Omukulukadhi gwandje naamwandje otaya ka mona iihuna ngele onda kala mondholongo – Omufekelwa gwokoHenning Crusher ta ti
“Omukulukadhi gwandje naamwandje otaya ka mona iihuna ngele onda kala mondholongo” – omufekelwa gwokoHenning Crusher ta ti anuwa. Tuutileni Mika okwa kumitha aantu mompangu sho i indile a pewe ooboloha opo a ye kegumbo a ka kwathe omukulukadhi gwe noyana mboka a ti oya hupa mondjambi ye yokomwedhi.
Mika ota tamanekelwa edhipago lyomuhona gwe gumwe nokweehameka noonkondo omukwawo moHenning Crusher moka a li ha longo ongomwoopaleki. Otaku hokololwa a yaha John Myburgh (43) ngoka opo ashike a sile poshiningwanima nokwa yaha wo Johan Richter (44) ngoka ngashingeyi ta mono epango mOshipangelo shOpaumwene shaNdangwa noku li monkalo ombwinayi oshoka okwa yahwa meho lyokolumoho nomomutse.
Oonakuninga iihakanwa mbaka yaali oya li oomenindjela moHenning Crusher mOndangwa. Mika, ngoka ta tamanekelwa oshipotha shedhipago, shonkambadhala yedhipago, shokuyaka po ombasikela, shomatilitho, noshokuumba ondjembo mokati kaantu, ina pewa ompito yokwiifutila mo mondholongo.
Omufekelwa okwa holoka komeho gOmupanguli Nelao Ya France, ngoka u undulile oshipotha komasiku 10 Maarsa 2025 opo omakonakono gopolisi ga tsikile noshowo opo omufekelwa a konge omukalelipo gwopaveta. Mika okwa li a zala okahema kocheka okatokele nokambulau komaako omafupi noshowo okotse yombundu. Okwa ganeke oshikaha she opo a tye sha mompangu okupitila momutoloki ha popi Oshiwambo.
“Onda pumbwa okupewa ombooloha opo ndi ye kegumbo. Omukululadhi gwandje naamwandje otaya ka mono iihuna ngele onda kala mondholongo oshoka ongame awike handi longo maayetu,” okwa ti. Ekudhilo olyu uvika mompangu konima yeindilo ndika. Yamwe yomoyana yaMika omo ya li miipundi.
Ya France okwe endulula sho a tile petameko kutya ahende a kalela po epangelo Wisdom Ndakondja na kale ompinge nombooloha oshoka oshipotha shika oshinene no itashi ka kala muuwanawa woshigwana okumangulula omufekelwa. Okwa tseyithile wo Mika kutya oku na uuthemba wokukonga omukalelipo gwopaveta ta zi kepangelo nenge ota vulu okwiipopila mwene ngele ota vulu. Mika okwa holola kutya ota ka konga ahende gwopaumwene.
Uukwawo-wanankali waaniilonga pamwe nayw
Oyendji yomaakwanezimo yaMika omo ya li mompangu nomaakwanezimo mbaka, yaali aaniilonga pamwe naye ko Henning Crusher mOndangwa mboka ya ti oya tula mo eindilo ya faule kiilonga netompelo opo ye ye kompangu oshoka oyi itaala kutya omuniilonga pamwe nayo ke na ndjo notaya ti miilonga yawo omu na uudhigu owundji inawu kandulwa po natango. Shilondelwa Henga omunamimvo 55 omuhingi gwomaloli moHenning Crusher uule woomvula 13 okwa ti omufekelwa okwa li ta ningi omatilitho kutya ota yaha omuhona omutitatu mEtitano ndyoka ashike elago enene kondjembo ka kwa li iikutu nomolwaashoka ota tamanekelwa nee oshipotha shokuninga omatilitho sho a ti komuniilonga pamwe naye gumwe ngoka a shaina elondodho lyaMika lyahugunina.
