Uutoni a pula eyambulepo lyolukanda Tumweneni
Ominista yomayambulepo goondoolopa niitopolwa inayi nyanyukilwa onkalo yelongelo lyaanaskola mootenda, moskola yaanona tayi adhika pondje yaRundu.
"Etumwalaka lyandje olya yela na onda hala shika shi ningwe meendelelo," minista a popi.
Ina nyanyukilwa onkalo yoskola yomo Rundu ndjoka yi li pankatu yokamba yaakwaita, ominista yeyambulepo lyoondoolopa nomikunda, Erastus Uutoni okwa pula elelo lyondoolopa yaRundu, li yambulepo olukanda lwaTumweneni meendelelo moka tamu adhika oskola ndjoka.
Uutoni mOmaandaha okwa holola euvo yonayi sho a mono aanaskola omathele taya longelwa moskola ndjoka oopresend 90 dhoongulu dhoskola dhi li ootenda, dhoka dha li dha gandjwa sha landula olopota ya ningwa kiikundaneki kombinga yompumbwe yoongulu dhoskola poskola ndjoka.
Oskola yaanona yedhina Sigurguru Primary School otayi adhika pondje yondoolopa yaRundu molukanda lwedhina Tumweneni. Ehala ndyoka olya totwapo momvula yo 2018 kaakalimo mboka ya li yiikuthile evi shaaheli paveta. Elelo lyondoolopa olya li lya ka konga ekwatho kOmpangu yoPombanda opo aakwashigwana mboka ya thigepo ehala ndyoka momvula yo 2019, ihe oonkambadhala dhoka odha hulile muunyengwi. Monena ehala ndyoka oli na aakalimo ya thika po 4 000.
Sigo onena elombwelo lyompangu okuthigapo ehala ndyoka oli li miilonga na kape na omayambulepo gasha taga inyenge mehala ndyoka.
Ministerangoka a li pamwe nookansela yelelo lyondoolopa yaRundu naaleli yoshitopolwa okwa pula kutya omolwashike omaupyakadhi pomudhingoloko ngoka itaga kandulwapo.
Mayola gwondoolopa yaRundu, Gabriel Kanyanga okwa kwashilipaleke Uutoni kutya onkalo yehala ndyoka otayi ka kala oshikundathanwa moshigongi shelelo shomwedhi twa taalela ihe Uutoni okwa pula onkalo ndjoka yi kale oshikundathanwa moshigongi shelelo shoka sha kalako esiku lya landula.
Uutoni okwa popi kutya okwa hala ehala ndyoka li yambulwepo meendelelo nuumvo opo oskola ndjoka yi mone iikwaniipangitho.
Uutoni okwa pula Ngoloneya gwoshitopolwa shaKavango East, Bonifatius Wakudumo opo a kwatele komeho etotepo lyokomitiye ndjoka tayi ka kwashilipaleka kutya olukanda ndoka olwa yambulwapo.
Uutoni mOmaandaha okwa holola euvo yonayi sho a mono aanaskola omathele taya longelwa moskola ndjoka oopresend 90 dhoongulu dhoskola dhi li ootenda, dhoka dha li dha gandjwa sha landula olopota ya ningwa kiikundaneki kombinga yompumbwe yoongulu dhoskola poskola ndjoka.
Oskola yaanona yedhina Sigurguru Primary School otayi adhika pondje yondoolopa yaRundu molukanda lwedhina Tumweneni. Ehala ndyoka olya totwapo momvula yo 2018 kaakalimo mboka ya li yiikuthile evi shaaheli paveta. Elelo lyondoolopa olya li lya ka konga ekwatho kOmpangu yoPombanda opo aakwashigwana mboka ya thigepo ehala ndyoka momvula yo 2019, ihe oonkambadhala dhoka odha hulile muunyengwi. Monena ehala ndyoka oli na aakalimo ya thika po 4 000.
Sigo onena elombwelo lyompangu okuthigapo ehala ndyoka oli li miilonga na kape na omayambulepo gasha taga inyenge mehala ndyoka.
Ministerangoka a li pamwe nookansela yelelo lyondoolopa yaRundu naaleli yoshitopolwa okwa pula kutya omolwashike omaupyakadhi pomudhingoloko ngoka itaga kandulwapo.
Mayola gwondoolopa yaRundu, Gabriel Kanyanga okwa kwashilipaleke Uutoni kutya onkalo yehala ndyoka otayi ka kala oshikundathanwa moshigongi shelelo shomwedhi twa taalela ihe Uutoni okwa pula onkalo ndjoka yi kale oshikundathanwa moshigongi shelelo shoka sha kalako esiku lya landula.
Uutoni okwa popi kutya okwa hala ehala ndyoka li yambulwepo meendelelo nuumvo opo oskola ndjoka yi mone iikwaniipangitho.
Uutoni okwa pula Ngoloneya gwoshitopolwa shaKavango East, Bonifatius Wakudumo opo a kwatele komeho etotepo lyokomitiye ndjoka tayi ka kwashilipaleka kutya olukanda ndoka olwa yambulwapo.
Comments
Namibian Sun
No comments have been left on this article