Oomilalo inaadhi gamenwa pethimbo lyekondjo noHIV tadhi halutha
Oombwanda ohadhi itula moshiponga molwa oshimaliwa sha kola
Ehitililokonakono lyaNamibian Sun olya ulika kutya molwa uudhigu wokwaa na iilonga, aagundjuka moNamibia otaa ilanditha ya mone oshimaliwa.
Uuministeli wuundjolowele moNamibia owa holola omaipulo gawo kombinga yoombwanda taku hokololwa hadhi yi momilalo inaadhi gamenwa olundji nelalakano dhi pewe oshimaliwa sha kola, shoka tashi ulike ompito onene yokukwatwa komukithi gwoHIV/AIDS.
Ehitililokonakono lyaNamibian Sun olya mono kutya omaihumbato ngoka omathimbo gamwe otaga ningilwa owina koombwanda. Oombwanda dhimwe odha zimina okwiitula moshiponga shokuya momilalo inaadhi gamenwa netegameno lyokupewa okamaliwa okendji.
Shika osha landula okartikle ka pitile moNamibian Sun, hoka ka holola kutya ‘aagundjuka yaa na iilonga’ oya ya muumbwanda wokomalungula pethimbo okwaa na iilonga kwa vuka moNamibia, nohaya yi ‘momilalo inaa dhi gamenwa.'
Okuyamukula kiizemo, amushanga omukuluntu muuministeli wuundjolowele Ben Nangombe okwa ti shika oshiponga tashi etele omuntu notashi yi moshipala ondungethaneko yoshilongo okukomba mo HIV/AIDS okuthika ko2030.
“Shika otashi yi moshipala oonkambadhala dhaNamibia okushonopeka ombuto yoHIV nokukondolola nokukomba moAIDS mo2030, okupitila miilalakanenwa yopolohalama yoUNAIDS yo95-95-95,” okwa londodha.
Aantu ye li moshiponga oshinene
Nangombe okwa ti okugamena aantu mbaka osha simana noonkondo kuuministeli. Okwa koleke kutya kakele keyokomeho lyoshilongo tali pandulwa lyokukondjitha omukithi gwoHIV/Aids, omaihumbato gopamilalo gaagundjuka otaga tsikile okuya moshipala oonkambadhala ndhika.
“Nonando ombuto yoHIV oya guma aantu ayehe, oongundu dhimwe, ngaashi oombwanda, odha talika ko onga dhi li moshiponga oshinene,” Nangombe okwa holola.
Okwa ti oombwanda odha taalela oshiponga oshinene shokukwatwa kombuto yoHIV sho hadhi yi momilalo inaadhi gamenwa notadhi taandeleke ombuto mokwaashiwo kaantu yalwe okupitila momakwatathano naapopepi.
Omayalulo gopaife okuza kuuministeli oga holola kutya konyala aantu 220 000 otaa lumbu nombuto yoHIV moNamibia. Shi ikolela kuamushanga omukuluntu muuministeli wuundjolowele, oopelesenda dhaantu ya kwata kombuto yoHIV otadhi tengenekelwa 8.3% nodha yooloka koshitopolwa noshitopolwa, okuza 5.1% moKhomas okuya 16% moZambezi.
“Omukuluntu, okuza poomvula 15 okuya 49, aakuluntu taa lumbu nombuto oye li 11%. Aakiintu naalumentu taa lumbu nombuto oye li poopelesenda 14.2 noopelesenda 7.7. Naakiintu aagundjuka ye na ombuto yoHIV oya tengenekelwa 5.7%, oombwanda tadhi lumbu nombuto odha tengenekelwa poopelesenda 29.9,” Nangombe a holola.
Oonkambadhala dhokukomba mo oAIDS
Oonkambadhala dhuuministeli wuundjolowele dhokukomba moAIDS okuthika mo 2030 odha kwatela mo “okulonga neitulemo ku kwashilipalekwe oombwanda odha pewa omayakulo gokukeelela ombuto yo HIV nokusilwa oshimpwiyu.”