“Onde ya oku mu yambidhidha oshoka ke na ondjo. Ando oya li inaye mu pumbwa we ando oye mu lombwele owala oshimaliwa shoye ooshika. Inda kegumbo.” Henga okwa gwedha po nokutya oye na uudhigu owundji miilonga yawo. Okwa ti okwa li a kumwa wo sho gumwe gwomoomenindjela yawo gwokoshitayi shaHenning Crusher kOshomeya e mu pula kutya omolwashike inaaya holola uudhigu womiilonga yawo mOndangwa.
“Ota pula ndje ngiini ngawo? Okwa hala okutya ke shi omaudhigu gomokampani ndjino? Kape na nando ngoka e mu yamukula oshoka aantu oya tila. Otu li miilonga naantu yaa na ondjo taa pewa omalondodho ohali-ka-sha ohali-ka- toka. Mbuka uukoloni. Ngele owa tala ndje momutse ondi na oshiyadhi nda tetelwa miilonga ashike inandi futwa sha nande,” Henga okwa ti nokugwedha po kutya mokulonga kwe moHenning Crusher okwa mona aaniilonga pamwe naye ya konda 40 ya tidhwa miilonga shoka ta ti etidho miilonga lyaa li pauyuuki. Okwa ti omaudhigu gamwe oga lopotelwa komufala gwaaniilonga ashike inaya pewa omayamukulo tage ya mbilipalele.
Henning Crusher okwa lombwele Namibian Sun mOmaandaha kutya okampani otayi ka ninga etseyitho shampa ya pyakudhukwa okupopya niikundaneki. Komanda gwOpolisi mOshitopolwa shaShana, Komufala Naftal Lungameni Sakaria okwa ti Mika okwa zi ko Henning Crusher yokOshomeya nokuya mOndangwa mo2020 molwa okuyona sha miilonga. Otaku hokololwa natango a tsikile nokuyona olundji moHenning Crushers mOndangwa nokwa li a tegelelwa a shaine elondodho lyahugunina nokutidhwa mEtitano. Sakaria okwa ti Mika okwi ithanwa mombelewa opo a shaine oombapila dhokutidhwa miilonga, okwa tindi nokuza po piilonga. Konima yokathimbo, otaku hokololwa a galuka e na ondjembo meke, nokuyaha tango Myburgh nokutiyali okwa yaha Richter. Mika okwa kayile ombasikela yaMyburgh nokuya kOshitaasi shOpolisi kOndangwa, hoka a lopota oshiningwanima nokwiigandja kopolisi.
Mika ota tamanekelwa edhipago lyomuhona gwe gumwe nokweehameka noonkondo omukwawo moHenning Crusher moka a li ha longo ongomwoopaleki. Otaku hokololwa a yaha John Myburgh (43) ngoka opo ashike a sile poshiningwanima nokwa yaha wo Johan Richter (44) ngoka ngashingeyi ta mono epango mOshipangelo shOpaumwene shaNdangwa noku li monkalo ombwinayi oshoka okwa yahwa meho lyokolumoho nomomutse.
Oonakuninga iihakanwa mbaka yaali oya li oomenindjela moHenning Crusher mOndangwa. Mika, ngoka ta tamanekelwa oshipotha shedhipago, shonkambadhala yedhipago, shokuyaka po ombasikela, shomatilitho, noshokuumba ondjembo mokati kaantu, ina pewa ompito yokwiifutila mo mondholongo.
Omufekelwa okwa holoka komeho gOmupanguli Nelao Ya France, ngoka u undulile oshipotha komasiku 10 Maarsa 2025 opo omakonakono gopolisi ga tsikile noshowo opo omufekelwa a konge omukalelipo gwopaveta. Mika okwa li a zala okahema kocheka okatokele nokambulau komaako omafupi noshowo okotse yombundu. Okwa ganeke oshikaha she opo a tye sha mompangu okupitila momutoloki ha popi Oshiwambo.
“Onda pumbwa okupewa ombooloha opo ndi ye kegumbo. Omukululadhi gwandje naamwandje otaya ka mono iihuna ngele onda kala mondholongo oshoka ongame awike handi longo maayetu,” okwa ti. Ekudhilo olyu uvika mompangu konima yeindilo ndika. Yamwe yomoyana yaMika omo ya li miipundi.
