Lameck a likola natango

Anna-Nora Lameck (67), omunafaalama gomomukunda Uupili moshitopolwa sha Ohangwena, natango okwa mono eteyo ewanawa lyomahangu nonande ku na omukundu goshikukuta.Oomvula dha konda omulongo , Lameck, omuniilonga omukulu gwaNamdeb, okwa kala neteyo ewanawa mepya lye, moka a kala okuza mo1992.Namibian Sun, ngoka a kala nokukundaneka kombinga kiilongapondoli yaLameck oomvula noomvula, okwa talele po ofaalama ye oshiwike sha zi ko nokwa adhika taa yungula iilya taa dhenge niiti.Omanga aanafaalama oyendji ohaa longitha omikalo dhoshinanena dhokuyungula iilya ngaashi okashina, Lameck okwa tokola okutsikila okuyungula koonyala, iilya tayi dhengwa niiti.Kehe omumvo, oha futu aamati aagundjuka momudhingoloko opo ye mu kwathe mokuyungula.“Okashina oha ka endelele, ashike ohaka vulu okutatula iilya yoye, noshikwawo, aamati mboka wu wete taa yungula iilya otaa futwa noshimaliwa shoka otaa vulu oku ka landa iikulya yoofamili dhawo nenge okwiikwatha nasho moompumbwe dhawo dhilwe. Ondi itaala mokunkondopeka aantu momudhingoloko gwandje,” okwa ti.Kombinga yeteyo lyonuumvo, Lameck nonande kalya li eteyo ewanawa ngoshito, okwa teya oolata noolata dhomahangu mepya lye.Sho a pulwa nkene he shi ende opo a mone eteyo ewanawa nonande olundji onkalo yombepo hayo naanaa, Lameck okwa ti oha longo pethimbo .“Shoka he ningi shampa omvula ya temuna, ihandi ongaonga ohandi tameke mbala okulonga epya lyandje. Ondi wete ndyoka olyo epuko aanafaalama oyendji haa ningi; ohaa tege omvula yi loke lela, ndjoka tayi vulu yi kale ko,” okwa fatulula.“Natango, oha pu kala ethimbo omvula ye eta oluteni– natango ihandi sholola, shampa owala evi lya tosima, one ningi po sha, osho oshipu. Omvula ihayi inekelwa; onkene, owu na okukutha omatokolo ngoka, muule woomvula onda kala omunelago noku shi pondola.”Okupalutha oshigwanaLameck oha landitha iilikolomwa ye pomudhingoloko nokepangelo okupitila mo Agro-Marketing and Trade Agency (AMTA).Okwa ti iilonga ye ohayi mu etele enyanyu uuna ta palutha oshigwana.“Omathimbo gamwe shampa nda tala aantu taa pewa uushako wuusila womahangu ongoshikukuta, ohandi imemeha nokwiilombwela, omahangu gomuushako mbono oga za mepya lyandje,” okwa ti neimemeho koshipala.Lameck okwa ti ohashi mu ehameke komutima uuna te ende poshilongo shawo pethimbo lyoondima nokutala aantu inaa longa momapya gawo.Okwiitaala kutya, omanga sha pumbiwa, opolohalama yiikulya yoshikukuta kombinga yimwe ohayi eta onyalo moshigwana shoka sha hala owala okupewa.“Iikulya yoshikukuta oya pumbiwa uuna oshilongo sha taalelwa konkalo ngaashi yonuumvo, ashike ngele aantu oye li kuundingosho pethimbo ya tegelelwa okulonga omapya gawo ihe ohaa pewa oshikukuta oshoka yalwe mboka ya longele ihe inaa likola mo sha otaa pewa sha, kandi wete omukalo omuwanawa okuungaunga nonkalo ndjika,” okwa ti.Ontengenekothaneko yepangelo mopolohalama yiikulya yoshikukuta oya konda poomiliona N$820 okuyamukula onkalo yongashingeyi moNamibia. Kape na etompelo lyokwaa pondolaPokati mpoka, Lameck okwa dhenge omuthindo kutya uunamapya nuuniimuna owo oshikondo sha simana moshilongo, nongele osha ungaungiwa nasho nawa, aantu itaa lala nondjala.“Kungame, uunamapya nuuniimuna owo wu li monomola yotango; iikondo yilwe oyi li puutiyali. Shono oshikondo sha simana, oshoka oshe tu gumeni atuheni. Kuuwindji wokulanda iikulya pondje yoshilongo, kuuwindji woshimaliwa tashi zi mo moshilongo shetu notashi kwathele okuyambula po oshikondo shuunamapya nuuniimuna miilongo mbyoka, ashike ngele otatu longo iikulya yetu yene, otatu kaleke oshimaliwa moshilongo shetu nokuyambula po oshikondo shetu shuunamapya nuuniimuna,” okwa fatulula.Okwa itaala evi lyaNamibia olya gwanena uunamapya nuuniimuna, nokugwedha po kutya kape na etompelo kutya Namibia itaa pondolele shike.Okutala konakuyiwa, kakele kuunamapya, Lameck ohaa munu wo iikwamawawa niimuna. Noku na oondjuhwa dhomaludhi ga yooloka, odhindji ndhoka dha pumba kOnooli. Lameck oku na wo oongombe, iikombo, oonzi niingulu, Elalakano okukokeka oshigunda she.kenya@namibiansun.com

Lameck a likola natango

Comments

Namibian Sun 2025-04-03

Please login to leave a comment

Lameck a likola natango

Comments

Namibian Sun 2025-04-03

Please login to leave a comment

Login