Omiti dha pumba: Shangula ‘itaa thuwa uusiku nomutenya’
Minista yuundjolowele Dr Kalumbi Shangula okwa koleke kutya iikwanipangitho yuundjolowele nomiti otadhi nyangwanyangwa miipangelo yepangelo, nokwa kwashilipaleke oshigwana kutya uuministeli owa tula ombunda moshihwa wu ungaunge nomukundu nguka. “Itatu thuwa uusiku nomutenya. Otatu longo twaa na oluthuwo tu kandule po omukundu nguka. Kakele, okulanda omiti kaku shi okupu ngaashi okuya mostola oku ka landa iilandomwa. Ohatu talelwa komahangano haga kondolola elando lyomiti miilongo moka hatu landa omiti noku dhi eta moshilongo. Kehe shimwe ohashi kondololwa lela," okwa ti.
Ompumbwe yomiti oya kala nokwiipulwa uule woomwedhi, shoka tashi yemateke noonkondo aavu naaniilonga yuundjolowele. Kuyele oshiwike shika, aakalimo yomomukunda Eenghalashe moshitopolwa Omusati oya yile kokaklinika, hoka ka li ta ka gandja omiti pendiki lyuundjolowele momukunda gwawo. Kakele, aakokele oya thigwa ya yemata, konima yethimbo ya kala momukweyo, oya lombwela kape na oopela dhombinzi ya londa. Oyendji oye enda iinano iile, ashike oya tuminwa kooapteka dhopaumwene nenge kiipangelo yilwe kokulekule taa kutha moondjato dhawo.
Oondohotola dha lulilwa
Omahitililo goNamibian Sun kuyele omwedhi nguka oga ulike eshololo tali tsikile lyoondohotola moshipangelo shaRundu, unenenee mosaala yomathikilo, omolwa omiti dha pumbiwa olundji itaadhi monika. Ndohotola gumwe, ngoka inaa hala okutumbulwa kedhina okwa lombwele Namibian Sun kutya olundji oha kala u uvite “kee na oonkondo dhasha”, ongo taa mbweenga aavu omolwa okwaa po komiti (epango) dha simana.“Ohashi ku ningi wu kale waa na oshilonga. Uuna twaa na omakende gomeya nombinzi, oho thigwa to ipula nkene to kwathele omuvu. Iikunguluki yimwe oya pumbiwa yi kwathe omuvu, ashike uuna kaa pe nasha, oho thigwa waa na nkene wu ninga, okwa ti.
Aanuuvu yopamadhiladhilo ohaa wendwa ya ngungumane
Konima yoomwedhi ndatu, Namibian Sun okwa kundaneke kutya oondohotola naapangi moshipangelo shepangelo shaShakati oya tokola okuwenda aavu ya yande okudhengwa kaanuuvu yopamadhiladhilo omolwa omiti dhokupanga uuvu wopamadhiladhilo dha pumba noonkondo, uule woomwedhi ngashingeyi. Aavu taa alukwa oshizimbi noonkwengu ohaa shunithwa komagumbo yaa na omiti dhawo, oshoka oshipangelo kashi na omiti ethimbo lya konda pomvula, oondohotola dha lombwele Namibian Sun. Ndohotola ngoka inaa hala okutumbulwa kedhina okwa hokolola onkalo ondhigu nomaihumbato guuhwapindi gaavu, ngoka ga kwatela mo okufegula, okulumata nokudhenga aavu aakwawo nenge aaniilonga yuundjolowele, nenge okwiimonitha oshiponga yoyene.
Shoka oshiwinayi, ndohotola a ndhindhilike, osho kutya aavu mbaka otashi vulika inaa tseya shoka taa ningi, noshizemo, yamwe oya pumbwa okumangwa. Gandjeni uusama kOveta yopetameko lyomwedhi nguka, Shangula okwa tseyithile Egumbo lyOpashigwana kutya otendela yomumvogu yokumbestela omiti inayi potokonoka natango omolwa olugodhi lwopaveta lu li kompangu. Okwa li ta yamukula komapulo ga pulwa koshilyo shongundu yoRepublican (RP) mOmutumba gwOpashigwana Herlinde Tjiveze ngoka ga li kombinga yomiti tadhi nyangwanyangwa miipangelo yepangelo. Shangula okwa fatulula kutya omashongo ge etwa kOveta yOmambestelo otayi pula omahangano ga mbestele omiti okupitila moCentral Procurement Board of Namibia. Mokuyamukula komakateko, uuministeli otau tala komikalo dhilwe dhi li paveta opo ya ungaunge nomiti ndhika tadhi nyangwanyangwa, okwa fatulula.
