Ehangano lyoRoads Aauthority tali ka longulula oopate molwa Opaasa

Omukuluntu-pitithi gwehangano lyoRoads Authority Conrad Lutombi okwa talele po iitopolwa mbyoka ya dhengwa nayi kefundja konooli yoshilongo mEtine, e shi ningi nelalakano lyokwoopaleka oopate manga Opaasa inayi thika.Lutombi tango okwa talele po ngoloneya gwoshitopolwa shaShana Elia Irimari manga inaa ka konakona nkene onkalo yi li komahala ngoka ge li popepi nondjila yOnamutuku-Onkani (D3643) noShoni-Onaanda-Omapopo.Lutombi okwa tengeneke kutya oshimaliwa shoomiliona N$230 otashi ka longithwa mokwoopaleka nokulongulula oopate dha yonagulwa kefundja miitopolwa Oshana, Oshikoto, Ohangwena, Omusati noKunene, mwa kwatelwa okugwedha mo uundjila wokungulukila omeya, opo opate ya ka teke po monakuyiwa.Okwa koleke kutya uupate owundji womamanya owa kungululwa po, nuupate wumwe owu li kohi yomeya.“Oopate odhindji odha kungululwa po komeya, naashika osha guma omahupilo miitopolwa mbyoka, naantu oyendji itaya mono we omayakulo ga simana,” Lutombi a ti.Moshitopolwa shaKunene, opate onene yomOpuwo oya teka nayi, omanga kOshitopolwa shaMusati oopate dhimwe odha teka nenge dha kungululwa po thiluthilu.Oshitopolwa shaShana nasho osha gumwa kefundja, nokapate kopOkapya oka teka po unene.MOshikoto, ondjila ndjoka yu uka kOlukonda oya yonagulwa noonkondo, omanga ondjila yEndola-Ongenga mOshitopolwa shaHangwena nayo oyi li kohi yomeya.“Eitulomo lyehangano lyoRA okulongulula oopate manga Opaasa inayi thika otaku gandja etegameno kaakwashigwana mboka taya nyengwa a okwiinyenga nokumona omayakulo ga simana miitopolwa mbyoka ya dhengwa ya lila kefundja,” Lutombi a ti.

Ehangano lyoRoads Aauthority tali ka longulula oopate molwa Opaasa

Comments

Namibian Sun 2025-04-16

Please login to leave a comment

Ehangano lyoRoads Aauthority tali ka longulula oopate molwa Opaasa

Comments

Namibian Sun 2025-04-16

Please login to leave a comment

Login