Epangelo lya tindi okufumvika Iindji papangelo
Epangelo pomasiku mpaka olya tindi eindilo lyefumviko lyopambelewa lyaTomas Iindji, tali ti nonando ekuthombinga lyomunawino a tseyika nawa miikwambaanga otali hokitha, oku mu simaneka nefumviko ndjoka otali ‘ngushulula iipumbiwa’.
Namibian Sun okwa tseya kutya ngoloneya gwOshitopolwa shaShana Elia Irimari okwa nyolele ombilive oshikondo shiipambele yoonakulwa aakulu muuministeli wegameno – shoka shi li mewiliko lyomupevi minista Hilma Nicanor – ookuume naapambele yIindji oya holola ya halele omunambaanga omukulukulu a pewe efumviko lyopambelewa.
Iindji (44) okwa mana oondjenda dhe omwedhi gwa zi ko moshipangelo moVenduka konima yuuwehame wokathimbo okafupi, nokwa fumvikwa komukunda gwawo Ombuga yaMunyoko mOlyomakaya mOshitopolwa shaShana.
Eindilo olya kwatelwa komeho kokakomitiye keandjaganeko lyomauyelele ga pamba efumviko lyanakusa noka wilikwa kuPaulus Nakawa, ngoka mo26 Apilili a nyolele Irimari, noku ninga eindilo lyefumviko lyopambelewa.
Esiku ndjoka, Irimari okwa gandja omathaneko pambilive ya nyolelwa omunashipundi gOkakomitiye Okagandjimayele kOmasimaneko gopaShigwana, Annely Haifene.
“Hailwa Iindji okwa li omunambaanga a tseyika nawa, omulumentu omugundjuka e na oshigwana komutima nacamarada omudhiginini gwongundu tayi pangele,” Irimari a hokolola.
“Okwa longele Ehangano lyAanangeshefa moNamibia (NCCI) ongomunashipundi gwoshitayi shokOnooli, pethimbo lyewiliko lye, okwa kala omuleli omuwanawa, ha kambadhala aluhe okuyamukula komapulo nomaupyakadhi ga taalela aanangeshefa yetu.
“Okukondjela kwe kee na luthuwo ehwepopalo lyooveta nomalandithilo ga kale nawa okwe eta omalunduko taga kalelele ngoka taga kala nokudhimbulukiwa oomvula noomvula,” oshikalimo shombilive tashi lesha.
Otali etelele
Namibian Sun oku uvite ko kutya efumviko lyopambelewa olya kwatela mo oondando sigo N$80 000 nesimaneko lyeumbo lyoondjembo hamano dhopakwiita. Okakomitiye Okagandjimayele kOmasimaneko gopaShigwana, hoka ha ka gandja omayele komupelesitende mokugandja omasimaneko gopashigwana, oka talulula eindilo lyaIrimari nokutokola kaa fumvike Iindji pambelewa.
Oshi uvitike ko kutya okakomitiye oke na uumbanda kutya okuzimina eindilo otaku etelele, omaindilo ga faathana monakuyiwa.
Iindji ando okwa kala gumwe gomakwaashigwana yomwaalu omushona ta pewa esimaneko ando ngele okakomitiye oka ziminine eindilo. Mo2020, ooahende ya kalela po aakwanezino yanakusa omudheuli nale gwospana yetanga lyokoompadhi Seth Boois oya nyolele presidente Hage Geingob taa indile a fumvikwe mOmawendo gOmapendafule. Aakwanezimo oya ndjokonona olweendo lwaBoois muudhano nomahokololo gokatanga kokompadhi onga ga gwana oku mu petha efumviko lyependafule. Eindilo olya tindwa.
Ohela, Irimari okwa ti Presidente Nangolo Mbumba, ngoka e na etokolo lyahugunina miipambele yomafumviko gopapangelo, ka li mo mombelewa sho eindilo lya ningwa. Ihe Namibian Sun okwa tseyithilwa kutya eindilo ando olya tindwa pamuthika gokakomitiye ishewe ando inali thika mombelewa yaMbumba.