[email protected]
Ompumbwe yomiti oya kala nokwiipulwa uule woomwedhi, shoka tashi yemateke noonkondo aavu naaniilonga yuundjolowele. Kuyele oshiwike shika, aakalimo yomomukunda Eenghalashe moshitopolwa Omusati oya yile kokaklinika, hoka ka li ta ka gandja omiti pendiki lyuundjolowele momukunda gwawo. Kakele, aakokele oya thigwa ya yemata, konima yethimbo ya kala momukweyo, oya lombwela kape na oopela dhombinzi ya londa. Oyendji oye enda iinano iile, ashike oya tuminwa kooapteka dhopaumwene nenge kiipangelo yilwe kokulekule taa kutha moondjato dhawo.
Oondohotola dha lulilwa
Omahitililo goNamibian Sun kuyele omwedhi nguka oga ulike eshololo tali tsikile lyoondohotola moshipangelo shaRundu, unenenee mosaala yomathikilo, omolwa omiti dha pumbiwa olundji itaadhi monika. Ndohotola gumwe, ngoka inaa hala okutumbulwa kedhina okwa lombwele Namibian Sun kutya olundji oha kala u uvite “kee na oonkondo dhasha”, ongo taa mbweenga aavu omolwa okwaa po komiti (epango) dha simana.“Ohashi ku ningi wu kale waa na oshilonga. Uuna twaa na omakende gomeya nombinzi, oho thigwa to ipula nkene to kwathele omuvu. Iikunguluki yimwe oya pumbiwa yi kwathe omuvu, ashike uuna kaa pe nasha, oho thigwa waa na nkene wu ninga, okwa ti.
Aanuuvu yopamadhiladhilo ohaa wendwa ya ngungumane
Konima yoomwedhi ndatu, Namibian Sun okwa kundaneke kutya oondohotola naapangi moshipangelo shepangelo shaShakati oya tokola okuwenda aavu ya yande okudhengwa kaanuuvu yopamadhiladhilo omolwa omiti dhokupanga uuvu wopamadhiladhilo dha pumba noonkondo, uule woomwedhi ngashingeyi. Aavu taa alukwa oshizimbi noonkwengu ohaa shunithwa komagumbo yaa na omiti dhawo, oshoka oshipangelo kashi na omiti ethimbo lya konda pomvula, oondohotola dha lombwele Namibian Sun. Ndohotola ngoka inaa hala okutumbulwa kedhina okwa hokolola onkalo ondhigu nomaihumbato guuhwapindi gaavu, ngoka ga kwatela mo okufegula, okulumata nokudhenga aavu aakwawo nenge aaniilonga yuundjolowele, nenge okwiimonitha oshiponga yoyene.
Shoka oshiwinayi, ndohotola a ndhindhilike, osho kutya aavu mbaka otashi vulika inaa tseya shoka taa ningi, noshizemo, yamwe oya pumbwa okumangwa. Gandjeni uusama kOveta yopetameko lyomwedhi nguka, Shangula okwa tseyithile Egumbo lyOpashigwana kutya otendela yomumvogu yokumbestela omiti inayi potokonoka natango omolwa olugodhi lwopaveta lu li kompangu. Okwa li ta yamukula komapulo ga pulwa koshilyo shongundu yoRepublican (RP) mOmutumba gwOpashigwana Herlinde Tjiveze ngoka ga li kombinga yomiti tadhi nyangwanyangwa miipangelo yepangelo. Shangula okwa fatulula kutya omashongo ge etwa kOveta yOmambestelo otayi pula omahangano ga mbestele omiti okupitila moCentral Procurement Board of Namibia. Mokuyamukula komakateko, uuministeli otau tala komikalo dhilwe dhi li paveta opo ya ungaunge nomiti ndhika tadhi nyangwanyangwa, okwa fatulula.
[email protected]
Comments
Namibian Sun
No comments have been left on this article