Aulumentu ya kwata onkonga omukiintu paindilo lyohonda ye

Opolisi yaHangwena oya manga po aalumentu yaali sho taku hokololwa ya kwata koonkondo koogumwe noogumwe omukiintu gwoomvula 41 kolukanda lwOpalasha mEenhana, anuwa pamalombwelo gohonda yomukiintu nguka.Aafekelwa yalwe yaali inaya mangwa po natango.Omukwatakanithi gwomakonakono giimbuluma mOhangwena Omupevi Komufala Melanie Mbuuru okwa ti kutya oshiningwanima shika osha ningwa ongulohi yOsoondaha.Mbuuru okwa koleke kutya aafekelwa yaali, okamatyona komimvo 16 nomumati gwoomvula 24, oya mangwa po, noonkambadhala dhokumanga po aafekelwa yalwe yaali otadhi tsikile.Aafekelwa otaya tamanekelwa oshipotha shekwatonkonga nokudhenga nokweehameka kolutu, mekwatathano nOveta yOkukondjitha Omahepeko gOmomagumbo.Shi ikolela ku Mbuuru, anuwa omukiintu nguka okwa li taya nu puundingosho pamwe nohonda ye manga inaa ya ya kegumbo lyomulumentu. Lwanima, aalumentu yalwe yatatu oye ya mondunda moka.“Omulumentu gwanakulongelwa omuyonena anuwa okwa lombwele ookuume ke ya lale nomukadhona gwe. Otaku tiwa wo kutya anuwa aafekelwa ayehe yane, mwa kwatelwa ohonda yomukadhona, oya manga nokukwata omukiintu nguka, noku mu hula okapendi, noku mu kwata koonkondo koogumwe noogumwe,” okwa ti.Konima yoshiningwanima shika, aafekelwa anuwa oya tidha mo nokuundula mo omukiintu nguka mondunda – omukiintu nguka gwoshilema – nokutsikila oku mu ponokela, oku mu dhenga noku mu thanga, shoka she mu etele e ehame kolutu.Aafekelwa mboka ya mangwa po oya tegelelwa ya holoke mOmpangu yaMangestrata mEenhana mEtitatu.“Aafekelwa mboka inaya mangwa po natango otaya kongwa nokumangwa po meendelelo ngaashi tashi vulika,” Mbuuru a gwedha po.

Aulumentu ya kwata onkonga omukiintu paindilo lyohonda ye

Comments

Namibian Sun 2025-04-25

Please login to leave a comment

Aulumentu ya kwata onkonga omukiintu paindilo lyohonda ye

Comments

Namibian Sun 2025-04-25

Please login to leave a comment

Login