Nangombe okwa dhenge omuthindo kutya “Ekeelelo lyombuto yoHIV nomayakulo gesiloshimpwiyu ogoshali notaga monika miipangelo ayihe moshilongo."
Okwa gwedha po kutya uuministeli kondandalunde owa tala kokutula po oopolohalama tadhi longo nawa dhokukeelela ombuto yoHIV maantu ayehe, mwa kwatelwa oombwanda.
"Omayakulo ngaka oga kwatela mo okukonakonwa ombuto yoHIV, oopela dhokulelepeka onkalamwenyo, oongumi, oopela hadhi gandjwa mbalambala konima yokukwata kombuto (PEP) noopela hadhi gandjwa ku keelelwe okukwatwa kombuto (PrEP),” okwa ndjandjukununa.
Okwa gwedha po: “Otwa nkondopeka ekwatelemo lyuundjolowele wopaihulo nowopaivalitho, oluvalo lwa longekidhwa, omahepeko gopaukashikekookantu miipangelo yepangelo, ku talwe kekeelelo lyombuto yoHIV, esiloshimpwiyu nepango lyaavu.”
Eyokomeho
Shi ikolela ku Nangombe, oopolohalama dhepangelo , ndhoka dha tala koonkambadhala dhokuhwepopaleka okumona omayakulo guundjolowele , oga simana mokuungaunga niiponga nokukwashilipaleka eyokomeho tali kalele.
“Omikalo odha kwatela mo okuya koshigwana olundji nokulonga noomakula miitopolwa ya gumwa noonkondo, okudheula aapangi ya kale nohenda, nokuninga omayakulo guundjolowele omapu nokumona kongundu dha gumwa lela,” okwa ti.
Okwa gwedha po kutya omayalulo okuza ko UNAIDS ogo uumbangi weyokomeho lyoshilongo mokukondjitha moHIV/Aids, oshoka osha ndhindhilikwa aantu yoopelesenda 95 taa lumbu nombuto yoHIV oye shi mpoka ya thikama.
“Konyala oopelesenda 97 odhi li kepango, noopelesenda 94 aakwiita yolutu oya kola. Oshilongo oshi itula mo mokukomba Mo AIDS mokwaadha iilalakanenwa yo 97-97-97 mo2028, shi ikolela komulandu gopashigwana gokungaunga noHiv gwo2023 sigo 2028,” okwa fatulula.
Ehitililokonakono lyaNamibian Sun olya mono kutya omaihumbato ngoka omathimbo gamwe otaga ningilwa owina koombwanda. Oombwanda dhimwe odha zimina okwiitula moshiponga shokuya momilalo inaadhi gamenwa netegameno lyokupewa okamaliwa okendji.
Shika osha landula okartikle ka pitile moNamibian Sun, hoka ka holola kutya ‘aagundjuka yaa na iilonga’ oya ya muumbwanda wokomalungula pethimbo okwaa na iilonga kwa vuka moNamibia, nohaya yi ‘momilalo inaa dhi gamenwa.'
Okuyamukula kiizemo, amushanga omukuluntu muuministeli wuundjolowele Ben Nangombe okwa ti shika oshiponga tashi etele omuntu notashi yi moshipala ondungethaneko yoshilongo okukomba mo HIV/AIDS okuthika ko2030.
“Shika otashi yi moshipala oonkambadhala dhaNamibia okushonopeka ombuto yoHIV nokukondolola nokukomba moAIDS mo2030, okupitila miilalakanenwa yopolohalama yoUNAIDS yo95-95-95,” okwa londodha.
Aantu ye li moshiponga oshinene
Nangombe okwa ti okugamena aantu mbaka osha simana noonkondo kuuministeli. Okwa koleke kutya kakele keyokomeho lyoshilongo tali pandulwa lyokukondjitha omukithi gwoHIV/Aids, omaihumbato gopamilalo gaagundjuka otaga tsikile okuya moshipala oonkambadhala ndhika.
“Nonando ombuto yoHIV oya guma aantu ayehe, oongundu dhimwe, ngaashi oombwanda, odha talika ko onga dhi li moshiponga oshinene,” Nangombe okwa holola.
