Okufula omavi shaa li paveta kUukwambi kwe eta oontamana ishewe
Elelo lyOpamuthigululwakalo lyUukwambi mo2018 olya li ipumu mumwe naakalimo yamwe mboka ya li inaya mbilipalelwa kokufula omavi nelalakano lyokuga landitha po, onkalo ndjoka hayi thigi omudhingoloko gwa yonagulwa – oontamanana ndhoka dha ishewe.
Oontamanana ndhika dhongashingeyi odhe ya po sho elelo lyopamuthigululwakalo lya tokola okupa eptikilo ongeshefa yoShash Trading and Earth Works CC opo yi kuthe oofulahi dhevi dhootona 60 mIiheke yaNakele momukunda Ekamba.
Uuyelele wi ihwa po wiinyangadhalwa yokufula omavi otau monika mombilive yomomasiku 3 Maarsa ndjoka ya nyolwa kwamushanga gwelelo lyOpamuthigululwakalo lyUukwambi, Tshikarepo Andjamba, noya nyolelwa mwene gwomukunda gwEkamba.
“Otwa tuma Shaanika Abraham okuza kongeshefa yedhina Sash Trading and Earth Works CC, ngoka e na omaloli haga vulu okuhumbata ootona 10 dhevi. Otwe mu pa uuthemba opo a kuthe oofulahi 60 dhevi momalambo mo. Oto indilwa nesimaneko enene opo wu tule po omuntu pomalambo mpoka opo a yalule kutya oofulaha ngapi tadhi ka kuthwa momalambo ngoka,” oshikalimo shombilive tashi lesha.
Omapulo nomapulo
Mokutya ko sha, okakomitiye kIiheke yaNakele, hoka taka wilikwa ku Lukas Nantanga, oka nyolele Andjamba ombilive meti- 17 Maarsa, taka holola okuuvila nayi kwawo elelo lyopamuthigululwakalo sho lya zimine opo momudhingoloko mu fulwe omavi, shoka ya tala ko kutya ‘kashi li paveta’.
“Atuhe otu shi shi kutya iinyangadhalwa yokufala omavi mIiheke yaNakele oya kalekwa sigo aakuthimbinga ayehe ye ya gongala nokwiikunda oshikumungu shika nokuuvathana ngaashi patokolo lyahugunina lyompangu yopamuthigululwakalo ndjoka ya li ko momasiku 22 Febuluali 2019 pombelewa yoshilongo pUukwangula," Ombilive tayi lesha.
“Paimauvo getu, Elelo lyOpamuthigululwakalo lyUukwambi itali vulu okugandja uuthemba opo oofulahi 60 dhevi dhi kuthwe momalambo gomIiheke yaNakele omanga oshikumungu tashi kondjitha aantu inashi pwa ( inaashi adha pehulilo.)
“Katwa li tatu vulu okushi itayela, otwa li twa tila, twa piyaganekwa notwa kumwa, sho twa mono omaloli taga tutu evi palombwelo lyElelo lyOpamuthigululwakalo lyUukwambi, noshinyangadhalwa shika inatu shi tegelela oshe tu tula nomaipulo ogendji.”
Oshi li tuu paveta?
Okakomitiye oka gwedha po kutya: “Shino oshe ende ngiini sho kaa pu onzapo ompe ya gandja uuthemba mbuka ndjoka ya za kuuministeli womidhingoloko?”
“Shino oshe ende ngiini ngele aakuthimbinga ayehe ( aantu ye na mo sha nenge mboka ya gumwa koshikumungu shika oshowo Elelo lyOpamuthigululwakalo lyUukwambi) inaya tula po euvathano?
“Otwa shilipalekwa kutya onzapo ompe itayi gandjwa kuuministeli womidhingoloko omanga aanamukunda inaya tya ko sha ongaantu ye na mosha moshikumungu shika nenge ya gumwa koshikumungu shika.”
Okakomitiye haka oki indila opo ku ka kale oshigongi shopaukumwe, naahiya omwa kwatelwa omalenga gElelo lyOpamuthigululwakalo lyUukwambi, aanambelewa yUuministeli wOmidhingoloko, aanambelewa mOmbelewa yOmbudsman, ngoloneya gwoshitopolwa shaShana, aakalelipo yElelo lyOshitopolwa shaShana, elalakano opo kwi ikundwe oshikumungu shika.
