AaNamibia itaya futu omikuli dhawo dhaNSFAF
tha tashi ka longitha omikalo dhethiminiko
Oshiketha shoNamibia Students Financial Assistance Fund (NSFAF) osha popi kutya AaNamibia omayovi mboka ya pewa omikuli dhokwiilongitha koshiketha shoka itaya longitha ompito yesilohenda ndjoka ya tulwa po koshiketha shoka.
Oshiketha osha tula miilonga ompito yedhimepo lyiishoshela komikuli kwaamboka taya ka futa omikuli dhawo sha tulwa miilonga momwedhi Juni nuumvo.
Omunambelewa omukuluntuwiliki gwoshiketha shoka Kennedy Kandume, okwa popi kutya aantu oya ndopa okulongitha ompito ndjoka ya tulwa po owina.
“Etulo miilonga lyesilohenda ndyoka otali etitha oshimaliwa shoobiliyona 2.6 shi li oshitopolwa shiishoshela ya likolwa okuza momikuli dhoka dha futwa, shi kuthwepo thilu. Omolwa omatompelo gontumba AaNamibia itaya longitha ompito ndjoka nomwaalu otagu londo pombanda okuyeleka nomvula ya piti. Otu wete kutya aantu kaya uviteko ngele taku popiwa okudhimapo po iishoshela yomikuli.” Kandume a lombwele iikundaneki oshiwike shika.
Aailongi mboka ya pewa omukuli gwokwiilonga kuNSFAF oye na sigo omwedhi Juli gwomvula yo 2023 opo ya fute omukuli ngoka yapewa inaku gwedhwa iishoshela ya sha.
Kandume okwa popi kutya AaNamibia oya pumbwa okuthiminikwa, taku longithwa omikalo adhihe mwa kwatelwa ekatuko lyoonkatu dhopaveta.
Kombinga yomayambidhidho, Kandume okwa popi kutya konima nkene kwa tulwa miilonga omutengenekwathaneko gwelongitho lyiiyemo yepangelo yoshikakomvula shika, oshiketha shoka inashi yakula omwaalu nando ogontumba gomobiliyona 1.4, naashoka okwa popi kutya osha etithwa komilandu dhoka dhi na okulandulwa kepangelo.
Okuza momvula yo 2018 aanaskola ya thika po 70 233 oya pewa omikuli dhokwiilongitha dhongushu yoobiliyona 6.99, naKandume okwa popi kutya shoka otashi ulike nkene epangelo liitulamo melongo nomadheulo.
Momvula twa taalela aaningimaindilo yeli po 17 885 otaya ka pewa omikuli dhokwiilonga taya gwedhwa kaailongi ye li po 27 407 mboka taya tsikile nomailongo gawo.
Omunambelewa omukuluntuwiliki gwoshiketha shoka Kennedy Kandume, okwa popi kutya aantu oya ndopa okulongitha ompito ndjoka ya tulwa po owina.
“Etulo miilonga lyesilohenda ndyoka otali etitha oshimaliwa shoobiliyona 2.6 shi li oshitopolwa shiishoshela ya likolwa okuza momikuli dhoka dha futwa, shi kuthwepo thilu. Omolwa omatompelo gontumba AaNamibia itaya longitha ompito ndjoka nomwaalu otagu londo pombanda okuyeleka nomvula ya piti. Otu wete kutya aantu kaya uviteko ngele taku popiwa okudhimapo po iishoshela yomikuli.” Kandume a lombwele iikundaneki oshiwike shika.
Aailongi mboka ya pewa omukuli gwokwiilonga kuNSFAF oye na sigo omwedhi Juli gwomvula yo 2023 opo ya fute omukuli ngoka yapewa inaku gwedhwa iishoshela ya sha.
Kandume okwa popi kutya AaNamibia oya pumbwa okuthiminikwa, taku longithwa omikalo adhihe mwa kwatelwa ekatuko lyoonkatu dhopaveta.
Kombinga yomayambidhidho, Kandume okwa popi kutya konima nkene kwa tulwa miilonga omutengenekwathaneko gwelongitho lyiiyemo yepangelo yoshikakomvula shika, oshiketha shoka inashi yakula omwaalu nando ogontumba gomobiliyona 1.4, naashoka okwa popi kutya osha etithwa komilandu dhoka dhi na okulandulwa kepangelo.
Okuza momvula yo 2018 aanaskola ya thika po 70 233 oya pewa omikuli dhokwiilongitha dhongushu yoobiliyona 6.99, naKandume okwa popi kutya shoka otashi ulike nkene epangelo liitulamo melongo nomadheulo.
Momvula twa taalela aaningimaindilo yeli po 17 885 otaya ka pewa omikuli dhokwiilonga taya gwedhwa kaailongi ye li po 27 407 mboka taya tsikile nomailongo gawo.
Comments
Namibian Sun
No comments have been left on this article