Irimari i indile epangelo li yambidhidhe aanafalama yokOnooli

Ngoloneya gwoshitopolwa shaShana Elia Irimari mOmaandaha okwi indile Uuministeli wUunamapya, Omeya nEtendululo lyevi, wu egulule okatomeno kEloolo mOshakati ka pitike aanafaalama yokOnooli ya mone uupitilo okuya “momalandithilo omanene”.Irimari okwa indile amushanga omukuluntu muuministeli wuunamapya Ndiyakupi Nghituwamata pethimbo lyoshigongiilonga shuule woshiwike shiilonga yokomumvo newiliko muuministeli tashi ningilwa mOshakati, mOshitopolwa shaShana.Oonakulwa aakulu okupitila mehangano lyawo Kiat Investment Holding oya li ooyene yuutomeno kokOutapi, Eenhana nOshakati, mboka wa pata 2016. Okatomeno kOshakati oka egululilwe pakathimbo mu Juli 2020 koonakulwa aakulu noka pata konima sho ehangano li iyadha itali vulu.Kiat okwi imanga kumwe naNingbo, ehangano lyaChina, a yambidhidhwe pashimaliwa nokatomeno oka eguluka ishewe muNovemba 2020, ashike naashika inashi kwatha sha.EsimanoIrimari okwa ti eipulo enene okutya uutomeno wumwe mEvi lyAayehe kOnooli itau longo natango, owa thiga aanafaalama yaa na uupitilo okuya momalandithilo , oshizemo, iilonga yoshikondo shuuniimuna oya gumwa noonkondo mEvi lyAyehe kOnooli.“Uutomeno owa simana oshoka mEvi lyAyehe kOnooli omu na Aanamibia ya konda poopelesenda 70, mboka ya hupa miimuna yawo mokwa uukalinawa wopaliko nokulonga iikulya ya gwana,” okwa ti.Irimari okwa ti oshikondo shuuniimuna osha gumwa komvula onshona nohayi lunduluka mvula namvula, konkalo yuunamapya ya nkundipala, komikalo dhokumuna iimuna noondjindikila momalandithilo, unenene molwa omukithi gwekondo nelaka.Mokuyamukula, Nghituwamata okwa ti epangelo oli itula mo okukwatha aantu yalyo nuuministeli otau ka ninga ashihe tashi vulika li ehulule uutomeno mbala.Okwa ti uuministeli owa tameka okuhulitha po euvathano lyokuthitha uutomeno nomunangeshefa gwongashingeyi, noye li moonkundathana ngashingeyi.OmasindanoMoshiigongiilonga natango, Nghituwamata okwa ti, mongashingeyi oopelesenda dhomagumbo paverage dhi na omeya moshilongo ashihe otaku tengenekelwa poopelesenda 91.75. Shika osha vulikithwa kokufulwa kwoondama oompe 12 ongoshitopolwa shokukala nomeya miitopolwa Ohangwena, Oshana, Kavango Uuninginino naHardap.Okutulwa miilonga kwoopoloyeka dhiikunino, ngashingeyi iikunino ihetatu ohayi longwa noyo: Etunda, Musese, Sikondo, ORIP, Shandikongoro, Hardap, Uvungu-Vhungu naShadikongoro.Okwa holola wo omasindano moopoloyeka dhiikunino noku ulike omwaalu gwiikunino ihetatu hayi longwa noyo: Etunda, Musese, Sikondo, ORIP, Hardap, Uvungu-Vhungu naShadikongoro.

Irimari i indile epangelo li yambidhidhe aanafalama yokOnooli

Comments

Namibian Sun 2025-04-11

Please login to leave a comment

Irimari i indile epangelo li yambidhidhe aanafalama yokOnooli

Comments

Namibian Sun 2025-04-11

Please login to leave a comment

Login