Aatangalali ya lombwelwa ya kaleke oshigongi shawo
Omukwaniilwa gUukwambi a vene po oshipotha
Oshigongi sha li sha longekidhwa okukundathana euliko lyomukwaniilwa omupe osha ndopa mompangu.
Ompangu yopombanda mEtitano oya tokola kutya Elelo lyOpamuthigululwakalo lyUukwambi nali longithe oonkondo dhopaveta mepangelo lyoshilongo shUukwambi nokape na oshituthi tashi ka dhanwa mUukwambi kashi shi papitikilo lyelelo lyopamuthigululwakalo.
Etokolo ndika olya ningwa meindilo lyomeendelelo oshoka elelo lyopamuthigululwakalo inali nyanyukilwa iilyo yalyo iyali.
Iilyo, William Amwaama naSeblon Shivolo, oya li ya longekidha okudhimbulukwa etyapulo omwedhi gwa zi ko kashi li paziminino lyelelo lyopamuthigululwakalo.
Kakele, manga esiku 17 Auguste inali thika, ompangu oya tula po ondjindikila tayi keelele eyokomeho lyoshituthi.
Omupanguli Thomas Masuku okwa tokola mEtitano eindilo lyomeendelelo kutya Elelo oli na uuthemba wopaveta wokukondolola iituthi ayihe yopamuthigululwakalo mepangelo lyawo.
Shi ikolela kelombwelo lyompangu, Amwaama naShivolo oyi indilwa yaa dhimbulukwe oshituthi shika nenge yaa tsikile nomalongekidho gasho. Oshikwawo, inaya pumbwa okutotha mo 15 Auguste, nenge omasiku galwe, ongo esiku lyedhimbuluko lyaakwaniilwa yUukwambi.
"Ondjindikila oya tulwa po ku gamenwe oonkondo dhElelo lyOpamuthigululwakalo lyUukwambi mokukeelela kehe shimwe shoka tashi vulu okweeta omapiyagano moshilongo," oshikalimo shetokolo tashi ti.
Etokolo olya tokola wo kutya Amwaama naShivolo naya fute iifuta yopaveta yElelo.
Ondjokonona
Elelo lyopamuthigululwakalo olya hokolola modokumente yalyo kutya oshituthi shoka osha faathana naashoka elelo lyopamuthigululwakalo tali ka dhana omumvo tagu ya.
"Oya li ya tseyithilwa kutya oshituthi shoka sha longekidhwa inashi pitikwa noshi li ompinge noveta yelelo. Oshoka otashi vulu okweeta omahilathano, noshowo okuyona ombili nelandulathano moshigwana," Chief Herman Iipumbu a ti.
Okwa gwedha po kutya Amwaama naShivolo oya li yi indilwa yaa dhimbulukwe oshituthi; ashike oya tindi.
Anuwa Iipumbu okwa tompelwa wo kutya omaihumbato gAmwaama naShivolo oga li taga lalakanene okupukitha oshigwana nokwiitaala wo kutya oya li taya longitha oshituthi onguupitilo wokuhwahwameke euliko "lyomukwaniilwa omupe gwUukwambi" noku mu ninga omuulikwalangekwa shaa li pamulandu.
Masuku metokolo lye okwa dhimbulula kutya Amwaama naShivolo oyi ihumbata nayi (shaa li paveta) naashika otashi vulu okuteya po ombili nuukumwe.
Etokolo ndika olya ningwa meindilo lyomeendelelo oshoka elelo lyopamuthigululwakalo inali nyanyukilwa iilyo yalyo iyali.
Iilyo, William Amwaama naSeblon Shivolo, oya li ya longekidha okudhimbulukwa etyapulo omwedhi gwa zi ko kashi li paziminino lyelelo lyopamuthigululwakalo.
Kakele, manga esiku 17 Auguste inali thika, ompangu oya tula po ondjindikila tayi keelele eyokomeho lyoshituthi.
Omupanguli Thomas Masuku okwa tokola mEtitano eindilo lyomeendelelo kutya Elelo oli na uuthemba wopaveta wokukondolola iituthi ayihe yopamuthigululwakalo mepangelo lyawo.
Shi ikolela kelombwelo lyompangu, Amwaama naShivolo oyi indilwa yaa dhimbulukwe oshituthi shika nenge yaa tsikile nomalongekidho gasho. Oshikwawo, inaya pumbwa okutotha mo 15 Auguste, nenge omasiku galwe, ongo esiku lyedhimbuluko lyaakwaniilwa yUukwambi.
"Ondjindikila oya tulwa po ku gamenwe oonkondo dhElelo lyOpamuthigululwakalo lyUukwambi mokukeelela kehe shimwe shoka tashi vulu okweeta omapiyagano moshilongo," oshikalimo shetokolo tashi ti.
Etokolo olya tokola wo kutya Amwaama naShivolo naya fute iifuta yopaveta yElelo.
Ondjokonona
Elelo lyopamuthigululwakalo olya hokolola modokumente yalyo kutya oshituthi shoka osha faathana naashoka elelo lyopamuthigululwakalo tali ka dhana omumvo tagu ya.
"Oya li ya tseyithilwa kutya oshituthi shoka sha longekidhwa inashi pitikwa noshi li ompinge noveta yelelo. Oshoka otashi vulu okweeta omahilathano, noshowo okuyona ombili nelandulathano moshigwana," Chief Herman Iipumbu a ti.
Okwa gwedha po kutya Amwaama naShivolo oya li yi indilwa yaa dhimbulukwe oshituthi; ashike oya tindi.
Anuwa Iipumbu okwa tompelwa wo kutya omaihumbato gAmwaama naShivolo oga li taga lalakanene okupukitha oshigwana nokwiitaala wo kutya oya li taya longitha oshituthi onguupitilo wokuhwahwameke euliko "lyomukwaniilwa omupe gwUukwambi" noku mu ninga omuulikwalangekwa shaa li pamulandu.
Masuku metokolo lye okwa dhimbulula kutya Amwaama naShivolo oyi ihumbata nayi (shaa li paveta) naashika otashi vulu okuteya po ombili nuukumwe.
Comments
Namibian Sun
No comments have been left on this article