Okwa ti oombwanda odha taalela oshiponga oshinene shokukwatwa kombuto yoHIV sho hadhi yi momilalo inaadhi gamenwa notadhi taandeleke ombuto mokwaashiwo kaantu yalwe okupitila momakwatathano naapopepi.
Omayalulo gopaife okuza kuuministeli oga holola kutya konyala aantu 220 000 otaa lumbu nombuto yoHIV moNamibia. Shi ikolela kuamushanga omukuluntu muuministeli wuundjolowele, oopelesenda dhaantu ya kwata kombuto yoHIV otadhi tengenekelwa 8.3% nodha yooloka koshitopolwa noshitopolwa, okuza 5.1% moKhomas okuya 16% moZambezi.
“Omukuluntu, okuza poomvula 15 okuya 49, aakuluntu taa lumbu nombuto oye li 11%. Aakiintu naalumentu taa lumbu nombuto oye li poopelesenda 14.2 noopelesenda 7.7. Naakiintu aagundjuka ye na ombuto yoHIV oya tengenekelwa 5.7%, oombwanda tadhi lumbu nombuto odha tengenekelwa poopelesenda 29.9,” Nangombe a holola.
Oonkambadhala dhokukomba mo oAIDS
Oonkambadhala dhuuministeli wuundjolowele dhokukomba moAIDS okuthika mo 2030 odha kwatela mo “okulonga neitulemo ku kwashilipalekwe oombwanda odha pewa omayakulo gokukeelela ombuto yo HIV nokusilwa oshimpwiyu.”
Nangombe okwa dhenge omuthindo kutya “Ekeelelo lyombuto yoHIV nomayakulo gesiloshimpwiyu ogoshali notaga monika miipangelo ayihe moshilongo."
Okwa gwedha po kutya uuministeli kondandalunde owa tala kokutula po oopolohalama tadhi longo nawa dhokukeelela ombuto yoHIV maantu ayehe, mwa kwatelwa oombwanda.
"Omayakulo ngaka oga kwatela mo okukonakonwa ombuto yoHIV, oopela dhokulelepeka onkalamwenyo, oongumi, oopela hadhi gandjwa mbalambala konima yokukwata kombuto (PEP) noopela hadhi gandjwa ku keelelwe okukwatwa kombuto (PrEP),” okwa ndjandjukununa.
Okwa gwedha po: “Otwa nkondopeka ekwatelemo lyuundjolowele wopaihulo nowopaivalitho, oluvalo lwa longekidhwa, omahepeko gopaukashikekookantu miipangelo yepangelo, ku talwe kekeelelo lyombuto yoHIV, esiloshimpwiyu nepango lyaavu.”
Eyokomeho
Shi ikolela ku Nangombe, oopolohalama dhepangelo , ndhoka dha tala koonkambadhala dhokuhwepopaleka okumona omayakulo guundjolowele , oga simana mokuungaunga niiponga nokukwashilipaleka eyokomeho tali kalele.
“Omikalo odha kwatela mo okuya koshigwana olundji nokulonga noomakula miitopolwa ya gumwa noonkondo, okudheula aapangi ya kale nohenda, nokuninga omayakulo guundjolowele omapu nokumona kongundu dha gumwa lela,” okwa ti.
Okwa gwedha po kutya omayalulo okuza ko UNAIDS ogo uumbangi weyokomeho lyoshilongo mokukondjitha moHIV/Aids, oshoka osha ndhindhilikwa aantu yoopelesenda 95 taa lumbu nombuto yoHIV oye shi mpoka ya thikama.
“Konyala oopelesenda 97 odhi li kepango, noopelesenda 94 aakwiita yolutu oya kola. Oshilongo oshi itula mo mokukomba Mo AIDS mokwaadha iilalakanenwa yo 97-97-97 mo2028, shi ikolela komulandu gopashigwana gokungaunga noHiv gwo2023 sigo 2028,” okwa fatulula.
Comments
Namibian Sun
No comments have been left on this article