Oshikondo shomatungo: Egwedhelo lyondjambi lya katekwa

Omanga Ongongahangano yIikondo yOmatungo moNamibia (CIF) nEhangano lyAaniilonga yAatungi nayalwe ye ya pamba moNamibia (Manwu) oya adha etsokumwe momagwedhelo gondjambi yopevi yaaniilonga yomoshikondo shomatungo mu Kotomba omvula ya zi ko, natango opo tashi ka ya miilonga.Ongongahangano nehangano lyaaniilonga oya gandja ombedhi kuuministeli wiilonga molwa ekateko, manga uuministeli wa ulike omunwe omahangano gaali.Shi ikolela komunkuluntuwiliki pitithi Lydia Indombo, ekateko omolwa oludhi lwetsokumwe lyaa li mondjila lya tumwa pautekinika kOngongahangano.Omukuluntu pitithi gwongongahangano Bärbel Kirchner okwa zimine kutya oludhi lwa puka olwa tuminwa kuuministeli mu ga7 Kotomba 2023. Kakele, olwa tumwa konima yetsokumwe lyomondjila nolyotango lya adhika nale lya tumwa kombelewa yaminista mu 4 Kotomba 2023, okwa fatulula.Uuministeli owa tumu odokumende ya puka kumbushe miilonga uuministeli wuuyuuki, ndjoka hugunina ya ka nyanyangidhwa mo mOmukandanyanyangidho gwEpangelo mo 19 Desemba 2023, Kirchner a ti."Oludhi lweuvathano-tsokumwe uuministeli wa taamba okuza maakuthimbinga olwa li lwa puka. Nduka olwo naanaa oludhi uuministeli wa longitha momukokomoko gwiilonga nokohugunina ogwa nyanyangidhwa mOmukandanyanyangidho gwEpangelo," Indombo a ti.Konima yenyanyangidho mOmukandanyanyangidho gwEpangelo, omasiku 44 naga kwishe molwa endhindhiliko lyiimbi kehe nomanga ondjambi yopevi inayi tulwa miilonga.Epuko lyopantuShi ikolela ku Kirchner, omapulapulo okuza komunakontalaka omutungi pethimbo ndika oge eta epuko kontseyo yOngongahangano.“Lagonenene otwa mono epuko mbala manga ethimbo lyesilohenda inali pwa ko. Opwa li shili epuko modokumende ya tuminwa uuministeli. Olya li epuko lyolela lyopantu noka pwa li sha shoshiningilawina kombinga yasho," okwa dhenge omuthindo.Shi ikolela ku Indombo, iilonga ngashingeyi oyi na okutamekululwa natango. Shi ikolela ku ye, uuministeli wiilonga owa tuma nale etsokumwe lyomondjila kuuministeli wuuyuuki. Kakele, oli na okunyanyangidhwa natango mOmukandanyanyangidho gwEpangelo, manga ethimbo lyomasiku 44 taga ka longithwa natango.Indombo okwa ikala kutya uuministeli owa hala okukateka eshaino lyondjambi yopevi ompe."Uuministeli owa hala oku shi yeleka kutya kau na etompelo okukateka eindilo ndyoka nenge eindilo kehe lilwe," okwa ti. Okwi ikaleke wo kokule nomapopyo ga ningwa ku Manwu ge li ompinge nuuministeli.Egandjo lyombedhiAmushangandjai gwehangano lyaaniilonga Justina Jonas okwa ti uuministeli otau gandja ombedhi owala. Shi ikolela ku ye, uuministeli owa kala nokulongitha omukalo nguka gwekateko oomvula odhindji. "Kehe omumvo, ohaa kateke iinima sigo tu na oku yi kondjela, nopo ihe taa penduka. Enyanyangidho mOmukandanyanyangidho gwEpangelo ohali kala aluhe lya katekwa – omathimbo gamwe oomwedhi hamano, omathimbo gamwe sigo opomvula! Shika osho oshinima sha faathana taa ningi ngashingeyi nongashingeyi oya hala oku tu shi pela ombedhi. Odokumende oya kwashilipalekwa olundji opo ihe haye tu galukile, ihe hamethimbo ndika."Jonas okwa gwedha po: "Ohaa yamukula owala uuna we ya landula. Otwa kwatathana nomukuluntuwiliki pitithidi mu Januali notwa mono owala eyamukulo konima yoshiwike. Sho a pulwa ngele epuko otali etitha ekateko, osha pula iiwike itatu manga opo a vulu oku tu yamukula”."Omolwashike ihaa kwashilipaleke okuza petameko? Omolwashike ihaa longo iilonga okuza esiku lyotango? Uuministeli wiilonga ohau kateke iilonga ethimbo nethimbo," okwa nyenyeta.– augetto@republikein.com.na

Oshikondo shomatungo: Egwedhelo lyondjambi lya katekwa

Comments

Namibian Sun 2025-02-21

Please login to leave a comment

Oshikondo shomatungo: Egwedhelo lyondjambi lya katekwa

Comments

Namibian Sun 2025-02-21

Please login to leave a comment

Login