Sho a kwatathaniwa naye opo a tye ko sha, omupopiliko gwelelo lyUukwambi Timotheus Kalimba okwa ti kutya ita vulu okutya ko sha manga pethimbo ndika.
Namibian Sun okwa kambadhale opo a mone ngele oshigwana osha yiwa nasho moonkundathana tuu manga etokolo inali ningwa, ingapi Shash Trading and Earth Works CC ya futu molwevi ndika, nankene oshimaliwa shika tashi ka kwatha oshigwana.
Okwaauvathana
Mo2018, oshikumungu shokufula omavi mIiheke yaNakele oshe ya puuyelele shoNamibian Sun a nothelwa ko kutya Elelo lyUukwambi olya pe uuthemba aafuli yomavi opo ya fule omavi momalambo.
Pethimbo ndiyaka, omukwaniilwa gwoshilongo shUukwambi Herman Ndilimani Iipumbu okwe ekelehile omahokololo ga popilwe kiilyo yokakomitiye kIiheke yaNakele, mbyoka ya li tayi pula opo ku longwe nawa nonoshili, mwa kwatelwa uuyelele kutya aafuli yomavi oya pewa uuthemba kulye opo ya kale taya fulu omavi ngaka.
Elelo lyopamuthigululwakalo olya ti kutya okufula omavi okwa kala ko nale okushuna koomvula dhomilongo hetatu nashi noinatu pumbwa nande okwiikunda ngashingeyi oshikumungu shika.
Kakele, etokolo ndika oli li ompinge nOveta yOkuungaunga nOmidhingoloko yomo2007, ndjoka tayi pula opo iiyukithilo ayihe yepangelo, omahangano, oongeshefa noohandimwe ya kwatelwa mo momalongekidho nenge metulo miilonga lyiinyangadhalwa mbika ya sholondondekwa – mwa kwatelwa okufula omavi – opo yi iyuthe komautho ga ndjandjukununwa mOveta ndjika.
Shi ikolelela koveta, kehe gumwe ngoka e na ehalo lyokufula omavi na kale e na onzapo ya za kuuministeli womidhingoloko, ndjoka hayi gandjwa owala konima yokushi pondola okukonakona iilanduli tayi adha omudhingoloko.
Opo ku gandjwe eziminino ndika, aakwashigwana oyendji ya gumwa koshikumungu shoka inaya kala ompinge nethaneko ndjoka.
[email protected]
Oontamanana ndhika dhongashingeyi odhe ya po sho elelo lyopamuthigululwakalo lya tokola okupa eptikilo ongeshefa yoShash Trading and Earth Works CC opo yi kuthe oofulahi dhevi dhootona 60 mIiheke yaNakele momukunda Ekamba.
Uuyelele wi ihwa po wiinyangadhalwa yokufula omavi otau monika mombilive yomomasiku 3 Maarsa ndjoka ya nyolwa kwamushanga gwelelo lyOpamuthigululwakalo lyUukwambi, Tshikarepo Andjamba, noya nyolelwa mwene gwomukunda gwEkamba.
“Otwa tuma Shaanika Abraham okuza kongeshefa yedhina Sash Trading and Earth Works CC, ngoka e na omaloli haga vulu okuhumbata ootona 10 dhevi. Otwe mu pa uuthemba opo a kuthe oofulahi 60 dhevi momalambo mo. Oto indilwa nesimaneko enene opo wu tule po omuntu pomalambo mpoka opo a yalule kutya oofulaha ngapi tadhi ka kuthwa momalambo ngoka,” oshikalimo shombilive tashi lesha.
Omapulo nomapulo
Mokutya ko sha, okakomitiye kIiheke yaNakele, hoka taka wilikwa ku Lukas Nantanga, oka nyolele Andjamba ombilive meti- 17 Maarsa, taka holola okuuvila nayi kwawo elelo lyopamuthigululwakalo sho lya zimine opo momudhingoloko mu fulwe omavi, shoka ya tala ko kutya ‘kashi li paveta’.
“Atuhe otu shi shi kutya iinyangadhalwa yokufala omavi mIiheke yaNakele oya kalekwa sigo aakuthimbinga ayehe ye ya gongala nokwiikunda oshikumungu shika nokuuvathana ngaashi patokolo lyahugunina lyompangu yopamuthigululwakalo ndjoka ya li ko momasiku 22 Febuluali 2019 pombelewa yoshilongo pUukwangula," Ombilive tayi lesha.