Ya France okwe endulula sho a tile petameko kutya ahende a kalela po epangelo Wisdom Ndakondja na kale ompinge nombooloha oshoka oshipotha shika oshinene no itashi ka kala muuwanawa woshigwana okumangulula omufekelwa. Okwa tseyithile wo Mika kutya oku na uuthemba wokukonga omukalelipo gwopaveta ta zi kepangelo nenge ota vulu okwiipopila mwene ngele ota vulu. Mika okwa holola kutya ota ka konga ahende gwopaumwene.
Uukwawo-wanankali waaniilonga pamwe nayw
Oyendji yomaakwanezimo yaMika omo ya li mompangu nomaakwanezimo mbaka, yaali aaniilonga pamwe naye ko Henning Crusher mOndangwa mboka ya ti oya tula mo eindilo ya faule kiilonga netompelo opo ye ye kompangu oshoka oyi itaala kutya omuniilonga pamwe nayo ke na ndjo notaya ti miilonga yawo omu na uudhigu owundji inawu kandulwa po natango. Shilondelwa Henga omunamimvo 55 omuhingi gwomaloli moHenning Crusher uule woomvula 13 okwa ti omufekelwa okwa li ta ningi omatilitho kutya ota yaha omuhona omutitatu mEtitano ndyoka ashike elago enene kondjembo ka kwa li iikutu nomolwaashoka ota tamanekelwa nee oshipotha shokuninga omatilitho sho a ti komuniilonga pamwe naye gumwe ngoka a shaina elondodho lyaMika lyahugunina.
“Onde ya oku mu yambidhidha oshoka ke na ondjo. Ando oya li inaye mu pumbwa we ando oye mu lombwele owala oshimaliwa shoye ooshika. Inda kegumbo.” Henga okwa gwedha po nokutya oye na uudhigu owundji miilonga yawo. Okwa ti okwa li a kumwa wo sho gumwe gwomoomenindjela yawo gwokoshitayi shaHenning Crusher kOshomeya e mu pula kutya omolwashike inaaya holola uudhigu womiilonga yawo mOndangwa.
“Ota pula ndje ngiini ngawo? Okwa hala okutya ke shi omaudhigu gomokampani ndjino? Kape na nando ngoka e mu yamukula oshoka aantu oya tila. Otu li miilonga naantu yaa na ondjo taa pewa omalondodho ohali-ka-sha ohali-ka- toka. Mbuka uukoloni. Ngele owa tala ndje momutse ondi na oshiyadhi nda tetelwa miilonga ashike inandi futwa sha nande,” Henga okwa ti nokugwedha po kutya mokulonga kwe moHenning Crusher okwa mona aaniilonga pamwe naye ya konda 40 ya tidhwa miilonga shoka ta ti etidho miilonga lyaa li pauyuuki. Okwa ti omaudhigu gamwe oga lopotelwa komufala gwaaniilonga ashike inaya pewa omayamukulo tage ya mbilipalele.
Henning Crusher okwa lombwele Namibian Sun mOmaandaha kutya okampani otayi ka ninga etseyitho shampa ya pyakudhukwa okupopya niikundaneki. Komanda gwOpolisi mOshitopolwa shaShana, Komufala Naftal Lungameni Sakaria okwa ti Mika okwa zi ko Henning Crusher yokOshomeya nokuya mOndangwa mo2020 molwa okuyona sha miilonga. Otaku hokololwa natango a tsikile nokuyona olundji moHenning Crushers mOndangwa nokwa li a tegelelwa a shaine elondodho lyahugunina nokutidhwa mEtitano. Sakaria okwa ti Mika okwi ithanwa mombelewa opo a shaine oombapila dhokutidhwa miilonga, okwa tindi nokuza po piilonga. Konima yokathimbo, otaku hokololwa a galuka e na ondjembo meke, nokuyaha tango Myburgh nokutiyali okwa yaha Richter. Mika okwa kayile ombasikela yaMyburgh nokuya kOshitaasi shOpolisi kOndangwa, hoka a lopota oshiningwanima nokwiigandja kopolisi.
Comments
Namibian Sun
No comments have been left on this article