Oonkambadhala dhokukwatathana noshikondo shoonakulwa aakulu naHaifene odha ponyo.
[email protected]
Namibian Sun okwa tseya kutya ngoloneya gwOshitopolwa shaShana Elia Irimari okwa nyolele ombilive oshikondo shiipambele yoonakulwa aakulu muuministeli wegameno – shoka shi li mewiliko lyomupevi minista Hilma Nicanor – ookuume naapambele yIindji oya holola ya halele omunambaanga omukulukulu a pewe efumviko lyopambelewa.
Iindji (44) okwa mana oondjenda dhe omwedhi gwa zi ko moshipangelo moVenduka konima yuuwehame wokathimbo okafupi, nokwa fumvikwa komukunda gwawo Ombuga yaMunyoko mOlyomakaya mOshitopolwa shaShana.
Eindilo olya kwatelwa komeho kokakomitiye keandjaganeko lyomauyelele ga pamba efumviko lyanakusa noka wilikwa kuPaulus Nakawa, ngoka mo26 Apilili a nyolele Irimari, noku ninga eindilo lyefumviko lyopambelewa.
Esiku ndjoka, Irimari okwa gandja omathaneko pambilive ya nyolelwa omunashipundi gOkakomitiye Okagandjimayele kOmasimaneko gopaShigwana, Annely Haifene.
“Hailwa Iindji okwa li omunambaanga a tseyika nawa, omulumentu omugundjuka e na oshigwana komutima nacamarada omudhiginini gwongundu tayi pangele,” Irimari a hokolola.
“Okwa longele Ehangano lyAanangeshefa moNamibia (NCCI) ongomunashipundi gwoshitayi shokOnooli, pethimbo lyewiliko lye, okwa kala omuleli omuwanawa, ha kambadhala aluhe okuyamukula komapulo nomaupyakadhi ga taalela aanangeshefa yetu.
“Okukondjela kwe kee na luthuwo ehwepopalo lyooveta nomalandithilo ga kale nawa okwe eta omalunduko taga kalelele ngoka taga kala nokudhimbulukiwa oomvula noomvula,” oshikalimo shombilive tashi lesha.
Otali etelele
Namibian Sun oku uvite ko kutya efumviko lyopambelewa olya kwatela mo oondando sigo N$80 000 nesimaneko lyeumbo lyoondjembo hamano dhopakwiita. Okakomitiye Okagandjimayele kOmasimaneko gopaShigwana, hoka ha ka gandja omayele komupelesitende mokugandja omasimaneko gopashigwana, oka talulula eindilo lyaIrimari nokutokola kaa fumvike Iindji pambelewa.
Oshi uvitike ko kutya okakomitiye oke na uumbanda kutya okuzimina eindilo otaku etelele, omaindilo ga faathana monakuyiwa.
Iindji ando okwa kala gumwe gomakwaashigwana yomwaalu omushona ta pewa esimaneko ando ngele okakomitiye oka ziminine eindilo. Mo2020, ooahende ya kalela po aakwanezino yanakusa omudheuli nale gwospana yetanga lyokoompadhi Seth Boois oya nyolele presidente Hage Geingob taa indile a fumvikwe mOmawendo gOmapendafule. Aakwanezimo oya ndjokonona olweendo lwaBoois muudhano nomahokololo gokatanga kokompadhi onga ga gwana oku mu petha efumviko lyependafule. Eindilo olya tindwa.
Ohela, Irimari okwa ti Presidente Nangolo Mbumba, ngoka e na etokolo lyahugunina miipambele yomafumviko gopapangelo, ka li mo mombelewa sho eindilo lya ningwa. Ihe Namibian Sun okwa tseyithilwa kutya eindilo ando olya tindwa pamuthika gokakomitiye ishewe ando inali thika mombelewa yaMbumba.
Oonkambadhala dhokukwatathana noshikondo shoonakulwa aakulu naHaifene odha ponyo.
[email protected]
Comments
Namibian Sun
No comments have been left on this article