“Paimauvo getu, Elelo lyOpamuthigululwakalo lyUukwambi itali vulu okugandja uuthemba opo oofulahi 60 dhevi dhi kuthwe momalambo gomIiheke yaNakele omanga oshikumungu tashi kondjitha aantu inashi pwa ( inaashi adha pehulilo.)
“Katwa li tatu vulu okushi itayela, otwa li twa tila, twa piyaganekwa notwa kumwa, sho twa mono omaloli taga tutu evi palombwelo lyElelo lyOpamuthigululwakalo lyUukwambi, noshinyangadhalwa shika inatu shi tegelela oshe tu tula nomaipulo ogendji.”
Oshi li tuu paveta?
Okakomitiye oka gwedha po kutya: “Shino oshe ende ngiini sho kaa pu onzapo ompe ya gandja uuthemba mbuka ndjoka ya za kuuministeli womidhingoloko?”
“Shino oshe ende ngiini ngele aakuthimbinga ayehe ( aantu ye na mo sha nenge mboka ya gumwa koshikumungu shika oshowo Elelo lyOpamuthigululwakalo lyUukwambi) inaya tula po euvathano?
“Otwa shilipalekwa kutya onzapo ompe itayi gandjwa kuuministeli womidhingoloko omanga aanamukunda inaya tya ko sha ongaantu ye na mosha moshikumungu shika nenge ya gumwa koshikumungu shika.”
Okakomitiye haka oki indila opo ku ka kale oshigongi shopaukumwe, naahiya omwa kwatelwa omalenga gElelo lyOpamuthigululwakalo lyUukwambi, aanambelewa yUuministeli wOmidhingoloko, aanambelewa mOmbelewa yOmbudsman, ngoloneya gwoshitopolwa shaShana, aakalelipo yElelo lyOshitopolwa shaShana, elalakano opo kwi ikundwe oshikumungu shika.
Sho a kwatathaniwa naye opo a tye ko sha, omupopiliko gwelelo lyUukwambi Timotheus Kalimba okwa ti kutya ita vulu okutya ko sha manga pethimbo ndika.
Namibian Sun okwa kambadhale opo a mone ngele oshigwana osha yiwa nasho moonkundathana tuu manga etokolo inali ningwa, ingapi Shash Trading and Earth Works CC ya futu molwevi ndika, nankene oshimaliwa shika tashi ka kwatha oshigwana.
Okwaauvathana
Mo2018, oshikumungu shokufula omavi mIiheke yaNakele oshe ya puuyelele shoNamibian Sun a nothelwa ko kutya Elelo lyUukwambi olya pe uuthemba aafuli yomavi opo ya fule omavi momalambo.
Pethimbo ndiyaka, omukwaniilwa gwoshilongo shUukwambi Herman Ndilimani Iipumbu okwe ekelehile omahokololo ga popilwe kiilyo yokakomitiye kIiheke yaNakele, mbyoka ya li tayi pula opo ku longwe nawa nonoshili, mwa kwatelwa uuyelele kutya aafuli yomavi oya pewa uuthemba kulye opo ya kale taya fulu omavi ngaka.
Elelo lyopamuthigululwakalo olya ti kutya okufula omavi okwa kala ko nale okushuna koomvula dhomilongo hetatu nashi noinatu pumbwa nande okwiikunda ngashingeyi oshikumungu shika.
Kakele, etokolo ndika oli li ompinge nOveta yOkuungaunga nOmidhingoloko yomo2007, ndjoka tayi pula opo iiyukithilo ayihe yepangelo, omahangano, oongeshefa noohandimwe ya kwatelwa mo momalongekidho nenge metulo miilonga lyiinyangadhalwa mbika ya sholondondekwa – mwa kwatelwa okufula omavi – opo yi iyuthe komautho ga ndjandjukununwa mOveta ndjika.
Shi ikolelela koveta, kehe gumwe ngoka e na ehalo lyokufula omavi na kale e na onzapo ya za kuuministeli womidhingoloko, ndjoka hayi gandjwa owala konima yokushi pondola okukonakona iilanduli tayi adha omudhingoloko.
Opo ku gandjwe eziminino ndika, aakwashigwana oyendji ya gumwa koshikumungu shoka inaya kala ompinge nethaneko ndjoka.
[email protected]
Comments
Namibian Sun
No comments have been left on this article