NamWater a gandja omagano gomawilikombo kooskola 12 dhomOhangwena

NamWater, okupitila mopolohalama yokugandja sha koshigwana nomelongelo-kumwe nuuministeli welongo, okwa gandja omagano gomawilikombo gongushu yoodola N$240 701 kooskola 12 dhomOshitopolwa shaHangwena mEtitatu.Oshinyangadhalwa shika shokugandja omawilikombo kooskola osha ningilwa poskola Kaupumhote Nghituwamhata Combined School moshikandjolongo Eenhana.Ooskola ndhoka 12 odho Oshamono Combined School, Onanona Combined School, Ndjabeka Primary School, Elakalapwa Combined School, Onamunhama Combined School, Kaupumhote Nghituwamhata Combined School, Lazarus Haufiku Combined School, Oshawapala Combined School, Okahenge Combined School, Ounyenye Combined School, Haihambo Primary School nAmwiimbi Combined School.Omukukuntupitithi gwehangano lyoNamWater Abraham Nehemia okwa holola eitulomo lyehangano okunkondopeka oshigwana okupitila omakwatho ga pamba elongo.Nehemia okwa ti NamWater okwa eta po opolohalama ombwanawa yokugandja koshigwana tayi wilikwa keitulomo lyokutsakanitha iilalakanenwa yokukwatha oshigwana.Opolohalama ndjika otayi longele kumwe nondungethaneko yehangano, tayi holola eitulomo lyawo lyokuyambidhidha oondungethaneko dhepangelo dhomapendulopo, mwa kwatelwa ondjodhi-thaneko yoHarambee Prosperity Plan II, okwa ti.“NamWater okwa dhimbulula onkandangala ya simana haya dhana mokuyambidhidha oonkambadhalla dhepangelo lyetu dhokukwashilipaleka kutya uunona Uunamibia auhe otau vulu okumona elongo lyongushu. Otwi itaala lela moonkondo dhelongo nokonkandangala ya simana elongo hali dhana mokunawapaleka onakuyiwa yoshigwana shetu,” Nehemia a ti.Omagano Mokutaamba omagano ngaka, ngoloneya gwoshitopolwa shaHangwena Sebastian Ndeitunga okwa ti omagano ngaka ogo endhindhiliko lyetegameno, lyoompito odhindji nonakuyiwa ombwanawa yoshigwana shokomongula moshitopolwa she.Ndeitunga okwa ti nonande elongo olyo oshitsa shopokati shehumokomeho, okwiitaala kutya, ongaaleli, ongaakuthimbinga naakwashigwana momidhingoloko, ayehe natango oye na okudhana onkandangala yokukwashilipaleka kutya okanona kehe oka longekeka okuza petameko( peputuko).“Omawilikombo ngaka otaga ka kwatha lela mokuthitika omwaka gwoonzo dhelongo dha pumba noonkondo unenenene kooskola dhokuushayi. Epungulolongitho ndika NamWater a ningi kali shi owala lyomambo ihe olyo einekelo moondjodhi nomathaneko gaanaskola yetu,” okwa ti.

NamWater a gandja omagano gomawilikombo kooskola 12 dhomOhangwena

Comments

Namibian Sun 2025-04-04

Please login to leave a comment

NamWater a gandja omagano gomawilikombo kooskola 12 dhomOhangwena

Comments

Namibian Sun 2025-04-04

Please login to leave a comment

Login