Omapangelo ga mangulula iilongo ge li meshongo enene – Shangula
Kaleni uupathi omumvo gwomahogololo
Dr Kalumbi Shangula okwa pandula oondohotohola konkandangala onene ya dhana pethimbo lyiita yekondjelomanguluko.
Minista yuundjolowele noshilyo shoSwapo Dr Kalumbi Shangula okwa kunkilile iilyo yongundu yi kale uupathi pethimbo oohandimwe yamwe menenevi taa lalekene okuumbako koshipundi oongundu dhopapolitika dha kondjela emanguluko lyiilongo, shika okwe shi popi shoku na owala oomwedhi tadhi yalulwa komahogololo ga simana moNamibia gomuNovemba gokuhogolola omupresitende niilyo yOmutumba gwoPashigwana.
Shangula okwa popi ndhika mehuliloshiwike poshiithanene shoondohotola dhetanga lyokakulumbwati (OPLANA) mOngwediva.
Oondohotohola aakulu yetanga lyokakulumbwati ya konda 200 oya holoka koshiithaneni, moka wo omunyekadhi gwoshilongo omukulu Penehupifo Pohamba a li mokati wo noshowo ookakukutu komatanga gegameno ye li moshipundi shevululuko Epaphras Denga Ndaitwah naMartin Shalli.
“Inatu pitika nande ekondjo lyetu tu li yugwe. Natu uvii ko ope na eponokelo lyoongundu dhopapolitika dha mangulula iilongo,” Shangula okwa ti.
“Inatu dhiminwa po nande nuuna wa mono aantu taa ti oya hala oku tu yambidhidha ihe oya mwena, momitima dhawo oya geya oshoka otwa mangulula oshilongo shika nongashingeyi inaa manguluka oku mu hepeka," minista yuundjolowele a ti.
“Kaleni uupathi ngaashi naanaa mwa kala notwa tegelela 2025 uuna ndoka tatu ka tameka nepangelo epe lyoSwapo nokandidate yetu yopaupresitende.”
Oshiithanene
Oshiithanene osha dhanenwa moHascienda Entertainment mOngwediva nosha gongaleke oonakulwa aakulu mboka ya ti oya hulathana nale, netompelo ndjoka olyo lya longekidhitha oshiithanene shika.
Moshipopiwa she, Shangula okwa ndjokonona paufupi onkandangala onene ya dhanwa koondohotola pethimbo lyekondjelomanguluko.
“Oondohotola molugodhi ohaa dhana onkandangala ya simana. Ohaa kwashilipaleke kutya aakondjelimanguluko ye ehama notaa ehama oya pangwa, nokuzulwa onkalo nokugalukila molugodhi nokukwashilipaleka wo omatati gaakondjelimanguluko oga gwana,” okwa ti.
“Aakwiita ye ehamekwa oyo aakwiita ya dheuka nekalopo lyawo molugodhi olya pumbiwa ya tse omukumo aakwiita inaa pyokoka nawa," Shangula okwa holola.
“Kakele kokulwa omalugodhi, oondohotohola odhi na okupanga aakwiita ye ehamekwa pethimbo ndyoka, okuya fala konamwenyo nokukwashilipaleka oyu ungaunga nayo lwanima ya aluke. Oshikwawo oondohotohola ohaa kala muudhigu wa faathana nowaakwiita aakwawo. Shika osha kwatela mo okuyahwa nenge okudhipagwa."
kenya@namibiansun
Shangula okwa popi ndhika mehuliloshiwike poshiithanene shoondohotola dhetanga lyokakulumbwati (OPLANA) mOngwediva.
Oondohotohola aakulu yetanga lyokakulumbwati ya konda 200 oya holoka koshiithaneni, moka wo omunyekadhi gwoshilongo omukulu Penehupifo Pohamba a li mokati wo noshowo ookakukutu komatanga gegameno ye li moshipundi shevululuko Epaphras Denga Ndaitwah naMartin Shalli.
“Inatu pitika nande ekondjo lyetu tu li yugwe. Natu uvii ko ope na eponokelo lyoongundu dhopapolitika dha mangulula iilongo,” Shangula okwa ti.
“Inatu dhiminwa po nande nuuna wa mono aantu taa ti oya hala oku tu yambidhidha ihe oya mwena, momitima dhawo oya geya oshoka otwa mangulula oshilongo shika nongashingeyi inaa manguluka oku mu hepeka," minista yuundjolowele a ti.
“Kaleni uupathi ngaashi naanaa mwa kala notwa tegelela 2025 uuna ndoka tatu ka tameka nepangelo epe lyoSwapo nokandidate yetu yopaupresitende.”
Oshiithanene
Oshiithanene osha dhanenwa moHascienda Entertainment mOngwediva nosha gongaleke oonakulwa aakulu mboka ya ti oya hulathana nale, netompelo ndjoka olyo lya longekidhitha oshiithanene shika.
Moshipopiwa she, Shangula okwa ndjokonona paufupi onkandangala onene ya dhanwa koondohotola pethimbo lyekondjelomanguluko.
“Oondohotola molugodhi ohaa dhana onkandangala ya simana. Ohaa kwashilipaleke kutya aakondjelimanguluko ye ehama notaa ehama oya pangwa, nokuzulwa onkalo nokugalukila molugodhi nokukwashilipaleka wo omatati gaakondjelimanguluko oga gwana,” okwa ti.
“Aakwiita ye ehamekwa oyo aakwiita ya dheuka nekalopo lyawo molugodhi olya pumbiwa ya tse omukumo aakwiita inaa pyokoka nawa," Shangula okwa holola.
“Kakele kokulwa omalugodhi, oondohotohola odhi na okupanga aakwiita ye ehamekwa pethimbo ndyoka, okuya fala konamwenyo nokukwashilipaleka oyu ungaunga nayo lwanima ya aluke. Oshikwawo oondohotohola ohaa kala muudhigu wa faathana nowaakwiita aakwawo. Shika osha kwatela mo okuyahwa nenge okudhipagwa."
kenya@namibiansun
Comments
Namibian Sun
No comments have been left on this article