawo dhiiniwe muule woomwedhi hamano. Anuwa NEFF okwa gwedhelwa ko sigo 30 Novemba 2023 a kale i iyutha kelombwelo.
Esiku lyahugunina lyaNEFF, lyo24 Apilili 2024, otaku hokololwa lya lundululilwa 30 Juni. Kakele, ongundu otayi ti esiku natango olya lundululilwa 10 Mai.
Omayalulilo gamwe gaNEFF oge ya mo owala mu4 Juni nongundu oya ti kutya Okakomisi oke ya lombwele kutya olutuwiliki lwomahogololo olwa tegelela okuyakula omishangwahokololo dha kolota ko meendeleleo ngaashi tashi vulika.
NEFF okwiitala kutya kapwa li endhindhiliko lyasha lyehalo okuninga ongundu yopapolitika yaa kale ongundu yopapolitika.
"Ohaluka, kakele koonkundathana dholela notadhi tsikile, ombaadhilila [okakomisi] oka tokola ongundu yaa kale ongundu yopapolitika, sha ningwa haa li paveta mo17 Juni."
Okwaauvathana
Ongundu oya nyenyeta kutya etokolo lyOkakomisi oli li ompinge nOkatendo 17 kekotampango hoka ta ka popi kombinga yuuthemba womuntu okukutha ombinga miinyangadhalwa yopapolitika yopambili. Ongundu oya ti wo etokolo oli li ompinge nOkatokolitho 18, hoka ka tegelela omalutuwiliki ga longe pauyuuki nonomadhiladhilo nokwiiyutha koveta nokoompango.
Pokati mpoka, NEFF okwa ti kutya okwaa kala we ongundu kwawo otaku kondjitha oveta yomahogololo oshoka ongundu yopapolitika inayi pewa ompito yi pulakenwe manga etokolo inaali ningwa.
– [email protected]
Pethimbo lyepulakeno lyoshipotha shomeendelelo - sho NEFF ta kondjitha etokolo lyokakomisi NEFF kaa kale we ongundu yopapolitika- Okakomisi kOmahogololo oka ti ongundu nayi iyulike omunwe yoyene molwa okwaa kala we ongundu yopapolitika oshoka inayi landula omilandu "dha yela notadhi dhengele" dhoveta yomahogololo.
Nonande NEFF okwi itaala kutya eindilo lye endelela oli iwetikile omolwa omahogololo twa taalela, Okakomisi otaka ti endelelo ndika olye etwa kongundu yoyene.
“Omutulimo gweindilo [NEFF] ita vulu okwiidhimbika oveta, okulonga e li ompinge nayo, nokutaamba omayambidhidho gopashimaliwa okuza kepangelo nokwiidhimbika oveta, nokudhimbulukithwa olundji a landule oveta ashike okwa ndopa natango, a hiwa a tume aakalelipo nenge a pulakenwe nokwiidhimbike natango, ashike sho onkatu ya katukwa, okwa tondokela kompangu nokutya eindilo olyomeendelelo. Eendelelo olye etithwa komuntu [kongundu], Okakomisi kOmahogololi ka ti, kutya netompelo ndyoka, oshipotha nashi ekelwehi kompangu.
Oshipotha osho shotango sholudhi ndoka
Ohela, NEFF okwa ti komeho gOmupanguli Thomas Masuku kutya Okakomisi oka endelele mokuninga etokolo noina ka dhiladhila nawa noshe eta ka taaguluke oveta, noshowo okatendo 17 nokati18 kEkotampango lyaNamibia.
“Shika oshipotha shomeendelelo shesimano enene pakotampango oshoka osha guma etulo miilonga lyetokolo lye endelela notashi vulika ewinayi lyokwaa kala we ongundu kwongundu yopapolitika yi na aayambidhidhi niilyo mOmutumba gwoPashigwana,” NEFF okwa ti, nokundjandjukununa kutya yo ongundu yopapolitika onshona yiilyo naayambidhidhi ye li lwopomayovi ethele.
Omukalelipo gwopaveta gwongundu Kadhila Amoomo okwa holola wo ohela kutya oonkundathana dhohela odho dhotango dha tya ngaaka mondjokonona yoompangu moNamibia onkene kape na oodokumende dhopaveta dhe yi pamba.
NEFF okwa ti wo pandjokonona oongundu dhopapolitika odhindji ohadhi ndopa okulandula omilandu ndhoka dhe eta yaa kale we ongundu yopapolitika. “ Onkene itashi tsu kumwe, osha samapala nethindilo kongudhi okutotha mo[NEFF] i iyuthe lelalela komalombwelo," ongundu ya holola moodokumende dhawo mompangu.
‘Ohaluka’
Okwaauvathana okwa landula shoNEFF a ndopa oshiwike sha zi ko meindilo lye kOmpangu yOmahogololo shi na sha nokwaa kala we kwe ongundu yopapolitika. Ongundu oya tseyithilwa etokolo lyokakomisi muJuni nuumvo.
Okakomisi oka ti oka lombwele oongundu dhopapolitika muJuni 2023 kutya nadhi tume omishangwahokololo dhawo dhiiniwe muule woomwedhi hamano. Anuwa NEFF okwa gwedhelwa ko sigo 30 Novemba 2023 a kale i iyutha kelombwelo.
Esiku lyahugunina lyaNEFF, lyo24 Apilili 2024, otaku hokololwa lya lundululilwa 30 Juni. Kakele, ongundu otayi ti esiku natango olya lundululilwa 10 Mai.
Omayalulilo gamwe gaNEFF oge ya mo owala mu4 Juni nongundu oya ti kutya Okakomisi oke ya lombwele kutya olutuwiliki lwomahogololo olwa tegelela okuyakula omishangwahokololo dha kolota ko meendeleleo ngaashi tashi vulika.
NEFF okwiitala kutya kapwa li endhindhiliko lyasha lyehalo okuninga ongundu yopapolitika yaa kale ongundu yopapolitika.
"Ohaluka, kakele koonkundathana dholela notadhi tsikile, ombaadhilila [okakomisi] oka tokola ongundu yaa kale ongundu yopapolitika, sha ningwa haa li paveta mo17 Juni."
Okwaauvathana
Ongundu oya nyenyeta kutya etokolo lyOkakomisi oli li ompinge nOkatendo 17 kekotampango hoka ta ka popi kombinga yuuthemba womuntu okukutha ombinga miinyangadhalwa yopapolitika yopambili. Ongundu oya ti wo etokolo oli li ompinge nOkatokolitho 18, hoka ka tegelela omalutuwiliki ga longe pauyuuki nonomadhiladhilo nokwiiyutha koveta nokoompango.
Pokati mpoka, NEFF okwa ti kutya okwaa kala we ongundu kwawo otaku kondjitha oveta yomahogololo oshoka ongundu yopapolitika inayi pewa ompito yi pulakenwe manga etokolo inaali ningwa.
– [email protected]
Comments
Namibian Sun
No comments have been left on this article